San Lucas 7:37 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁷ Poesheñarrña koyaneshaꞌ ñeñth alloꞌmarneshaꞌ ñeñth atarr ekañoreshath, ñañapaꞌ oꞌ eꞌmareꞌch oꞌ xhap Jesús fariseo paꞌpakllo all rrallmeꞌchen. Ñañapaꞌ wapa, wapatan ñeñth atarr eñmosath ñeñth nanak tsaꞌteꞌ; wapatampes poetellmho ñeñth otenet alabastro.

San Lucas 7:37 Iomraidhean Croise

San Lucas 18:13

Poꞌpsheñeñña ñeñth cobrets kelle ñañapaꞌ alla thomos aꞌyoth. Ñapaꞌ eñotena atarr ochñath ñeñthoꞌmarña ñapaꞌ ama kowoso enoneth Yomporeshoneth. Ña poellkëñothpaꞌ nosan pot poesomapo. Ña poemaꞌyocheñoth ateth otos: “Nompore, theꞌpaꞌ oꞌch pemorrenterrna atthoch eꞌñe pephretnaꞌwerrnan allowen noꞌchñar tharroꞌmar napaꞌ atarrkaꞌye ochñathen.”

San Lucas 19:7

Allempoña acheñeneshaꞌ ateth eñchet, ñetñapaꞌ amaꞌt mameshapaꞌ ama pokteyeꞌ es entaye. Ñetpaꞌ ateth otannaꞌtyeset: —Esoꞌmarchaꞌkaꞌyeña beꞌthososña Jesús allchaꞌ mos añ acheñer paꞌpakllo ñeñth atarr nanak ochñath.

San Lucas 5:30

Fariseoneshaꞌ ñamha ñeñth atarr etsotayenayeñ ñoñets ñeñth ateth anareth, ñetñapaꞌ sasareꞌteññañet Jesús poeyochreshaꞌ. Attheñapaꞌ otarethtet: —Taꞌm, esoꞌmartheꞌña serrallmeꞌchapreteñña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ aton kelle ñamha epas acheñeneshaꞌ ñeñth atarr ochñatheneshaxhno.

San Lucas 5:32

Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop.

San Lucas 7:36

Allempoña Jesúspaꞌ oꞌ wapoña ñamha poesheñarr fariseo oꞌch otenanaꞌ Jesús rrallmeꞌchapreteñepaꞌ paꞌpakllo. Jesúsñapaꞌ allentha kotherran fariseo. Allempoña xhapach paꞌpakllo anorrxhaꞌtoset parro allchaꞌ rrallmeꞌchapretos.

San Juan 11:2

Ñewa, ñeñthña Maríapaꞌ ña aꞌyatkateꞌña Partseshaꞌ eñmosatho paꞌtko allempoña eꞌñe ña poeꞌchopaꞌ alloña aꞌporrarraꞌtkër, ña poꞌse Lázaropaꞌ xha atsnaꞌten.

San Juan 9:24

Poepocheñopaꞌ alla xhoreꞌtereterr ñeñth poroꞌyeꞌchatseꞌth ateth otapet: —Theꞌ phapaꞌ oꞌch pekowentaterrñañ Yompor. Yapaꞌ yeñoteñ añ yakmapaꞌ atarrkaꞌye ochñath.

San Juan 9:31

Yapaꞌ yeñoteñ ñeñth ochñath acheñpaꞌ amakaꞌye eꞌmhñoteñe Yompor, tharraña ñerraꞌm ya yemhchaꞌnaꞌteñoth Yompor ateth yepena ñeñth moenen ñapaꞌ xhokmach eꞌmhñoteney.

Romanos 5:8

Tharraña yapaꞌ amaꞌt allempo ora yephatseꞌtyen sosyaꞌtsañpaꞌ eꞌñe allempokmaña Cristopaꞌ awoꞌt rroma yokop. Atthoña Yomporpaꞌ eñotaterrey yapaꞌ nanak morrentenya.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.

1 Timoteo 1:9

Ñamha alloweneypaꞌ eꞌñe yeñotweñ añ ñoñets ñeñth ateth anareth ñeñthchaꞌ ateth yephapaꞌ ama añekpayeꞌ anarethe acheñeneshakop ñeñth kowenareꞌ es phaꞌyets, tharroꞌmar ñetpaꞌ oꞌ yexhaꞌweñet eꞌñe poktakma. Ñeñthpaꞌ añekpa anareth añ acheñrekop ñeñth ama es otapespawo, ñamha ñeñth nanak athpareꞌtetsa, ñamha ñeñth ama es xhenoyo poeyoxhro ñeñth kowentetsa Yomporekop, ñamha ñeñth nanak ochñaꞌtareꞌtets, ñamha ñeñth ama amhchaꞌnaꞌtpoꞌ entenaye Yompor poꞌñoñ, ñamha ñeñth amaꞌt Paretspaꞌ achmhareꞌteñchaꞌ. Ñamha añekpa anareth añ ñoñets añ acheñrekop ñeñth amtsañtetsa, ñamha ñeñth moetseneꞌ pompor, amaꞌt ñamha pachor.

1 San Pedro 4:18

Amaꞌt ñeñthey eꞌñe pokteꞌ es petspaꞌ eꞌñech yemoeroxhenñotha yekeshperra, allempopaꞌ errothenothwachkaꞌ xhapña ñeñth ochñatheneshaꞌ ñeñth atarr athpareꞌteneꞌ Yompor.