San Lucas 6:49 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁹ Tharraña poꞌpotantañ ñeñth eꞌmoeneꞌ neñoñ ñetña ñerraꞌm ama attheyeꞌ peneto ñeñth ateth notenanet, ñetñapaꞌ eꞌñech atthet ñerraꞌmrratheꞌ poesheñarr yakma ñeñth ama es eñoto. Ñapaꞌxhoꞌña oꞌ thomataneñ paꞌpakëll tharraña ñañapaꞌ ama atarr oꞌponoyeꞌ eñanoña pats atthoch eꞌñe echarr phan poꞌkellpach. Allempoñapaꞌ apellcha oñ apellcheꞌñapaꞌ xhepaꞌtchaꞌ aꞌmatamphsos paꞌpakëll. Pokollñapaꞌ eꞌñe poktakma moelloꞌtstosa.

San Lucas 6:49 Iomraidhean Croise

San Mateo 23:3

Ñeñthoꞌmarña sokoppaꞌ eꞌñe pokteꞌ oꞌch sephowena ñeñth ateth otenset, amachña xhaña sathpareꞌteñe. Tharraña sapaꞌ amachña ateth sephatsto ñeñth ateth phatseꞌtyenet ñet. Tharroꞌmar amaꞌt atarr kowen serrpareꞌtenetañpaꞌ amakaꞌyeña eꞌñeyeꞌ ateth peneto ñeñth ateth serrpareꞌtatenset.

San Mateo 24:10

Ñamha shonteꞌch acheñ allempo ñeñthchaꞌ kexhpoerreꞌ Yompor. Eꞌñe ñagattsetapaꞌ eꞌmoñeꞌtannaꞌterretchaꞌ atthothchaꞌ pomatatannaꞌtyerret.

San Lucas 12:47

‘Elloña napaꞌ oꞌch notas, amaꞌt erraꞌtsena atarwasañer ñerraꞌm eñotenan ñeñth ateth moenen pamoꞌmteꞌ tharraña ñerraꞌm ama kowen ameꞌñenano pamoꞌmteꞌ ñerraꞌm ama eꞌñe kowenayeꞌ es phaꞌyeno atthoch eꞌñe kowen agërran pamoꞌmteꞌ esempoch werra, amaꞌt erraꞌtsena atarwasañerpaꞌ ñeñth ateth petsapaꞌ atarrchaꞌ ashtarethterret.

San Lucas 19:14

Tharraña patantarr acheñeneshaꞌ ñeñth paꞌnyoꞌmarneshaꞌ, ñetñapaꞌ atarr eꞌmoñeꞌteñet. Ñeñthoꞌmar allempo ta ñeñth anetsro, ñetñapaꞌ moeñet allponsheña ñeñthchaꞌ eñososets all sen oꞌch oteñetaꞌ alloꞌmarneshaꞌ: “Yapaꞌ ama yemno oꞌch seneꞌ añ acheñer oꞌch amhchaꞌtarethta yokop.”

San Lucas 19:27

Ñamha theꞌpaꞌ añña ñeñth neꞌmoñeꞌteneꞌ ñeñth ama moenenaye oꞌch naꞌmhchaꞌtarethta ñokpoet, theꞌña sapaꞌ oꞌch sewapatanet atthoch semtsanatosanet eꞌñe arr nesho.”

San Lucas 6:46

‘Sapaꞌ esoꞌmarwañakaꞌyeña sotenen napaꞌ Saꞌyochreshatheroꞌ sepenen, sapaꞌ amakaꞌ xhoyeꞌ sameꞌñenno ñeñth ateth oꞌ notwas.

San Lucas 6:48

Ñeñth acheñer ñeñth ateth petsa oꞌch netmaꞌntacha ateth ñerraꞌmrratheꞌ poesheñarr yakma ñeñth atarr es eñotets ñeñth thomateneꞌ pokoll ñeñth eꞌñech echarr penan paꞌpakëll. Ñañapaꞌ atarrchaꞌ oꞌpono eñan pats atthoch eꞌñe echarr phan poꞌkellpach. Attheñapaꞌ oꞌ xhap allempo apellchena oñ, pokollñapaꞌ ama aꞌmato apellcheꞌ tharroꞌmar kellpachpaꞌ atarr womenk athomatareth.

San Lucas 7:1

Allempoña Jesúspaꞌ serrpareꞌtatwerranerr allowen acheñeneshaꞌ ñeñth eꞌmhñoteneꞌ, ñañapaꞌ awerrerr, oꞌ xherrerr Capernaumo.

San Juan 15:2

Sa ñeñthes neyemtenaya na sapaꞌ atthes ñerraꞌmrratheꞌ uvachmoꞌr poetakër. Allowen poetakër erraꞌtsen ñeñth ama meꞌtetso, Nomporñapaꞌ xhochña pechamphsoñ poetakër. Ñamha allowen ñeñth meꞌtetspaꞌ xhochña pechtakreꞌtyeset mameshaꞌtets atthoch eꞌñe kowen eꞌshtakreꞌchet allochñapaꞌ atthoch atarrchaꞌ nanak meꞌten.

Los Hechos 20:29

Napaꞌ neñoteñ allempoch ama alloꞌtsennopaꞌ oꞌch waponasa ñeñthchaꞌ seshkëꞌ, ñapaꞌ moeneñchaꞌ oꞌch aꞌpsatas Yompor poꞌñoñ. Atethchaꞌ wapoet ateth ñerraꞌm maꞌyarrpaꞌ ñerraꞌm wapapaꞌ oꞌch aꞌchenkatwan allowen carnero.

Los Hechos 26:11

Xhokma nemoeroxhtataneteꞌth amaꞌt judioneshaꞌ poꞌprawoꞌmar, ñamha nanakchaꞌ nemneꞌth oꞌch nachmhareꞌtach ñeñth ameꞌñatseꞌth. Nanak natsrreꞌmoeñothpaꞌ nokthareꞌtaneteꞌth errakmañen anetsoꞌmar.

1 Tesalonicenses 3:5

Ñeñthoꞌmarña awaña allempo oꞌwañ naꞌwantaꞌ ñeñth attho nellkënsa naña allempo nemñe masheñ Timoteo atthoch neñotas sapaꞌ errothenestheꞌña sa, ñatoꞌ attheratheꞌ sesen ameꞌñaya Yompor. Napaꞌ nellkëñothpaꞌ ateth noten ñatoꞌrraña oneñeth poetpateñothes oꞌtheꞌ xha kexhpaterres Yompor. Ñerraꞌm ateth seperra napaꞌ ateth noten ñeñth attho nethorrena eꞌñe sokoppaꞌ ñatoꞌrraña ñeñthpaꞌ eꞌñetheꞌ orrena.

2 San Pedro 2:20

Atthekma ñerraꞌm ya. Oꞌ yeñotwer Yepartseshar Jesucristo, ñeñthara Yaꞌkeshphatañer yepen. Yeparrokmateñoth Cristo oꞌ yeswanom sosyaꞌtsañ. Tharraña ñerraꞌm yoꞌchñarpaꞌ alla aꞌpsaterrey Yompor poꞌñoñpaꞌ yañapaꞌ elloña nanakchaꞌ yoroxhenoꞌtseney.

1 San Juan 2:19

Amaꞌt awañmoꞌcha eꞌñe parrokma yapxhañeꞌth ñetña theꞌpaꞌ oꞌ awanmoet elloneth oꞌ sowanerryet tharroꞌmar poꞌñoxhpaꞌ ama allowenakmayeꞌ yeparrokmaterro. Ñerraꞌm poꞌñoxhchaꞌ allowenakmay yeparrokmaterreñ allempoña ñetpaꞌ alloꞌtsaꞌyenetañatheꞌ ñamet yesho. Tharraña theꞌña ñetpaꞌ oꞌ awanerret elloneth atthoña oꞌ yeñoterranet poꞌñoxhpaꞌ ama allowenakmayeꞌ yeparrokmaterro.