San Lucas 5:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop.

San Lucas 5:32 Iomraidhean Croise

San Mateo 18:10

Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.

San Mateo 9:13

Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop. Sokoppaꞌ añ poktetsa ñerraꞌm oꞌch awerrespaꞌ señotwerrepaꞌchña ñeñth ateth yexhateney añ Yompor poꞌñoñ ñeñth ateth anareth awathotheñ. Ñeñthpaꞌ ateth oteney Yompor: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.”

San Marcos 15:10

Ñewa, Pilatopaꞌ ateth otapan acheñeneshaꞌ tharroꞌmar ñapaꞌ eñotenan kornaneshaxhno paꞌmhchaꞌtaretherneshaꞌpaꞌ ñetpaꞌ eꞌñekaꞌye poeꞌmoñeꞌtateñmeꞌchatsa pomoeñetña Jesús.

San Marcos 15:7

Ñamha eꞌñe allempopaꞌ alloꞌtsen poesheñarr judioneshaꞌ ñeñth ayottamphsarethtetsa ñeñthpaꞌ añ paꞌsoꞌcheñ Barrabás. Ñewa, ñeñth Barrabás awañmoꞌchotheñ yottampeñet epoet poꞌpotantañ tharroꞌmar ñetpaꞌ ñetkaꞌye yexhatenetña acheñeneshaꞌ athpareꞌchetepaꞌtoꞌ amhchaꞌtareth ñeñth nen gobiernoꞌ Romoth. Eꞌñe pathpareꞌteñothet oꞌ moetset ñamha acheñ.

San Marcos 2:17

Ateth eꞌmanet Jesús, ñañapaꞌ ateth tomaꞌntatanet: —Ñeñth eꞌñe womech entetsapaꞌ ñetpaꞌ ama eꞌneñetoña apartañ. Añña ñeñth atsnaꞌtetspaꞌ ñetñapaꞌ xhokma eꞌnenet ñeñthchaꞌ aꞌkrraterrawet. Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop.

San Lucas 15:10

Theꞌpaꞌ oꞌch noterrserr, elloña atarrchaꞌ nanak koshateret Yompor poꞌmhllañotheñreneshowen ñerraꞌm esempo amaꞌt poesheñarra acheñ ñeñth atarr ochñathpaꞌ oꞌch kothapeꞌcherret ello eꞌñe kowen Yomporekop.

San Lucas 15:7

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

San Lucas 19:10

Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Lucas 24:47

Atthochña serrpareꞌteret Cristo eꞌñe Jerusaléñotheñ errapharen ora allemeñ allowanen acheñenesheshoꞌmar. Atthothchaꞌña acheñeneshaꞌpaꞌ oꞌch kothapeꞌcherret ello eꞌñe kowen Yomporekop allochñapaꞌ atthochña oꞌch eꞌñe aphretnaꞌwarethterret allowenet poꞌchñaret.

San Lucas 5:31

Ateth eꞌmanet Jesús, ñañapaꞌ ateth tomaꞌntatanet: —Ñeñth eꞌñe womech entetsapaꞌ ñetpaꞌ ama eꞌneñetoña apartañ. Añña ñeñth atsnaꞌtetspaꞌ ñetñapaꞌ xhokma añ eꞌnenet ñeñthchaꞌ aꞌkrraterrawet.

San Lucas 5:33

Ñetñapaꞌ alla otereterr Jesús: —Ñeñth Juan poeyochreshaꞌpaꞌ xhokma thoreꞌtenet Yomporekop, xhokma maꞌyochenet. Ñamha fariseoneshaꞌ poeyochreshaꞌpaꞌxhoꞌña atthekma penet. Tharraña phaña peyochreshaꞌpaꞌ esoꞌmareꞌtña ama attheyeꞌ peneto. Ñetpaꞌ attha es rratseꞌtyenet, attha es orryenet.

Los Hechos 17:30

Awath acheñpaꞌ amaꞌt ama eñotenano ñeñth kowentetsa Yomporekop, Yomporpaꞌ amach erroth phaneto. Tharraña theꞌñapaꞌ oteney yokthapeꞌcherrepaꞌ ello kowen Yomporekop, alloweney acheñey ñeñthey korraꞌyetsa añe patsro.

Los Hechos 2:38

Pedroñapaꞌ ateth otanet: —Theꞌpaꞌ aña poktetsa ñeñthchaꞌ seperra allowenes. Theꞌ sellkëñoth oꞌch sokthapeꞌcherr ello kowen Yomporekop. Allochñapaꞌ Yomporpaꞌ peretnaꞌwerrnaschaꞌ soꞌchñar. Eꞌñe sameꞌñeñoth Jesucristo añ pokteꞌ theꞌ oꞌch sapatarethterra Partsokop. Allochñapaꞌ Paretspaꞌ chorraterrsach Poekamkëñ.

Los Hechos 20:21

Oꞌ neserrpareꞌtatwas añ pokteꞌ oꞌch sokthapeꞌcherr ello kowen Yomporekop ñamha añ pokteꞌ oꞌch sameꞌñera Yepartseshar Jesucristo. Ñeñthpaꞌ ateth oꞌ notwas allowenes ñeñthes judioneshas ñamha amaꞌt ñeñthes griegoneshas.

Los Hechos 3:19

Ñeñthoꞌmarña theꞌpaꞌ añ poktetsa eꞌñe sa sellkëñothpaꞌ oꞌch sokthapeꞌcherr ello kowen Yomporekop. Oꞌch seswanom ñeñth awathotheñ sokthaphña. Atthothchaꞌ Yomporpaꞌ eꞌshowerrnaschaꞌ soꞌchñar.

Los Hechos 3:26

Yomporpaꞌ oꞌ orrtatonay Poechemer oꞌ moeñonay ñeñthey judioneshay yanom. Allochñapaꞌ ña oꞌch koshaterrey nanak ateth ñerraꞌm allempo oꞌ kothapeꞌchaterrey eꞌñe kowen, ñamha allempotheñ oꞌ yekexhpaꞌwerr ñeñth ama pokteyaye Yomporekop.

Los Hechos 5:31

Theꞌña Pomporpaꞌ oꞌ nanak awamenkath peꞌ, eꞌñe poꞌkowenrothpaꞌ all partsoten. Allochñapaꞌ atthoch kothapeꞌchaterran israelenaꞌtarneshaꞌ ñamha atthoch kothapeꞌcherret kowen eꞌñe etserra atthoch peretnerranet poꞌchñar. Ñeñthoꞌmarña Yomporpaꞌ nan Jesús ñeñthchaꞌ Yaꞌkeshphatañer yepen.

2 San Pedro 3:9

Poesheñaꞌtets acheñpaꞌ otenet oꞌ meten shonteꞌ char amoꞌ werro. Tharraña yapaꞌ yeñoteñ Yepartseshar xhokmach aꞌpoktatan poꞌñoñ oꞌch werra. Yapaꞌ yeñoteñ tharroꞌmar amoꞌ werro añ kowen ñatoꞌ esempoch oꞌch yokthapeꞌchwerr ello kowen Yomporekop alloweney. Ñapaꞌ nanak moerenya ama moeno amaꞌt eseshapaꞌ oꞌch chenkërra.