San Lucas 5:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Amaꞌt ñamha Jacobo ñamha Juan ñeñth Zebedeo poechemereshaꞌ ñeñth parro tarwasen Simón, atarr nanak yorenet. Allempoña Jesúspaꞌ ateth oterranerr Simón: —Amach xha peyorenatsto. Ñeñth ateth pepena awathotheñ eꞌneꞌ kak theꞌñapaꞌ atethchaꞌ peperra eꞌnerreꞌ ñamha acheñ ñeñthchaꞌ phameꞌñaterra.

San Lucas 5:10 Iomraidhean Croise

San Mateo 13:47

Jesúspaꞌ alla tomaꞌntaterraneterr; ñeñthpaꞌ ateth otanet: —Yompor poꞌkowenña attho atarr ayochreshathtena poeꞌntañoth ñeñthñapaꞌ eꞌñe ateth ñerraꞌmrratheꞌ terraya añekmoen. Oꞌch terrayet saꞌpopaꞌ oꞌch eꞌñe apxhaꞌwan allowen paꞌnamen kakaxhno.

San Mateo 14:27

Jesúsñapaꞌ eñoranaꞌtwenanet, ateth otwenanet: —Xhoñakaꞌye sokshapoenna, nakaꞌye oꞌ nowapa, amach attha semhchaꞌtatstapno.

San Mateo 20:20

Allempoñapaꞌ ponmosya ñeñth pachor pen Jacobo ñamha Juan ñeñth Zebedeo poechemereshaꞌ. Wapa epoet epsheñoꞌmar poechoyor, ñañapaꞌ konkorpanaꞌtosana Jesús atthoch es enamos.

San Mateo 4:19

Jesúsñapaꞌ ateth otosanet: —Theꞌñapaꞌ oꞌch notas, sokthaꞌn na atthoch neyochreshaꞌ neperres. Ñeñth ateth sepena awathotheñ eꞌneꞌ kak theꞌñapaꞌ oꞌch neyxhaterres atthoch seꞌnerr ñamha acheñ ñeñthchaꞌ sameꞌñaterra.

San Mateo 4:21

Allempoña meterrerr allothpaꞌ entwerranerr poꞌpoñ acheñ epsheña; ñeñthña poesheñarrpaꞌ añ paꞌsoꞌcheñ Jacobo epoet paꞌmoꞌnasheñ Juan; ñeñthpaꞌ Zebedeo poechemereshaꞌ. Ñetñapaꞌ poꞌnoñthoꞌtsaꞌyenet; alloꞌtsen ñamha pomporet all aꞌkowenetyenet poꞌterraya. Jesúsñapaꞌ xhoreꞌtwerraneterrpaꞌ ateth otwerraneterr ñamet: —Theꞌpaꞌ oꞌch sokthaꞌn samha.

San Marcos 1:17

Jesúsñapaꞌ ateth otosanet: —Theꞌñapaꞌ oꞌch notas: Sokthaꞌn na atthoch neyochreshaꞌ neperres. Ñeñth ateth sepena awathotheñ eꞌneꞌ kak theꞌñapaꞌ oꞌch neyxhaterres atthoch seꞌnerr ñamha acheñ ñeñthchaꞌ sameꞌñaterra.

San Lucas 5:7

Attheñapaꞌ agochet poꞌpotantañ pamoꞌtset ñeñth poꞌnoñthoꞌtsaꞌyen oꞌch wapoet ñeñthchaꞌ rromapretawet kak. Oꞌña xhapoet oꞌ eshaꞌtanatet kak noñtho eꞌñe epnoꞌmar chorrares kak noñtho, xha moeneꞌ eshaꞌtatan noñth.

San Lucas 5:9

Ateth otan Jesús poeyorñoth tharroꞌmar eñoteñ ñeñth attho rreman shonteꞌ kakpaꞌ Parets ateth phateneꞌ. Amaꞌt allowen ñamha ñeñth epoet tarwasenetpaꞌ atarr nanak yorenet.

San Lucas 6:14

Ñeñth llesensaꞌ ñeñthpaꞌ añexhno: Simón ñeñth socherr Pedro, allothpaꞌ ñamha paꞌmoꞌnasheñ Andrés, allothpaꞌ Jacobo ñamha paꞌmoꞌnasheñ Juan, allothpaꞌ Felipe, ñamha Bartolomé,

San Juan 21:2

Ñewa, allempo shontenet allpaꞌ alloꞌtsen Simón Pedro ñamha Tomás ñeñth otenet Epaneshaꞌ ñamha Natanael ñeñth kanoꞌmarneshaꞌ eꞌñe allara Galileo. Ñamha alloꞌtsen Zebedeo poechemereshaꞌ ñamha alloꞌtsen poꞌpoñ epsheña poeyochreshaꞌ.

Los Hechos 2:4

Añña ñeñth xhapyesawet eꞌñe poesheñaꞌttsokmoetpaꞌ añepaꞌt Parets Poekamkëñ ñeñthchaꞌ chorrawet. Allempoñapaꞌ allorokma eñosyeset poꞌpoñ ñoñtso ñeñth ama eñoseteꞌthe awaña. Añña Parets Poekamkëñpaꞌ awoꞌ eñoratyesanet poꞌpoñeꞌttsokma atthoch serrpareꞌtachet paꞌnamen acheñ eꞌñe ñet poꞌñoñeto.

2 Corintios 8:23

Ñamha ñerraꞌm eseshaꞌ saꞌphthoꞌteneꞌ oꞌch otaset, “¿amaꞌt seꞌmareꞌteñe masheñ Tito, erroꞌtsentheꞌ?” sañapaꞌ oꞌch soch “ñapaꞌ añ epoet thorrena masheñ Pablo tarwasats Yomporekop atthoña eꞌñe sherbeney yamha.” Amapaꞌ ñerraꞌm aꞌphthoꞌtaset ñamha añ poꞌpsheñeñ masheñekop, sañapaꞌ oꞌch señotatanet ñetpaꞌ arroth amñarethtenet all apxhena allowen masheñneshaxhno ñeñth ameꞌñetsa all Macedonio. Ñetpaꞌ eꞌñe kowen orrtatenet Cristo poꞌkowenña.

2 Timoteo 2:26

Ñerraꞌm ateth yephapaꞌ ñatoꞌ atthothpaꞌ oꞌch aꞌrroyerranet oneñeth attho wankënanet attho theꞌpaꞌ phaꞌyenet sosyaꞌtsañ ñeñth ateth moenatenanet ña.