San Lucas 7:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Añña fariseo ñeñth waꞌñeneꞌ Jesús, ñañapaꞌ eñchpaꞌ ateth ot poeyoxhro: Tharraña añ yakma ñerraꞌm poꞌñoxh ñeñth aꞌmhtenayeñ Yompor poꞌñoñpaꞌ eñotapaneñchaꞌña añ koyaneshaꞌ ñeñth aꞌphlleneꞌpaꞌ atarr ekañoreshath, amach moenacheñe oꞌch aꞌphllosñañ amaꞌt paꞌtka.

San Lucas 7:39 Iomraidhean Croise

San Mateo 20:16

Ñeñthoꞌmar theꞌpaꞌ oꞌch noterrserr: Ñeñth ama esoyeꞌ senteno sa theꞌ tharraña ñetña allempopaꞌ atarrchaꞌ asherben enterranet Yompor. Ñeñthña atarr asherben sentyen theꞌ, ñetña allempopaꞌ amach tama asherbenayeꞌ enterraneto Yompor. Ñeñthoꞌmar theꞌpaꞌ oꞌch alla noterrserr: Amaꞌt shonteñña ñamha ñeñth awaꞌñareth ñeñthchaꞌ neyochreshaꞌ neperreñ, tharraña ñetpaꞌ eꞌñe poesheñaꞌttseta ñeñthchaꞌ eꞌñe pokteꞌ nenterr na ñeñthchaꞌña eꞌñe neyochreshaꞌ neperr poktakma.

San Mateo 21:11

Acheñeneshaꞌ ñeñth kothaꞌneneꞌpaꞌ ñetñapaꞌ ateth otoset: —Añkaꞌyeña Jesús ñeñth aꞌmhteneꞌ Yompor poꞌñoñ. Ñapaꞌ Galileothkaꞌye wena allara anetso Nazareto.

San Marcos 7:21

Eꞌñe yeyoxhroth wena kothaphñats ñeñth amaꞌt mameshapaꞌ ama kowenayaye, ñeñthpaꞌ añ: chetapretannaꞌteñets thaporets, kañoreshaꞌteñets, moetsannaꞌteñets,

San Lucas 12:17

Ñeñthña ekhllayorethpaꞌ ateth kothapeꞌchen poeyoxhropaꞌ ateth oten: “Errothwachkaꞌye nephaꞌña, ñeñth atarr nanak aton nethotaten amakaꞌye eñalleña allchaꞌ eꞌñe naññoꞌtwe.”

San Lucas 15:2

Añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt mameshapaꞌ ama pokteyeꞌ enteñeto. Ñetñapaꞌ attha sasareꞌteñet Jesúspaꞌ ñeñthpaꞌ ateth otannaꞌtyenet: —Añ acheñer amaꞌt ñeñth atarr ochñatheneshaꞌpaꞌ esoꞌmartheꞌña eꞌñe kowen agapyenanet, ñamha alla rrallmeꞌchapreteñet.

San Lucas 16:3

Allempoña paꞌtarwasañer ñapthopaꞌ ateth kothapeꞌchen: “Theꞌpaꞌ amach alloꞌna netarwasaꞌneno namoꞌmtayesho; oꞌkaꞌye mopaꞌtamperrenña allo neganena. Theꞌpaꞌ errothenwachñakaꞌye nephatheꞌ. Napaꞌ ama necheno newamenk atthoch namreꞌt ñeñthchaꞌ netarwas neperreñ, ñamha ama nemno oꞌch netarwas nephaꞌ oꞌch attha nenamareꞌtyen kelle ateth phaꞌyena poꞌpsheññexhno ñeñth poꞌtarwas peneꞌ oꞌch enamareꞌtyeset kelle, tharroꞌmar na ñeñthpaꞌ atarr apenkoxhen nenteñ.”

San Lucas 18:4

Juezñapaꞌ amaꞌt allponmat ama moeno oꞌch yenpoeꞌ. Tharraña rrethorrnaneshaꞌ ñapaꞌ xhokmach sen juezesho enamareꞌteneꞌ atthoch aꞌpoktatoñ ñoñets añekop ñeñth eꞌmoñeꞌteneꞌ. Attheñapaꞌ xhap allempo kothapeꞌch juezpaꞌ ateth ot: “Napaꞌ poꞌñoxh amaꞌt Parets ama nemhchaꞌteñe; acheñeneshaꞌpaꞌxhoꞌña amaꞌt mameshapaꞌ ama akwaꞌpenayeꞌ nentenaneto.

San Lucas 3:8

Napaꞌ añchaꞌña notapas oꞌch sorrtatyes ñeñth eꞌñe kowen enten Yompor ñeñth ateth pena ñeñth poꞌñoxh oꞌ kothapeꞌcherran ello kowen Yomporekop. Sapaꞌ xha soteneñ seyoxhro añoꞌ es sepallteno sapaꞌ añoꞌ eꞌñe seyemtena satañ Abraham. Tharraña napaꞌ oꞌch notas amach ateth sokthapeꞌchatsto tharroꞌmar ñeñthpaꞌ ama esoyeꞌ enteñe Yompor. Tharroꞌmar oꞌch notas ñerraꞌm Yompor moenetseñ amaꞌt añ mapoeꞌ ñeñth senten arr oꞌch aꞌpnasereñ Abraham poꞌmhreneñ.

San Lucas 7:16

Acheñeneshaꞌñapaꞌ atarr nanak yorenet. Poꞌyorñothetpaꞌ atarr ayeꞌchoxhtateññañet Yompor. Ñetñapaꞌ ateth otyenet: —Theꞌpaꞌ oꞌ orrtonaya poesheñarr ñeñth atarr sherbets ñeñth aꞌmhteneꞌ Yompor poꞌñoñ. Yomporpaꞌ oꞌ yerpoerrya ñeñthey eꞌñe poeyochreshay peney.

San Lucas 7:37

Poesheñarrña koyaneshaꞌ ñeñth alloꞌmarneshaꞌ ñeñth atarr ekañoreshath, ñañapaꞌ oꞌ eꞌmareꞌch oꞌ xhap Jesús fariseo paꞌpakllo all rrallmeꞌchen. Ñañapaꞌ wapa, wapatan ñeñth atarr eñmosath ñeñth nanak tsaꞌteꞌ; wapatampes poetellmho ñeñth otenet alabastro.

San Lucas 7:38

Allñapaꞌ poeyaꞌchpeñeshaꞌ wapa, ponmosana Jesús paꞌtko. All atarr yawosa, poeseꞌñapaꞌ xha tsopsaꞌtos Jesús paꞌtko. Allempoña chetosanña poeꞌchpaꞌ alloña alla aꞌporrarraꞌtkër, tsoꞌtstekaꞌtosan paꞌtak, sheꞌtatkaꞌtos eñmosatho.

San Lucas 7:40

Jesúsñapaꞌ ateth otan fariseo: —Napaꞌ nemneñ oꞌch masheñe Simóna notaph allpon ñoñets. Fariseoñapaꞌ ateth och: —Eꞌñe pokteꞌ nenteñ Maestrochaꞌ oꞌch photen.

San Juan 4:19

Allempoña eꞌman ateth oteñpaꞌ koyaneshaꞌñapaꞌ ateth otererr: —Ayochreshathe, theꞌña poꞌñoxhpaꞌ oꞌ neñotaph phapaꞌ añepepaꞌt ñeñtheph aꞌmhteneꞌ Yepapar poꞌñoñ.

San Juan 7:12

Allña acheñeneshaꞌpaꞌ shonteꞌ eñosyenet ñokop. Patantaꞌtetspaꞌ ateth otyenet: “Ñapaꞌ eꞌñe kowen acheñer”; poꞌpotantañexhnopaꞌ ateth otyenet: “Amakaꞌye kowenayaye, atthakaꞌye shekareꞌtyenan acheñeneshaꞌ.”

San Juan 9:24

Poepocheñopaꞌ alla xhoreꞌtereterr ñeñth poroꞌyeꞌchatseꞌth ateth otapet: —Theꞌ phapaꞌ oꞌch pekowentaterrñañ Yompor. Yapaꞌ yeñoteñ añ yakmapaꞌ atarrkaꞌye ochñath.