San Lucas 7:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Acheñeneshaꞌñapaꞌ atarr nanak yorenet. Poꞌyorñothetpaꞌ atarr ayeꞌchoxhtateññañet Yompor. Ñetñapaꞌ ateth otyenet: —Theꞌpaꞌ oꞌ orrtonaya poesheñarr ñeñth atarr sherbets ñeñth aꞌmhteneꞌ Yompor poꞌñoñ. Yomporpaꞌ oꞌ yerpoerrya ñeñthey eꞌñe poeyochreshay peney.

San Lucas 7:16 Iomraidhean Croise

San Mateo 15:31

Allña acheñeneshaꞌpaꞌ xha atarr kowanrrorteñet allempo eñchet attho opanaxhno xha eñoraꞌyerrtsa, mankoxhnopaꞌxhoꞌña xha kowenetyerrtsa, chekaꞌrepaxhnopaꞌxhoꞌña xha chopeꞌchyerrets, aporoꞌyethexhnopaꞌxhoꞌña xha eꞌñe kowen kowaꞌyerrets. Ateth eꞌñe kowen eñchetpaꞌ allowenetñapaꞌ kowentateññañet israelneshaꞌ Poꞌyomporer.

San Mateo 21:11

Acheñeneshaꞌ ñeñth kothaꞌneneꞌpaꞌ ñetñapaꞌ ateth otoset: —Añkaꞌyeña Jesús ñeñth aꞌmhteneꞌ Yompor poꞌñoñ. Ñapaꞌ Galileothkaꞌye wena allara anetso Nazareto.

San Mateo 28:8

Allempoñapaꞌ poemaꞌyoreñ awanerret poepamproth. Amaꞌt yorenetañpaꞌ poksheñeshaꞌ matrraꞌterret oꞌch oteññañetaꞌ poeyochreshaꞌ.

San Mateo 9:8

Acheñeneshaꞌña all ñeñth enteneꞌ ñetñapaꞌ xha yorenet, elloñapaꞌ alla kowentaterrñañet Yompor. Ateth otyenet: —Yomporkaꞌyeña oꞌ llesenserran ñeñth amaꞌt eꞌñe acheña.

San Lucas 1:65

Acheñeneshaꞌña ñeñth yexhetsa allpaꞌ allowenet atarr mechaꞌnaꞌteñet Yompor. Ñetñapaꞌ serrpareꞌtatannaꞌtyeset all aspentharero Judeo.

San Lucas 1:68

—Ayeꞌchoxhtaterrapoꞌch Yompor, ñeñthara ñeñth Poꞌpartseshar pen allowen israelneshaꞌ, tharroꞌmar theꞌñapaꞌ oꞌ orrtaterrnay poemoereña ñeñthchaꞌ yaꞌkeshphaterreꞌ ñeñthey poechemer pen.

San Lucas 19:44

Aꞌmataꞌtwerrnasetchaꞌ ora allowen saꞌnetser atthoch sepaklleꞌnachña eꞌñe saꞌtpetseꞌtwerreꞌ allowenes amaꞌt sakñetharetholleshowen. Allo sorraten sepakëll amaꞌt pathrra mapoeꞌpaꞌ amach aꞌpoerro, tharroꞌmar sapaꞌ ama semno oꞌch sagërrñañ Yompor poemoereña allempo moeneñeñ oꞌch yenpoerrsoñ samha.

San Lucas 2:20

Allempoña ñeñth koweneꞌ poꞌcarnerorpaꞌ oꞌ awanerret. Ateth otenanetaꞌ mellañotheñneshaꞌpaꞌ ñetñapaꞌ eꞌñe poꞌñoxh entoset. Allpon ñeñth ateth eꞌmoet, amaꞌt ñamha ñeñth ateth entet, ñeñthoꞌmarña ñetpaꞌ eꞌñe paꞌyeꞌchoxhtateñeshet awanerret, atthoña ñetpaꞌ atarr kowentatnerrñañet Yompor.

San Lucas 24:19

Ñañapaꞌ ateth otnomanet: —¿Esoꞌtña ñeñth ateth oꞌ phowerretña all? Ñetñapaꞌ alla otnereterr: —Añkaꞌye yeserrpareꞌtnen Jesús ñeñth nazaretoꞌmarneshaꞌ ñeñth aꞌmhteneꞌ Yompor poꞌñoñ awaña. Poꞌwamenkoth orrtatennay poꞌpartsoña ñeñth amaꞌt awatha yapaꞌ ama yentare. Ñamha ateth yexhatyeseꞌth ñeñthpaꞌ atarr kowen. Ñeñthpaꞌ eꞌñe pokteꞌ entapreteñ Yompor; acheñeneshaꞌpaꞌxhoꞌña eꞌñe pokteꞌ enteñet.

San Lucas 5:26

Allowenña acheñeneshaꞌpaꞌ xha atarr kowanrrortapoeñet. Atthoña ñetpaꞌxhoꞌña atarr kowentatyeññañet Yompor. Allowenetñapaꞌ atarr nanak yorenet, ateth otyenet: —Theꞌpaꞌ oꞌ yenterr ñeñth amaꞌt awathapaꞌ ama yentareña ya ñeñth atarr kowen.

San Lucas 5:8

Allempoña ateth eñch Simón Pedro ñañapaꞌ pomaꞌyorñekma ponmana Jesús, konkorposa paꞌrrphoth, all otos: —Amach Partseshachaꞌ alloꞌna peyemtatsetnenno tharroꞌmar napaꞌ ñeñthen atarr ochñathen.

San Lucas 7:15

Eꞌñe otweꞌpaꞌ ñeñthña arromñathpaꞌ allentha tanterra xha eñorerrtsa. Jesúsñapa oꞌ alla apoerrñañ pachor.

San Lucas 7:39

Añña fariseo ñeñth waꞌñeneꞌ Jesús, ñañapaꞌ eñchpaꞌ ateth ot poeyoxhro: Tharraña añ yakma ñerraꞌm poꞌñoxh ñeñth aꞌmhtenayeñ Yompor poꞌñoñpaꞌ eñotapaneñchaꞌña añ koyaneshaꞌ ñeñth aꞌphlleneꞌpaꞌ atarr ekañoreshath, amach moenacheñe oꞌch aꞌphllosñañ amaꞌt paꞌtka.

San Lucas 8:37

Allempoña allowen acheñeneshaꞌ ñeñth yexhaꞌyetsa all ñeñth gadaroꞌmarneshaꞌ ñetñapaꞌ poeyorñothet ateth otoset Jesús: —Theꞌpaꞌ oꞌch awerreph arroth. Allempoña Jesúspaꞌ aꞌterr noñtho oꞌch awerr.

San Lucas 9:19

Ñetñapaꞌ ateth otyeset: —Patantarr acheñeneshaꞌpaꞌ atethkaꞌye otyenpet phapaꞌ Juanañphoꞌtheꞌ ñeñthephoꞌ apatañtatseꞌth Yomporekop. Poꞌpotantaññapaꞌ ateth otyenpet, phapaꞌ Elíasophoꞌtheꞌ. Poꞌpotantaññapaꞌ ateth otyenpet phapaꞌ ñeñthephoꞌ ñeñth aꞌmhtayeꞌth Yompor poꞌñoñ awath. Theꞌñapaꞌ awoꞌ alla petanterra perromñoth.

San Juan 1:21

Ñetñapaꞌ alla otereterr: —Ñeñthepñapaꞌ ¿eseshapeꞌtña, amaꞌt añeyaype Elías ñeñth aꞌmhtayeꞌth awath Yompor poꞌñoñ? Ñañapaꞌ ateth oterraneterr: —Amakaꞌye ñeñtheyayno. Ñetñapaꞌ alla aꞌphthoꞌtereterr: —Amapaꞌ ñatoꞌ ¿añephtheꞌ ñeñthephchaꞌ aꞌmhterreꞌ Yompor poꞌñoñ ñeñth yekwen? Ñañapaꞌ alla oterraneterr: —Amakaꞌye ñeñtheyayno.

San Juan 1:25

Ñetñapaꞌ alla otereterr Juan: —Arepaꞌt Cristoyaypepaꞌ esoꞌmarwañakaꞌyeña phapatenña Yomporekop, arepaꞌt Elíasoyaype, arepaꞌt añeyaype ñeñthchaꞌ aꞌmhterreꞌ Yompor poꞌñoñ.

San Juan 4:19

Allempoña eꞌman ateth oteñpaꞌ koyaneshaꞌñapaꞌ ateth otererr: —Ayochreshathe, theꞌña poꞌñoxhpaꞌ oꞌ neñotaph phapaꞌ añepepaꞌt ñeñtheph aꞌmhteneꞌ Yepapar poꞌñoñ.

San Juan 6:14

Attho orrtatanet poꞌpartsoña acheñeneshaꞌñapaꞌ ateth otyeset: —Añña poꞌñoxhpaꞌ ñeñthkaꞌye aꞌmhteneꞌ Yompor poꞌñoñ ñeñth atarr yekwen oꞌch wapa añe patsro.

San Juan 9:17

Ellopaꞌ alla otereterr ñeñth poroꞌyeꞌchatseꞌth: —¿Errothenaꞌt photenña pha añekop ñeñth oꞌ kowaterreph? Ñañapaꞌ ateth ot: —Ñapaꞌ ñeñthkaꞌye aꞌmhteneꞌ Yompor poꞌñoñ.

Los Hechos 5:5

Allempoña Ananíaspaꞌ ñeñtha eꞌmwapaꞌ athakoꞌrocheꞌ eꞌñe allpaꞌ oꞌ rroma. Añña poꞌpotantañ acheñeneshaꞌ allempo eꞌmareꞌchetpaꞌ nanak yorenet womenk.

Los Hechos 7:37

Añ ñeñthara Moisés awathpaꞌ oꞌ otan israelneshaꞌ ateth: “Yomporpaꞌ orrtaterrnaschaꞌ poesheñarr ñeñthchaꞌ aꞌmhterreꞌ Parets poꞌñoñ, ñeñthara ñeñth eꞌñe samoꞌts sepen eꞌñech atthekma orrtaterr eꞌñe ateth orrtatenen namha. Ñeñthchaꞌña xhokma seꞌmhñoterrña sa.”

Gálatas 1:24

Ñeñthoꞌmarña theꞌpaꞌ eꞌñe noꞌmarpaꞌ nanak ayeꞌchoxhtateññañet Yompor.