San Lucas 6:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Ñamha ñerraꞌm añekpa es sartannaꞌtyena atthoch ellopaꞌ oꞌch alla apoerrset samha, ñeñth ateth sepenapaꞌ ama eꞌñeyeꞌ sorrtatenoña ñeñth eꞌñe poꞌñoxh kowentetsa; añchaꞌña es saretyena poꞌpsheñeñ amaꞌt ñetpaꞌ amaꞌtchaꞌ ama apoerrseto amaꞌt koñeꞌtha, tharroꞌmar ateth pena ñeñth ama ameꞌñenayo Yompor ñerraꞌm eñoteñet oꞌch alla aparethterret ñamet eshekchaꞌña archet poꞌpsheñeñ.

San Lucas 6:34 Iomraidhean Croise

San Mateo 5:42

Ñamha ñerraꞌm eseshaꞌ es senamoeneꞌ, sañapaꞌ sapepaꞌch. Ñamha ñerraꞌm eseshaꞌch senamoeneꞌ oꞌch es sarchapaꞌ sañapaꞌ sarchepaꞌch.

San Lucas 6:33

Ñamha ñerraꞌm aña eꞌñe kowen seyenpaꞌyen ñeñth seyenpaꞌyeneꞌ samha, ñeñthpaꞌ ama eꞌñeyeꞌ sorrtatenoña ñeñth eꞌñe poꞌñoxh kowentetsa, tharroꞌmar ñeñth ama ameꞌñenayo Yompor ñetpaꞌ aña yenpaꞌyenet ñeñth yenpaꞌyenawet ñamet.

San Lucas 6:35

Tharraña napaꞌ oꞌch notas, sapaꞌ añeꞌnachña semorrentena amaꞌt ñeñth seꞌmoñeꞌteneꞌ. Ñamha sapaꞌ añeꞌnachña seyenpoen amaꞌt ñeñth ama seyenpoenaye. Ñamha sapaꞌ añeꞌnachña es saretyena amaꞌt ñeñthchaꞌ ama sapoerraye. Ñerraꞌm atethchaꞌ sepha Yomporñapaꞌ apoerreschaꞌ ello ñeñthchaꞌ atarr sokshatwerreꞌ. Ñapaꞌ allempoch eꞌñe poechemer perres, ñeñthara Yompor Ñeñth Nanak Parets. Tharroꞌmar ñapaꞌ añeꞌnaña moerena amaꞌt ñeñthchaꞌ ama koshaterraye ña, ñeñthara ñeñth ama kowenayeꞌ es petso.