San Lucas 4:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

San Lucas 4:41 Iomraidhean Croise

San Mateo 26:63

Jesúsñapaꞌ ama eñoreno. Allempoña korneshaꞌpaꞌ alla otererr: —Theꞌpaꞌ oꞌch notaph oꞌch photey eꞌñe Yompor paꞌsoꞌchño ñeñth ama arromñatheshayaye, phapaꞌ ¿phaꞌtña ñeñtheph Parets Poechemereph, ñeñthephtheꞌ Cristotosets?

San Mateo 4:3

Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Mateo 8:16

Ñeñthe yethrokma allempo ellerrenpaꞌ waxhaꞌtateññañeterr shonteꞌ ñeñth chorraꞌyena oneñeth. Jesúsñapaꞌ eꞌñe poꞌñoñotha kexhpatwerranet oneñeth ñeñth chorraꞌyenawet. Ñamha allowen ñeñth atsnaꞌtyetspaꞌ oꞌ aꞌkrratyesapanet.

San Mateo 8:29

Allempoñapaꞌ rranareꞌtapet Jesús, ateth ochet: —Esoꞌmarwachkaꞌye, Parets Poechemerechaꞌ phaꞌtsrreꞌmoxhtanaꞌtosey. Phapaꞌ añekoptheꞌ pewena oꞌch pekoñchaterrey amaꞌt ama xhenaꞌ allempoch yaꞌkoñchatarethterra.

San Mateo 8:4

Jesúsñapaꞌ alla otererr: —Theꞌ attho oꞌ naꞌkrraterrephpaꞌ poꞌñoxh amaꞌt eꞌñe poesheñarrapaꞌ amach photaphsaꞌtatsche amaꞌt mamesha. Korneshachña pegatenaꞌ all peptsarseꞌth. Ateth naneꞌth Moisés ñoñets añ acheñrekop ñeñthchaꞌ aꞌkrratarethterrtsapaꞌ theꞌñapaꞌ oꞌch es phanom ñeñthchaꞌ phapos all ñeñth Yomporekop allochñapaꞌ atthoch eꞌñe kowen enterreph allowen acheñeneshaꞌ.

San Marcos 1:25

Tharraña Jesúspaꞌ ama moenache oꞌch eñoranaꞌcha. Ñañapaꞌ ateth och: —Pemma, theꞌpaꞌ xhophaña kexhpaꞌnerreꞌña añ acheñer.

San Marcos 1:32

Ñeñthe yethrokma allempo ellerren oꞌ emoena atsrrethpaꞌ acheñeneshaꞌña wapatyesnenet Jesúsesho allowen ñeñth atsnaꞌtyets ñamha ñeñth chorraꞌyena oneñeth.

San Marcos 1:34

Jesúsña allempopaꞌ eꞌñe aꞌkrratyeswapanet, amaꞌt shonteꞌ paꞌnamen atsnañtsoxhno ñeñth osyenawet. Amaꞌt ñamha shonteꞌ acheñeneshaꞌ ñeñth chorraꞌyena oneñeth ñeñthpaꞌxhoꞌña eꞌñe kexhpatyeswapanet oneñeth ñeñth chorraꞌyenawet. Jesúsñapaꞌ ama moenatano oneñeth atthoch eñoranaꞌtnomet, tharroꞌmar ñetpaꞌ eꞌñe eñoteñet ñapaꞌ ñeñthkaꞌye Cristotets.

San Marcos 3:11

Añña oneñethexhno ñeñth chorraꞌyenaya acheñ ñeñthpaꞌxhoꞌña allempo entoset Jesúspaꞌ allepaꞌtchaꞌ rromamphsosyet paꞌrrphoth, rranareꞌtyesosetpaꞌ ateth otoset: —¡Pepaꞌtña Parets Poechemereph!

San Lucas 4:39

Allempoña Jesúspaꞌ oꞌ ponmosana atsnañethpaꞌ xha aꞌwañamphsoseꞌña poꞌwrateña. Allempoña oꞌ metwa poꞌwrateñapaꞌ allentha tanta oꞌ agapapanet eꞌñe kowen oꞌ yemaꞌtapanet.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

Santiago 2:19

Ñamha phapaꞌ peyemteñothpaꞌ peñoteñ Yomporpaꞌ eꞌñe pathrra. Ñewa, ñeñthpaꞌ eꞌñe pokteꞌ ateth, tharraña oneñethpaꞌxhoꞌña eñotenan ñamha ateth. Tharraña ñapaꞌ amaꞌt eñotenaneñña Yomporpaꞌ amaꞌt eꞌñe pathrra, tharraña poꞌyorñothach eñoteñ, tharroꞌmar ñapaꞌ eñotena amach keshperro.