San Lucas 7:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Atthoña acheñeneshaꞌñapaꞌ epayeꞌ serrpareꞌtyeswerret ñeñth ateth phaꞌyena Jesús. Oꞌ eꞌñe epaꞌwa ora Judeoꞌmar ñamha ora errakmañen allampañoꞌmar.

San Lucas 7:17 Iomraidhean Croise

San Mateo 2:1

Allempo eñalleta Jesús all Beléño, eꞌñe alla Judeopaꞌ añ amhchaꞌtarethtatseꞌth Herodes. Oꞌña eñalletwapaꞌ eñotañneshaꞌña waxhaꞌtet alloth wena atsrrethpaꞌ oꞌ xhaxhaꞌtet Jerusaléño.

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Mateo 9:26

Allempoñapaꞌ eꞌmareꞌtwet errapharen anetsoꞌmar Jesúspaꞌ oꞌ tantaterran arromñath.

San Mateo 9:31

Elloña ñetñapaꞌ awanmoet aꞌmethareꞌtyeset Jesús. Errapharen allampañoꞌmar eꞌmareꞌtwet Jesús ateth pena.

San Marcos 1:28

Eꞌñe mamekmapaꞌ oꞌ eꞌñe serrpareꞌtwawet allampañoꞌmar Galileo ateth phaꞌyena Jesús.

San Marcos 6:14

Allempoña amhchaꞌtareth Herodes ñañapaꞌ ateth eꞌmareꞌtenan Jesús ñeñth ateth phaꞌyena, tharroꞌmar Jesús allowen acheñeneshaꞌpaꞌ eꞌñe eꞌmareꞌtweñet ñeñth ateth phaꞌyena. Ñañapaꞌ ateth ot: —Añepaꞌtkaꞌyeña Juanañ ñeñth apatayeꞌth acheñ Partsokop. Taꞌmkaꞌye xhatheꞌ tanterraña rromoth. Ñeñthoꞌmarepaꞌtkaꞌyeña theꞌpaꞌ orrtaterranña partsoteñets.

San Lucas 4:14

Allempoña Jesúspaꞌ oꞌ alla awerr Galileo. Ñapaꞌ añ atarr awamenkath peneꞌ Parets Poekamkëñ. Errapharen Galileoꞌmar oꞌ eꞌñe eꞌmareꞌtwet ñeñth ateth phaꞌyena Jesús.

San Lucas 7:14

Allempoña ponmapana arromñath, aꞌphllataꞌtosñañ poꞌkajon. Ñeñthña aneneꞌpaꞌ alla thomxhaꞌtoset. Jesúsñapaꞌ otan wepoeshaꞌ ñeñth rromoets: —Napaꞌ oꞌch notaph: ¡Theꞌpaꞌ oꞌch petanterra!