San Lucas 4:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Ñeñthe yethrokma allempo oꞌ emoena atsneꞌpaꞌ acheñeneshaꞌña allowenet ñeñth atsnaꞌtyets pamoꞌtseshaꞌ ñetñapaꞌ oꞌ wapatyesnenet atsnañeth eꞌñe Jesúsesho. Ñañapaꞌ naꞌyesapanet pot ñesheto poesheñaꞌttset, atthoña aꞌkrratyesapanet allowenet.

San Lucas 4:40 Iomraidhean Croise

San Mateo 11:5

Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret kowen, ñamha ñeñth aꞌptsaresyen leprapaꞌ theꞌñapaꞌ oꞌ eꞌñe aꞌkowentatarethetwerret ñamet, ñamha ñeñth paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Mateo 14:13

Jesúspaꞌ allempo eꞌmareꞌtan Juanañ, ñañapaꞌ awampes noñtho oꞌ saꞌnman acheñeneshaꞌ oꞌch awoꞌ all ama acheñempañoyaye. Acheñeneshaꞌñapaꞌ allempo eꞌmareꞌchet ñetñapaꞌ allentha awanmoet ñamet. Allowen anetsothpaꞌ eꞌñe awanmoet oꞌch enteretaꞌ Jesús. Ñetñapaꞌ alla oñmaxhaꞌtet patsoꞌmar.

San Marcos 3:10

Allempo Jesúspaꞌ aꞌkrratyesan shonteꞌ atsnañethexhno ñeñthoꞌmarña allowen ñeñth atsnaꞌtyets ñetña allempopaꞌ atarr emchorreñet Jesús, añ atarr moenenet oꞌch aꞌphlloset Jesús.

San Marcos 5:23

Allñapaꞌ ateth otos: —Nesñethollañaxhoꞌ oꞌ xha aꞌpoꞌntsena. Ñeñthoꞌmarña napaꞌ nowennapha oꞌch phoktherren nepakllo. Amaꞌt photothapaꞌ oꞌch phaꞌphlleñaꞌ atthoch phaꞌkrrater oꞌch alla womhcherra.

San Marcos 6:5

Ama ameꞌñeñeto ñeñthoꞌmarña allpaꞌ ama atonocheyeꞌ orrtataneto poꞌpartsoña. Allpaꞌ aña orrtatyen atthoch aꞌphllaꞌyenan poesheñaꞌtets atsnañeth allpaꞌ atthokaꞌyeña aꞌkrratenanet.

Los Hechos 19:12

Attheñapaꞌ añña acheñeneshaꞌpaꞌ oꞌchxhoꞌ anerret ñeñth es aꞌphllaꞌyen Pablo, ateth ñerraꞌm es pañell amapaꞌ pañosheꞌm. Oꞌchxhoꞌ anmet alloꞌtsen ñeñth atsnaꞌtets. Oꞌch xhapachet allpaꞌ oꞌchxhoꞌ korrerraña atsnañeth. Amaꞌt poꞌneñetheretpaꞌ oꞌchxhoꞌ kexhpaꞌnerranet.

Los Hechos 5:15

Añña ñeñth atsnaꞌtyetspaꞌ oꞌ anmet aꞌyeneth allekma chopeñeꞌchenet. Allñapaꞌ oꞌ phanrraꞌtyesoset topantso, ñamha poesheñaꞌtetspaꞌ ñatoꞌ ora poꞌmayeꞌna. Tharroꞌmar anmarethetyeset allekma chopeñeꞌchenet allochñapaꞌ ñerraꞌm macheꞌ wena Pedropaꞌ eshekchaꞌ amaꞌt paꞌchoyesheꞌma poꞌpomaꞌmteñapaꞌ xhapchaꞌ ñesheto, ñatoꞌ atthothpaꞌ oꞌch korrerret.