San Lucas 6:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ ‘Ñamha atarr llekëñtsoꞌtsaꞌyenes ñerraꞌm esempo allowen acheñeneshaꞌ eꞌñech kowen entapretenset, eꞌñe kowen eñosyenet sokop. Tharroꞌmar ñetpaꞌ ateth peteꞌth paꞌtañneshañ awath, eꞌñe kowen eñosyeseteꞌth añ acheñreneshakop ñeñth amaꞌt ama Yomporeyeꞌ poꞌñoñ aꞌmhtaꞌyeseteꞌthe.

San Lucas 6:26 Iomraidhean Croise

San Mateo 7:15

Jesúsñapaꞌ ateth oterraneterr: —Sapaꞌ señotaꞌthach tharroꞌmar waponasach ñeñthchaꞌ ayxhaꞌnatatsa ñetpaꞌ aꞌmhtenetoꞌ Yompor poꞌñoñ. Ñetpaꞌ poeshkëñothetpaꞌ ottenetañ ateth ñerraꞌm atarr kowen acheñret eꞌñech atthetañ ñerraꞌmrratheꞌ carnero ñeñth ama erroth aphañeyaye amaꞌt mamesha. Tharraña ñetpaꞌ attha shekënet tharroꞌmar eꞌñe poꞌñoxh ñetpaꞌ eꞌñe atthet ñerraꞌmrratheꞌ maꞌyarr ñeñth añach eꞌnyen ñeñth eꞌñe ñokpa. Atthothchaꞌña eꞌñe aꞌchenkatwerran acheñeneshaꞌ.

San Lucas 6:25

‘Ñamha atarr llekëñtsoꞌtsaꞌyenes ñeñthes atarr esokmañen es echyets allo eꞌñe señmatena seyeteñoth. Xherrchaꞌ allempoch atarr sepallterra ñeñthchaꞌ serrar seperr. ‘Ñamha atarr llekëñtsoꞌtsaꞌyenes sa ñeñthes theꞌpaꞌ eꞌñe soksheñeshaꞌ secheꞌtatsetyena. Xherrchaꞌña allempoch seyawerra sellkëñoth.

San Juan 15:19

Ñerraꞌm sa eꞌñe parro atthekmaseñ ñeñth ama ameꞌñetso arr patsro, ñetñapaꞌ eꞌñetheꞌ kowen moerensetañ tharroꞌmar eꞌñekaꞌye ñeñthenaꞌtarekmas. Tharraña sapaꞌ ama eꞌñe atthekmayeꞌ separroꞌmarneshakmateno ateth pena allowen acheñeneshaꞌ ñeñth ama ameꞌñetso arr patsro. Sañapaꞌ oꞌ naꞌkrerres elloneth nokop. Ñeñthoꞌmarña acheñeneshaꞌ añ patsropaꞌ oꞌ eꞌmoñeꞌtaset samha.

San Juan 7:7

Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.

Romanos 16:18

Tharroꞌmar ñetpaꞌ ama añeyeꞌ sherbeneto Yepartseshar Jesucristo. Aña kothapeꞌchenet ñeñth ateth moenenet ñet poꞌchets attho korrenet. Attho serrpareꞌtenet koxhneshaꞌ ñoñets, ñeñthpaꞌ attha shekëñet acheñeneshaꞌ ñeñth ama womenkayeꞌ penaye poeyoxher.

Santiago 4:4

Ñewa, awañapaꞌ soten awoꞌch sameꞌñera Cristo, tharraña theꞌñapaꞌ aña sokshatseꞌtyena poꞌpoñ. Amaꞌt señoteñe ñeñth koshatseꞌtyenaya ñeñth patsoꞌmarekpapaꞌ ñeñthña eꞌmoñeꞌteneꞌ ñeñth kowentetsa Yomporekop. Ñeñthoꞌmarña ñerraꞌm yapaꞌxhoꞌ oꞌch alla yokshatseꞌterra ñeñth patsoꞌmarekpapaꞌ oꞌchxhoꞌ alla yeꞌmoñeꞌter yamha Yompor.