San Lucas 6:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Jesúsñapaꞌ eñotanet ñeñth ateth kothapeꞌchatseꞌtyenet poeyoxhreto. Ñañapaꞌ ateth otan yakma ñeñth chelletsa pot: —Aphon phathomos arrma. Yakmaña wapapaꞌ oꞌ thomos all rroxho.

San Lucas 6:8 Iomraidhean Croise

San Mateo 9:4

Jesúsñapaꞌ oꞌ eñotanet ñeñth ateth otyenet ñokop, ñañapaꞌ ateth otanet: —Sapaꞌ esoꞌmareꞌtchaꞌña ateth sokthapeꞌchatseꞌtyesña seyoxhro.

San Marcos 3:3

Allempoña Jesúspaꞌ otan ñeñth chelletsa pot: —Aphon, phathomos arrma.

San Lucas 13:12

Jesúsñapaꞌ all eñchpaꞌ oꞌ xhoreꞌtospaꞌ ateth och: —Noxha theꞌpaꞌ pasaterrephchaꞌ ñeñth attho atarr pemoeroxhtena.

San Lucas 5:22

Jesúsñapaꞌ eñotanet ñeñth ateth otenet ñokop, ñañapaꞌ ateth otanet: —Sapaꞌ esoꞌmareꞌtchaꞌña ateth sokthapeꞌchatseꞌtyesña seyoxhro.

San Lucas 6:9

Jesúsñapaꞌ ateth otanet: —Ñewa, napaꞌ oꞌch naꞌphthoꞌtas: ¿Erraꞌtsenaꞌtña ñeñth eꞌñe pokteꞌ senten ñeñthchaꞌ ateth yepha añ yethro allempo yamesen? Ñatoꞌ oꞌch ateth yepeꞌ eꞌñe kowen poꞌpsheñeñ, amapaꞌ ñatoꞌ oꞌch ateth yepoñ ñeñth ama pokteyaye. Ñatoꞌ añtheꞌ pokteꞌ senten oꞌch yaꞌkrrach acheñ amapaꞌ añtheꞌ pokteꞌ senten amach yaꞌkrratatsche xhachña yemtsatach. Ñetñapaꞌ amaꞌt poesheñarrothetapaꞌ ama eseshayeꞌ anapoenaye entaye.

San Juan 2:25

Ñapaꞌ ama eꞌnenano amaꞌt poesheñarra ñeñthchaꞌ oteꞌ ñeñth ateth yokthapeꞌchyen alloweney acheñey. Tharroꞌmar ñapaꞌ xhokma eñoteney ateth yokthapeꞌchyen alloweney acheñey.

San Juan 21:17

Pomaꞌpocheñoñapaꞌ alla otererr: —Simón, Jonás poechemere, ¿amaꞌt eꞌñe mamekpa pemorrentenno? Pedroñapaꞌ llekënana attho alla pomaꞌpocheño otererr eꞌñe ñeñthara, ¿pemorrentennaꞌt?, ñeñthoꞌmarña ñapaꞌ otererr: —Partseshachaꞌ, allowenpaꞌ eꞌñepaꞌt peñotweñ. Eꞌñe peñotenen napaꞌ nemorrentenpha. Jesúsñapaꞌ alla otererr: —Ñeñthepñapaꞌ eꞌñech kowen pekwamphson necarnerorexhno.

San Juan 9:4

Ñeñth poktetsa oꞌch norrtatoñ poꞌpartsoña ñeñth nellsenseꞌ thayepaꞌtñapaꞌ poetarmeñ. Ñerraꞌm oꞌch chekmetenpaꞌ amach eshkayeꞌ yetarwaso.

Los Hechos 20:24

Tharraña amaꞌt atethpaꞌ napaꞌ ama nemhchaꞌteno. Amaꞌtchaꞌ nerromapaꞌ pokteꞌ nenteñ oꞌch nerroma. Theꞌpaꞌ añ palltetsa oꞌch neꞌnwa netarwas. Oꞌch netsotatwoñ ora allowen ñeñth ateth llesensaꞌn Yepartseshar Jesús. Ñeñth ateth llesensaꞌn Yepartseshar Jesúspaꞌ ñeñthpaꞌ atthoch neserrpareꞌtach acheñeneshaꞌ ñeñth kowen ñoñets attho Yompor pomoereñothpaꞌ aꞌkeshphaterreychaꞌ.

Los Hechos 26:26

Amaꞌt amhchaꞌtareth Agripapaꞌ eꞌñe eñotweñ ateth noten. Ñeñthoꞌmarña theꞌpaꞌ oꞌ neyemcha ña tharroꞌmar napaꞌ neñoteñ, ñapaꞌ oꞌ entwon ñeñth ateth nepena, ñamha tharroꞌmar ama aꞌnawa es nephaꞌyeno.

Filipenses 1:28

Ñamha amoepaꞌchña aña seyoreꞌtatstaye amaꞌt mamesha ñeñth seꞌmoñeꞌteneꞌ tharroꞌmar ñetpaꞌ ñeñthchaꞌña eñotatawet poꞌñoxh ñetpaꞌ amach keshperreto. Tharraña yokopñapaꞌ ñeñthña yeñotateneꞌ poꞌñoxhpaꞌ yekeshphaꞌwerrach. Añexhnopaꞌ Yomporo pokthaphña.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.

1 San Pedro 4:1

Cristo allempo añe patsroꞌtsenpaꞌ ñapaꞌ eꞌñe pokteꞌ enteñ atthoch moeroxhtateñet nanak. Ñeñthoꞌmarña sapaꞌxhoꞌ eꞌñepaꞌchña pokteꞌ senteñ oꞌch semoeroxhta eꞌñe ñokop. Eꞌñe yemoeroxhteñothpaꞌ oꞌch womenk yephaꞌ yeyoxher. Yemoeroxhteñoth yechtsopaꞌ oꞌch yekexhpaꞌwerr ñeñth ama pokteyaye Yomporekop.

El Apocalipsis 2:23

Amaꞌt ñamha poechoyoreshowen napaꞌ oꞌch neꞌnwerranet. Allochñapaꞌ atthoch allowen ñeñth pameꞌñeñothet apxhaꞌyetsa allemeñ anetso oꞌch eñochet ñeñth atethpaꞌ ama aphapawo. Napaꞌ eꞌñe nentwennas amaꞌt ñeñth ateth sokthapeꞌchen seyoxhro. Napaꞌ ñeñthenchaꞌ sapwerreꞌ allpon ñeñth poktetsa eꞌñe poesheñaꞌttsokpas, ñeñth allpon ateth sephaꞌyen.