San Lucas 4:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Jesúsñapaꞌ ateth otaph: —Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth awathotheñ ñeñthpaꞌ ateth oteney: “Alloweney acheñeneshoweneypaꞌ ama eꞌñe rreñtsa ñapoeth yokrramh yepeno. Añeꞌnaña yokrramh yepen yekamkëñekop ñeñth allowen allpon oteney Yompor.”

San Lucas 4:4 Iomraidhean Croise

San Mateo 4:4

Jesúsñapaꞌ ateth otaph: —Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth awathotheñ ñeñthpaꞌ ateth oteney: “Alloweney acheñeneshoweneypaꞌ ama eꞌñe rreñtsa ñapoeth yokrramh yepeno. Añeꞌnaña yokrramh yepen yekamkëñekop ñeñth allowen allpon oteney Yompor.”

San Mateo 6:31

Ñeñthoꞌmarña notenes: Amach atarr sellkaꞌyesatsto. Amach sotatsto: “Eswachkaꞌye yerraꞌtheꞌ. Eswachkaꞌye yorrtheꞌ.” Amach sotatsto: “Eswachkaꞌye yechorratheꞌ.”

San Lucas 22:35

Elloña Jesúspaꞌ yerpaterrana poeyochreshaꞌ; ñeñthpaꞌ ateth oterraneterr: —Ñewa, awaña allempo nemñas ateth notapas amach es sanmatsto amaꞌt koñeꞌtha, amaꞌt sebolsa, amaꞌt sekhllayor amaꞌt ñamha sesapat. Ñewa allempopaꞌ ¿eñalleꞌtña ñeñth sepalltena? Ñetñapaꞌ ateth ochet: —Allempopaꞌ amakaꞌye xho es yepallto amaꞌt eꞌñe mamesha.

San Lucas 4:10

tharroꞌmar Parets poꞌñoñ ñeñth anwareth ñeñthpaꞌ amaꞌtña ateth oten: Yomporpaꞌ oꞌch moeñonaph poꞌmhllañotheñreneshaꞌ ñeñthchaꞌ pekwamphsapoeꞌ.

San Lucas 4:3

Allempoña oneñeth attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Lucas 4:8

Jesúsñapaꞌ alla otererr: —Theꞌpaꞌ oꞌch orrerreph oneñethe. Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth ñeñthpaꞌ ateth oteney: “Añach ñapoeth yemaꞌyochena Yeyomporer ñeñth Yepartseshar yepen, eꞌñech ñaptha yesherbeꞌ.”

Efesios 6:17

Ñamha yapaꞌ yeñoteñ Yomporpaꞌ theꞌpaꞌ oꞌ aꞌkeshphaterrey, ñeñthña yemoñenaya. Ñeñthpaꞌ añ tomaꞌntena ateth pena solltar oꞌch naꞌnman asret poño atthoch ama ettoꞌcheto. Ñamha oꞌch yerrmoñ Yompor poꞌñoñ yeyoxhro ñeñth ateth eñotateney ña Poekamkëñoth; ñeñthpaꞌ ñeñthña yepanmet yepen alloña yekhllareñña oneñeth.