San Lucas 5:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Elloña atarr nanak serrpareꞌtyeñet, oꞌ errakmañen epaꞌwa atthoꞌ pena Jesús. Ñeñthoꞌmarña shonteꞌ acheñeneshaꞌ waxhaꞌtoñet atthoch eꞌmhñotoñet poꞌñoñ ñamha atthoch aꞌkrratyesapanet allowen paꞌtsnañetheret.

San Lucas 5:15 Iomraidhean Croise

San Mateo 9:26

Allempoñapaꞌ eꞌmareꞌtwet errapharen anetsoꞌmar Jesúspaꞌ oꞌ tantaterran arromñath.

San Mateo 9:31

Elloña ñetñapaꞌ awanmoet aꞌmethareꞌtyeset Jesús. Errapharen allampañoꞌmar eꞌmareꞌtwet Jesús ateth pena.

San Marcos 1:28

Eꞌñe mamekmapaꞌ oꞌ eꞌñe serrpareꞌtwawet allampañoꞌmar Galileo ateth phaꞌyena Jesús.

San Marcos 1:45

Ñañapaꞌ allempo awoꞌpaꞌ eꞌñe serrpareꞌtatyeswanman allowen acheñeneshaꞌ ñeñthoꞌmarña eꞌñe ña paꞌmethareꞌteñothpaꞌ oꞌ errakmañen eñotwet ñeñth ateth phaꞌyena Jesús. Ñeñthoꞌmarña Jesúspaꞌ ama eshkayeꞌ seno anetso all shontena acheñeneshaꞌ. Ñapaꞌ alla chopeñeꞌchyen aꞌyoꞌmar all ama acheñempañoyaye. Tharraña amaꞌt ateth penañ acheñeneshaꞌñapaꞌ allemhatheñ waxhaꞌteññañet ñeñth shontenoya amaꞌt all.

San Marcos 3:7

Allempoña Jesúspaꞌ awerr saꞌpatophñoꞌmar poeyochreshaꞌna. Shonteꞌ acheñ galileoꞌmarneshaꞌpaꞌ kothaꞌwanmet ñamet. Ñamha shonteꞌ poꞌpotantañexhno acheñeneshaꞌ ñetña allempo eꞌmareꞌteñet Jesús ñapaꞌ atarr kowen orrtatyen ñetpaꞌxhoꞌña allentha waxhaꞌtyesoñet ñamet. Allemhatheñ anetsoth waxhaꞌtyeset Judeoth, Jerusaléñoth, Idumeoth, Jordanas yomhtaꞌnoth, ñamha alloꞌmarneshaꞌ ñeñth wetsa Tiroth ñamha Sidónoth. Ñetpaꞌ añ atarr moenenet oꞌch enteñetaꞌ Jesús.

San Lucas 12:1

Shonteꞌ acheñeneshaꞌ ñeñth waxhenoya Jesús, shonteꞌ nanak patoner. Xha cheꞌmoechoset Jesúsesho attha athmatkaꞌtannaꞌtyesoset. Jesúsña ñanompaꞌ alla serrpareꞌtaterranerr poeyochreshaꞌ, ñeñthpaꞌ ateth otanet: —Eꞌñech señota ñatoꞌt semeñeꞌteñaꞌ fariseoneshaꞌ pokthaphña, tharraña ñeñth pokthaphña penet ñetpaꞌ ñeñthpaꞌ ommoꞌcheñtsa. Ñeñthpaꞌ mamethollapaꞌ oꞌch epaꞌwa errapharen eꞌñe ateth pena ñerraꞌmrratheꞌ chaseꞌ mamethollapaꞌ oꞌch eꞌñe es aꞌchasaꞌwa.

San Lucas 14:25

All oñemyen Jesúspaꞌ shonteꞌ acheñeneshaꞌ kothaꞌwaneneꞌ. Ñañapaꞌ kowaꞌnmanet alleneth shontenetpaꞌ ateth otnomanet:

San Juan 6:2

Allñapaꞌ kothaꞌneñ shonteꞌ acheñeneshaꞌ tharroꞌmar ñetpaꞌ oꞌ entwoñet poꞌpartsoña attho aꞌkrratyerran allowen ñeñth atsnaꞌtyets.

1 Timoteo 5:25

Atthekma pena ñamha ñerraꞌm esempo yepena eꞌñe kowen, acheñeneshaꞌpaꞌ oꞌch entwenyet eꞌñe kowen. Tharraña errothenopaꞌ amaꞌt eꞌñe kowen enteney Yomporpaꞌ acheñeneshaꞌpaꞌ amach eꞌñe kowenayeꞌ entenyeto. Tharraña esempowañenpaꞌ xherranetchaꞌ poeyoxhro.