San Lucas 6:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ ñamha Mateo ñamha Tomás ñamha Jacobo ñeñth Alfeo poechemer, ñamha ñeñth poꞌpsheñeñ Simón ñeñth cananistaneshaꞌ ñeñth atarr thorratseꞌth paꞌnetsrekop,

San Lucas 6:15 Iomraidhean Croise

San Mateo 9:9

Jesúsña meterrerr allothpaꞌ entnoman poesheñarr acheñ ñeñthñapaꞌ añ paꞌsoꞌcheñ Mateo. All anen allekma cobraꞌyenan acheñeneshaꞌ kelle ñeñth gobiernokop. Jesúsñapaꞌ ateth otosan Mateo: —Theꞌpaꞌ oꞌch phokthaꞌn atthoch neyochreshaꞌ neperreph. Mateoñapaꞌ xha tantnomtsapaꞌ allentha kothan Jesús.

San Marcos 2:14

Oꞌña yexhatwanetpaꞌ oꞌ meterrerr Jesús alloth, allña oñenpaꞌ entnoman ñamha Leví ñeñth Alfeo poechemer. Ñañapaꞌ alla anen allekma cobraꞌyenan acheñeneshaꞌ kelle ñeñth gobiernokop. Jesúsñapaꞌ ateth otosan Leví: —Theꞌpaꞌ oꞌch phokthaꞌn atthoch neyochreshaꞌ neperreph. Eꞌñe otweꞌ Jesús atethpaꞌ Levíñapaꞌ xha tantnomtsapaꞌ allentha kothan Jesús.

San Marcos 3:18

Allothpaꞌ ñamha Andrés, ñamha Felipe, ñamha Bartolomé, ñamha Mateo, ñamha Tomás, ñamha Jacobo ñeñth Alfeo poechemer, ñamha Tadeo, ñamha ñeñth poꞌpsheñeñ Simón ñeñth cananistaneshaꞌ ñeñth atarr thorratseꞌth paꞌnetsrekop.

San Lucas 5:27

Allempoñapaꞌ oꞌ awerrerr Jesús. All oñempaꞌ all entnoman poesheñarr ñeñth poꞌtarwas peneꞌ oꞌch cobrenan acheñeneshaꞌ kelle ñeñth gobiernokop. Ñeñthñapaꞌ añ paꞌsoꞌcheñ Leví. Alla anen allekma apxhenet kelle ñeñth gobiernokop. Jesúsñapaꞌ otosan Leví: —Theꞌpaꞌ phokthaꞌn atthoch neyochreshaꞌ neperreph.

San Lucas 6:14

Ñeñth llesensaꞌ ñeñthpaꞌ añexhno: Simón ñeñth socherr Pedro, allothpaꞌ ñamha paꞌmoꞌnasheñ Andrés, allothpaꞌ Jacobo ñamha paꞌmoꞌnasheñ Juan, allothpaꞌ Felipe, ñamha Bartolomé,

San Lucas 6:16

allothpaꞌ ñamha Judas ñeñth Jacobo paꞌmoꞌnasheñ, allothpaꞌ ñamha poꞌpsheñeñ Judas Iscariote ñeñthchaꞌ pomoerreꞌ tsapathoneth Jesús.

San Juan 11:16

Tomásña ñeñth otenet Epaneshaꞌ ñapaꞌ ateth otan poꞌpotantañ ñeñth parro yochreshatsokmoet: —Amaꞌtpaꞌ awanmapoꞌch yerromoepaꞌ yamha epay Jesús.

San Juan 20:24

Poeyochreshaꞌña Tomás ñeñth otenet Epaneshaꞌ ñañapaꞌ ama alloꞌtsenayaye all apxhenet allempo wena Jesús.

Los Hechos 1:13

Oꞌña xhaxherret anetso Jerusaléño all pokollo allekma aꞌpoenetpaꞌ oꞌ beꞌthosxhaꞌtwerret, aꞌtapoet eno all tama aꞌyowen bhath. Allñapaꞌ apxhet allowenet. Ñeñth apxhatsa ñeñthpaꞌ añexhno: Pedro, ñamha Jacobo, ñamha Juan, ñamha Andrés, ñamha Felipe, ñamha Tomás, ñamha Bartolomé, ñamha Mateo, ñamha Jacobo ñeñth Alfeo poechemer, ñamha Simón ñeñth cananistaneshaꞌ ñeñth atarr thorratseꞌth paꞌnetsrekop, ñamha alloꞌtsen Judas ñeñth Jacobo paꞌmoꞌnasheñ.

Los Hechos 15:13

Oꞌ serrpareꞌtwetpaꞌ allempoñapaꞌ ateth ot ñamha Jacobo. —Oꞌch, masheñneshachaꞌ, seꞌmhñoten namha.

Gálatas 1:19

Tharraña allempo alloꞌtsenenpaꞌ ama nenteño poꞌpsheññexhno ñeñth allsensarethneshaꞌ, ñaptha nenteñaꞌ masheñ Jacobo ñeñthara ñeñth paꞌmoꞌnasheñ pen Yepartseshar Jesús.

Gálatas 2:9

Ñeñthoꞌmarña ñeñth amhchaꞌtarethetyetsa ateth ñerraꞌm masheñ Jacobo ñamha masheñ Pedro ñamha masheñ Juanpaꞌ ñetpaꞌ eꞌñe eñochet poꞌñoxh napaꞌ Yompor oꞌ yenpoerren. Ñeñthoꞌmar ñetpaꞌ eꞌñe kowen agapyet epan masheñ Bernabé. Pagapoeñothetaypaꞌ orratyet pot poꞌkowenroth atthoch yeñotannaꞌta eꞌñe atthekma yokthapeꞌchen Yomporekop. Allempoña ñetpaꞌ eꞌñe pokteꞌ entyet yeserrpareꞌtachepaꞌtoꞌ ñeñth ama judioneshayaye, ateth ñerraꞌm ñetpaꞌ oꞌch serrpareꞌtachet ñeñth judioneshaꞌ.

Santiago 1:1

Masheñneshachaꞌ ñamha noxhaneshachaꞌ ñeñthes Israel poechemereshaꞌ poꞌmhrenñes, ñeñth xharrasheña poechena epsheña ñeñthña poꞌmhreneñ sepeneꞌña sa, ñeñthes attha parratseꞌtyets allemeñ anetsoꞌmar. Na Santiagon sekellkëneꞌña añ carta ñeñthen thorretsa Yomporekop amaꞌt ñamha Poechemerekop Jesucristo ñeñth Yepartseshar yepen. Theꞌpaꞌ oꞌch newomhchaꞌtas allowenes añ necartoth.