San Lucas 6:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Allowenña acheñeneshaꞌpaꞌ atarr moeneñet oꞌch aꞌphlloset Jesús tharroꞌmar ñapaꞌ ña atarr awamenkatheshaꞌ, eꞌñe ña poꞌwamenkoth aꞌkrratyenan allowen acheñeneshaꞌ.

San Lucas 6:19 Iomraidhean Croise

San Mateo 14:36

Ñeñthña atsnañethexhnopaꞌ oꞌ enamyesoset amaꞌt posoꞌmotha oꞌch aꞌphllaꞌyesosñañet paꞌshtam. Allpon ñeñth aꞌphllaꞌyesoseꞌ Jesús paꞌshtam allponxhoꞌ eꞌñe korraꞌyeswerrtsa.

San Marcos 3:10

Allempo Jesúspaꞌ aꞌkrratyesan shonteꞌ atsnañethexhno ñeñthoꞌmarña allowen ñeñth atsnaꞌtyets ñetña allempopaꞌ atarr emchorreñet Jesús, añ atarr moenenet oꞌch aꞌphlloset Jesús.

San Marcos 5:30

Jesúsñapaꞌ eñotnomh eꞌñe ña poꞌwamenkothpaꞌ oꞌ aꞌkrratnoman poesheñarr atsnañeth. Ñañapaꞌ allentha poerraperra alla acheñenesheshoneth ñeñth kothaꞌwaneneꞌ, allñapaꞌ ateth otanet: —¿Eseshaꞌtña oꞌ aꞌphllaꞌnmoenña neshtamoth?

San Marcos 6:56

Amaꞌt erra xhapyen all shontena acheñeneshaꞌ ñamha ñerraꞌm arr xhen all ama tama eñalle acheñ, amaꞌt allekma oñen acheñeneshaꞌ ñetñapaꞌ allchaꞌxhoꞌ naꞌyenetaꞌ patsnañetheret allchaꞌ enamapet amaꞌt posoꞌmotha oꞌch aꞌphllapoñet paꞌshtam. Allpon ñeñth aꞌphllaꞌyesapoeꞌ Jesús paꞌshtampaꞌ allponxhoꞌ eꞌñe korraꞌyeswerrtsa.

San Marcos 8:22

Allempoña xhaxhaꞌtet anetso Betsaido, allñapaꞌ wapaterrñañeterr aporoꞌyeth, ñeñthpaꞌ ateth otoset Jesús: —Añekopkaꞌye yewapateñña oꞌch phaꞌphllaklleꞌchaph atthoch pekwater.

San Lucas 5:17

Poꞌpocheño allempo Jesúspaꞌ all yexhaterranerr shonteꞌ acheñeneshaꞌ, allña allpononethpaꞌ all anorrxhaꞌtyen ñamha patantarr fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop. Ñetpaꞌ paꞌnamen anetsoth waxhaꞌtyenet —Galileoth ñamha Judeoth ñamha Jerusaléñoth. Jesúsñapaꞌ atarr awamenkath peñ Pompor, atthoña aꞌkrratyesan shonteꞌ ñeñth atsnaꞌtyets.

San Lucas 6:18

Amaꞌt ñamha allowen ñeñth moeroxhtatyen oneñeth ñañapaꞌ eꞌñe aꞌkrratyeswapanet.

Los Hechos 19:12

Attheñapaꞌ añña acheñeneshaꞌpaꞌ oꞌchxhoꞌ anerret ñeñth es aꞌphllaꞌyen Pablo, ateth ñerraꞌm es pañell amapaꞌ pañosheꞌm. Oꞌchxhoꞌ anmet alloꞌtsen ñeñth atsnaꞌtets. Oꞌch xhapachet allpaꞌ oꞌchxhoꞌ korrerraña atsnañeth. Amaꞌt poꞌneñetheretpaꞌ oꞌchxhoꞌ kexhpaꞌnerranet.

1 San Pedro 2:9

Tharraña sapaꞌ ama añeyayso ñeñth athpareꞌteneꞌ Yompor. Ya ñeñthey ameꞌñenaya Yomporpaꞌ atethchaꞌ enteney ñeñthey akrarethterrtsa ñokop. Ñamha atethchaꞌ enteney ñeñtheychaꞌ sherberrets Partsokop, ñeñtheychaꞌ anarethterrtsa ñokop. Ñamha eꞌñech Yomporenaꞌtar enteney. Ñeñthoꞌmarña yokoppaꞌ añ poktetsa oꞌch yorrtatyesoñ poꞌkowenña. Oꞌch yeserrpareꞌtoñ attho ñapaꞌ cheterrey chekmetoth all sosyaꞌtsañoth, theꞌñapaꞌ oꞌ xhapaterrey eꞌñe ña poꞌpoetarenño all eꞌñe kowentena ña.