San Lucas 6:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñañapaꞌ kowaꞌyesan allowen ñeñth anorrxhets all, allempoñapaꞌ otan ñeñth chelletsa pot: —Theꞌpaꞌ oꞌch notaph: Petapoerr phot. Eꞌñe otweꞌpaꞌ ñañapaꞌ allenthepaꞌtchaꞌ tapoerran pot, oꞌ eꞌñe kowenterra pot.

San Lucas 6:10 Iomraidhean Croise

San Marcos 3:5

Allempoña Jesúspaꞌ kowaꞌyesanet, amaꞌt mamesha ama pokteyeꞌ entenaneto, atarr llekateñet tharroꞌmar ñetpaꞌ ama moeneneto oꞌch xhapanet kowen poeyoxhreto. Allempoña Jesúspaꞌ otan yakma ñeñth chelletsa pot: —Theꞌpaꞌ oꞌch notaph, petapoerr phot. Eꞌñe otweꞌpaꞌ ñañapaꞌ allenthepaꞌtchaꞌ tapoerranña pot, oꞌ eꞌñe kowenterra pot.

San Lucas 6:11

Fariseoneshaꞌñapaꞌ ñeñthña atarr atsrreꞌmatawet. Allempoñapaꞌ kothapeꞌchatannaꞌtet, atarr oꞌpachet Jesús.

San Lucas 6:9

Jesúsñapaꞌ ateth otanet: —Ñewa, napaꞌ oꞌch naꞌphthoꞌtas: ¿Erraꞌtsenaꞌtña ñeñth eꞌñe pokteꞌ senten ñeñthchaꞌ ateth yepha añ yethro allempo yamesen? Ñatoꞌ oꞌch ateth yepeꞌ eꞌñe kowen poꞌpsheñeñ, amapaꞌ ñatoꞌ oꞌch ateth yepoñ ñeñth ama pokteyaye. Ñatoꞌ añtheꞌ pokteꞌ senten oꞌch yaꞌkrrach acheñ amapaꞌ añtheꞌ pokteꞌ senten amach yaꞌkrratatsche xhachña yemtsatach. Ñetñapaꞌ amaꞌt poesheñarrothetapaꞌ ama eseshayeꞌ anapoenaye entaye.

San Juan 5:8

Jesúsñapaꞌ ateth otererr: —Theꞌpaꞌ oꞌch notoseph: Petantena, pechtaꞌnen allo pemoen, pechopeꞌchen thayekma.