San Lucas 4:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Allempoña Jesúspaꞌ oꞌ ponmosana atsnañethpaꞌ xha aꞌwañamphsoseꞌña poꞌwrateña. Allempoña oꞌ metwa poꞌwrateñapaꞌ allentha tanta oꞌ agapapanet eꞌñe kowen oꞌ yemaꞌtapanet.

San Lucas 4:39 Iomraidhean Croise

San Marcos 1:29

Allempoña xhaꞌnmaxherret poerawothpaꞌ arr awanmoet all yexhena Simón ñamha paꞌmoꞌnasheñ Andrés. Allñapaꞌ añ kothaꞌnmoeꞌ Jacobo ñamha Juan.

San Lucas 4:35

Tharraña Jesúspaꞌ ama moenache oꞌch eñoranaꞌcha. Ñañapaꞌ ateth och: —Pemma, theꞌpaꞌ xhophaña kaxhpaꞌnerreꞌña añ acheñer. Oneñethñapaꞌ xha atanman yakmapaꞌ alla oꞌshsheꞌma eꞌñe all shontena allowen acheñeneshaꞌ. Allempoñapaꞌ oꞌ kaxhpaꞌner eꞌñe attha, ama erroth phaꞌnme.

San Lucas 4:41

Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

San Lucas 8:24

Attheña poeyochreshaꞌñapaꞌ ponemhyet Jesús all moenpaꞌ opoeret, ateth ochet: —Maestro, poꞌñoxhwachkaꞌye yokllaꞌwerratheꞌ. Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ amaꞌt ñamha emoꞌyareꞌpaꞌ oꞌ eꞌñe aꞌmtsoññetwer. Atthoña ñetpaꞌ oꞌ alla eꞌñe kowen moechethtamperret.