San Lucas 5:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Jesúsña allpaꞌ aꞌtapos poenarr noñtho, ñeñth Simón poꞌnoñth. Aꞌtapospaꞌ otan Simón: —Pechtamphsen mameꞌ rroxhaꞌsoneth. Jesúsña anorros noñthopaꞌ allothña yexhatosan allowen acheñeneshaꞌ.

San Lucas 5:3 Iomraidhean Croise

San Mateo 4:18

Allempo Jesúspaꞌ chopeñeꞌchyen all saꞌpatophñoꞌmar; ñeñthña saꞌppaꞌ añ paꞌsoꞌcheñ Galileas. Allñapaꞌ entosan acheñ epsheña; ñeñthña poesheñarrpaꞌ añ paꞌsoꞌcheñ Simón ñeñthara sochetsa Pedro epoet paꞌmoꞌnasheñ Andrés. Ñetñapaꞌ terrayetset eꞌñe alla saꞌpo tharroꞌmar ñetpaꞌ eꞌñe ñeñtha poꞌtarwas penet.

San Marcos 3:10

Allempo Jesúspaꞌ aꞌkrratyesan shonteꞌ atsnañethexhno ñeñthoꞌmarña allowen ñeñth atsnaꞌtyets ñetña allempopaꞌ atarr emchorreñet Jesús, añ atarr moenenet oꞌch aꞌphlloset Jesús.

San Marcos 3:9

Shonteꞌ nanak acheñeneshaꞌ. Atthoch ama atarr kexhkareꞌteñe Jesús acheñeneshaꞌ ñeñth shontetsa, ñañapaꞌ otan poeyochreshaꞌ: —Xhokmach sewapaton noñth.

San Lucas 5:2

Jesúsñapaꞌ all entosan epna noñth eꞌñe all sowaꞌpoetso. Ñeñthña poꞌtarwas peneꞌ ñeñth rremoeneꞌ kakpaꞌ ñetñapaꞌ ama poꞌnoñthoꞌtsaꞌyeneto. Ñetpaꞌ oꞌ awanmoet aꞌyeneth allchaꞌ tsamaꞌtenetaꞌ poꞌterraya.

San Juan 8:2

Tsapathña poꞌpocheño eꞌñe awathekma alla xhenerr Parets paꞌpakllo. Shonteꞌ acheñeneshaꞌ alla waxheneterr ñesho. Ñañapaꞌ anorros allña yexhatenaneterr.