San Lucas 7:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Ñamha amakaꞌ añekpayeꞌ seteꞌtheña all oꞌch sentenaꞌ ñeñth atarr koxhneshaꞌtetsa paꞌshtam all, tharroꞌmar yeñoteñ amayopaꞌ amakaꞌye eñalleña all ñeñth atarr koxhneshaꞌtetsa paꞌshtam. Yapaꞌ yeñoteñ arrña yentenña ñeñth atarr koxhneshaꞌ chorraꞌyenaya shetamoets amhchaꞌtarethepawo.

San Lucas 7:25 Iomraidhean Croise

San Mateo 11:8

Ñamha amakaꞌ añekpayeꞌ seteꞌtheña all oꞌch senteñaꞌ ñeñth atarr koxhneshaꞌtetsa paꞌshtam all, tharroꞌmar yeñoteñ amayopaꞌ amakaꞌye eñalleña all ñeñth atarr koxhneshaꞌtetsa paꞌshtam. Yapaꞌ yeñoteñ arrña yentenña ñeñth atarr koxhneshaꞌ chorraꞌyenaya shetamoets amhchaꞌtarethepawo.

San Mateo 3:4

Ñeñthña Juanpaꞌ camello poeꞌch apomotareth ñeñth paꞌshtam pen. Allo chanena ñeñthpaꞌ paꞌrrom. Allñapaꞌ rraꞌyesaneꞌth awañchenklla ñeñtha poerrar peꞌth epoet pets poꞌmoñ.

San Mateo 6:29

Tharraña napaꞌ oꞌch notas: Amaꞌt amhchaꞌtareth Salomón attho eꞌñe aꞌkowentateꞌth awath, amaꞌt ñapaꞌ ama chorraneꞌtheña ñeñth atarr kowen ñeñth ateth atarr kowentena ror.

San Lucas 16:19

Elloña Jesúspaꞌ ateth serrpareꞌtatanet: —Eñall poesheñarr ñeñth atarr ekhllayoreth ñeñth chorrenaya shetamoets atarr koxhneshareꞌ ñeñth atarr kowen apomotyesareth. Epayeꞌ koshatseꞌtatyeñ ñeñth allpon echyen. Eꞌñe poksheñothpaꞌ eꞌñe ellapeneꞌth rrallmeꞌchats.

San Lucas 7:24

Allempoña Juan poeyochreshaꞌpaꞌ oꞌ awanerret. Jesúsñapaꞌ alla serrpareꞌtaterranerr acheñeneshaꞌ ñeñth ateth peꞌth awaña Juan, ñeñthpaꞌ ateth otanet: —Awaña allempo seteꞌth amayo all serrpareꞌten Juan, sapaꞌ amakaꞌ añekpayeꞌ seteꞌtheña all oꞌch sentenaꞌ amoesmaꞌ ateth aꞌymaꞌtateñ mhorr.

San Lucas 7:26

Sapaꞌ añekopkaꞌyeña seteꞌthña amayo oꞌch sentenaꞌ all ñeñth poꞌñoxh aꞌmhteneꞌ Yompor poꞌñoñ. Napaꞌ oꞌch notas, Juanpaꞌ attho atarr sherbenan Yomporpaꞌ ello metanaꞌtwenan allowen ñeñth attho aꞌmhtenet Yompor poꞌñoñ.