San Lucas 7:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes: Atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Lucas 7:23 Iomraidhean Croise

San Mateo 11:6

Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes, atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Lucas 2:34

Oꞌ eñoranaꞌtwanet poeꞌmaretholletpaꞌ allempoñapaꞌ enamatanet ñamet ñokpoet Yompor paꞌnateña. Allempoñapaꞌ otoñ pachor María, ñeñthpaꞌ ateth och: —Peñochepaꞌch añ cheshatholl ñeñthpaꞌ ñeñthña onañcheꞌth awath Yompor. Ñokoppaꞌ shonteꞌch israelenaꞌtarneshaꞌ ñeñthchaꞌ ama ameꞌñerrayo ñeñthchaꞌ chenkërrtsa. Tharraña eñall ñamha shonteꞌ poꞌpotantañ ñeñthchaꞌ ameꞌñerraya ñeñthchaꞌ kowenoꞌtsenterrtsa. Tharroꞌmar Pomporpaꞌ añekopña moeñer allochñapaꞌ ñach eñotaterrawet ñapaꞌ Pomporeshoth wapa. Tharraña shonteꞌch acheñ ñeñthchaꞌ achmhareꞌterreꞌ.

San Lucas 7:22

Jesúsñapaꞌ otapanet: —Theꞌpaꞌ oꞌch awerres seserrpareꞌtatwerchaꞌ Juan ora allpon ñeñth ateth sentyeswennanaꞌ arr ñamha ora allpon ñeñth ateth seꞌmyeswennanaꞌ arr. Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet, ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret, ñamha ñeñth osyen poetsarñats, theꞌpaꞌ oꞌ eꞌñe aꞌkowentatarethetwerret ñamet, ñamha paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Lucas 7:24

Allempoña Juan poeyochreshaꞌpaꞌ oꞌ awanerret. Jesúsñapaꞌ alla serrpareꞌtaterranerr acheñeneshaꞌ ñeñth ateth peꞌth awaña Juan, ñeñthpaꞌ ateth otanet: —Awaña allempo seteꞌth amayo all serrpareꞌten Juan, sapaꞌ amakaꞌ añekpayeꞌ seteꞌtheña all oꞌch sentenaꞌ amoesmaꞌ ateth aꞌymaꞌtateñ mhorr.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.