San Lucas 7:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Allñapaꞌ alloꞌtsen poesheñarr yakma ñeñth solltar poꞌcaphtaner, ñeñthpaꞌ romoꞌmarneshaꞌ, ama judioneshayaye. Ñeñthña capitánpaꞌ echenan poesheñarr paꞌtarwasañer xha atsnaꞌten atarr paꞌnathtena, ñañapaꞌ atarr morrentenana paꞌtarwasañer.

San Lucas 7:2 Iomraidhean Croise

San Mateo 27:54

Eꞌñe allempo rroma Jesús, solltarneshaꞌña epoet poꞌkaphtaner ñeñth allpon kowampeneꞌ Jesús, ñetñapaꞌ eꞌñe enteñet ñeñth ateth phaꞌyesa allempo, attho pella pats. Ñeñthoꞌmarña ñetpaꞌ atarr yorenet. Allempoñapaꞌ ateth otet: —Poꞌñoxhwakaꞌye añmapaꞌ Partsepaꞌtkaꞌye Poechemer.

San Lucas 23:47

Solltar poꞌcapitáner ñeñth romoꞌmarneshaꞌ ñeñth korsoꞌtamphseꞌ, allempo ateth ent ateth oꞌ pha, ñañapaꞌ allentha ayeꞌchoxhtatan Yomporpaꞌ ñapaꞌ ateth ot: —Añ yakmarpaꞌ poꞌñoxhwakaꞌye eꞌñe atthotha oꞌ yemtsatater, amakaꞌyeña eñalleña atthoch yemtsatatereñ.

San Lucas 7:1

Allempoña Jesúspaꞌ serrpareꞌtatwerranerr allowen acheñeneshaꞌ ñeñth eꞌmhñoteneꞌ, ñañapaꞌ awerrerr, oꞌ xherrerr Capernaumo.

San Lucas 7:3

Ñeñthña capitánpaꞌ allempo eꞌmareꞌtan Jesús oꞌ alla xherr Capernaumo, ñañapaꞌ oꞌ moeñan patantarr acheñ ñeñth pomporneshaꞌ pen judioneshaꞌ, oꞌch oteñetaꞌ Jesús attho agotateñ capitán oꞌch aꞌkrraterrñañaꞌ paꞌtarwasañer.

San Lucas 8:42

tharroꞌmar neseñ ñeñth nepathrrorpaꞌ xha atsnaꞌten oꞌ aꞌpoꞌntsaꞌmocha. Ñewa, ñeñth poꞌseñpaꞌ allpontheꞌ echenan poꞌcharña xharraꞌ poechena epa char.

Los Hechos 10:1

Eñall poesheñarr capitán, añ socheꞌth Cornelio. Ñañapaꞌ alloꞌtsen anetso añ paꞌsoꞌcheñ Cesarea. Allñapaꞌ ña moeñanateneꞌ xharroch xharraꞌ guardianeshaꞌ ñeñth oteñet Guardia Italiana.

Los Hechos 10:7

Ñeñtha otwapaꞌ oꞌ awerr. Awerrpaꞌ Cornelioñapaꞌ xhoreꞌtan epsheña ñeñth tarwasets eꞌñe alla pokollo, xhoreꞌtan ñamha poesheñarr poꞌsolltarer ñeñthpaꞌ aña poꞌtarwas penet atthoch kowampeñet poꞌcapitánret. Añpaꞌ ñeñth kowen kothapeꞌchets Partsokop ñamha.

Los Hechos 22:26

Ñeñtha eꞌm capitánpaꞌ oꞌ awoꞌ alloꞌtsen paꞌmhchaꞌtaretherpaꞌ ateth otos: —¿Errothenaꞌt phokthapeꞌcheññañ añ acheñer? Añpaꞌ romanonaꞌtarkaꞌye.

Los Hechos 23:17

Allothña Pablopaꞌ oꞌ xhoreꞌtan poesheñarr capitán, ateth och: —Añ wepoeshaꞌpaꞌ oꞌch phanemh alloꞌtsen phaꞌmhchaꞌtarether tharroꞌmar ñapaꞌ atarr moeneñ oꞌch es aꞌmethenaꞌ.

Los Hechos 27:1

Allempoña oꞌ aꞌpoktatwet oꞌch moeñet Pablo anetso Romo allara Italiapaꞌ oꞌ anmet alloꞌtsen capitán ñeñth paꞌsoꞌcheñ Julio, ñeñth poꞌcapitaner penet ñeñth emchorrenaya amhchaꞌtareth Augusto. Ñamha oꞌ anmet poꞌpoñexhno ñeñth ayottamphsarethexhno oꞌ apoeñetaꞌ Julio, allñapaꞌ ñach kowampesnomawet.

Los Hechos 27:3

Tsapathñapaꞌ arr yetsotosa all oteñet Sidóno. Allña capitán Juliopaꞌ morrentnomana Pablo ñeñthoꞌmar oꞌ moenach oꞌch emoꞌtnoman pamoꞌtseshaꞌ, ñeñth yexhaꞌyetsa all Sidóno, atthoch ñetpaꞌ oꞌch apapet Pablo ñeñth palltena.

Los Hechos 27:43

Tharraña capitánpaꞌ nanak moeneñ oꞌch aꞌkeshphatan Pablo ñeñthoꞌmarña ama moenataneto oꞌch moetsanachet. Ateth otanet: —Ñerraꞌm eseshaꞌtheꞌ eñoteneꞌ pathatsapaꞌ oꞌch sepatha sanom atthoch sephchata yomhtaꞌn.

Colosenses 3:22

Ñamha sapaꞌ oꞌch notas samha ñeñthes atarwasatarethes eꞌñe attha: Xhokmachña eꞌñe kowen sameꞌñyaña ñeñth samoꞌmteꞌ sepen añe patsro. Amachña poekwampeñothesaña semaꞌyoreñ setarwasatsto, ñeñthpaꞌ añekpaña ateth sepena atthoch eꞌñe kowen entenes samoꞌmteꞌ. Eꞌñechña semaꞌyorñekma seyoxhrokmañen eꞌñech kowen setarwasen. Eꞌñechña semhchaꞌnaꞌteñoth Yompor setarwasen eꞌñe kowen.