San Lucas 4:35 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁵ Tharraña Jesúspaꞌ ama moenache oꞌch eñoranaꞌcha. Ñañapaꞌ ateth och: —Pemma, theꞌpaꞌ xhophaña kaxhpaꞌnerreꞌña añ acheñer. Oneñethñapaꞌ xha atanman yakmapaꞌ alla oꞌshsheꞌma eꞌñe all shontena allowen acheñeneshaꞌ. Allempoñapaꞌ oꞌ kaxhpaꞌner eꞌñe attha, ama erroth phaꞌnme.

San Lucas 4:35 Iomraidhean Croise

San Mateo 17:18

Jesúsñapaꞌ ateth otapan oneñeth ñeñth othateneꞌ: —Theꞌpaꞌ poꞌñoxh oꞌch notaph, pekexhpoer cheshachor. Oneñethñapaꞌ allenthepaꞌtchaꞌ kexhpaꞌner. Cheshachorñapaꞌ allorokma korrerra.

San Mateo 8:26

Ñañapaꞌ ateth otanet: —Esoꞌmareꞌtña nanak seyoren. Sapaꞌ ama eꞌñeyeꞌ seyemtenno. Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ amaꞌt ñamha emoꞌyareꞌpaꞌ oꞌ eꞌñe aꞌmtsoññetwer. Atthoña ñetpaꞌ oꞌ alla eꞌñe kowen moechethtamperret.

San Marcos 1:26

Oneñethñapaꞌ xha atanman yakmapaꞌ alla oꞌshsheꞌma. Oneñethñapaꞌ xha rranareꞌtnoma allempo kexhpaꞌnerran acheñ.

San Marcos 4:39

Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ. Ñamha poꞌñoñotha aꞌmtsoñeñterran saꞌp ñeñth emoꞌyartetsa, ñeñthpaꞌ ateth ot: —¡Moechecherrepaꞌ, moetsoñeñterrepaꞌ! Eꞌñe otweꞌpaꞌ xha moechecherrtsaña womenkëshaꞌ. Atthoña ñetpaꞌ oꞌ alla moechethtamperret eꞌñe kowen.

San Marcos 9:26

Eꞌñe otweꞌ ateth oneñethñapaꞌ xhepaꞌtchaꞌ rranaꞌnmatsa, alla othatnerranerr cheshachorpaꞌ xho kexhpaꞌnmoeꞌ oꞌ awerr. Cheshachorpaꞌ ama pelleno xha otta ñerraꞌmrratheꞌ oꞌ rroma. Acheñeneshaꞌñapaꞌ ateth otyes: —Poꞌñoxh theꞌpaꞌ oꞌkaꞌye rroma.

San Lucas 11:22

Tharraña ñerraꞌm esempo oꞌch wapoña ñeñth atarr awamenkatheshaꞌ ñeñthchaꞌ ello metanoseꞌña poꞌwamenk ateth ñerraꞌm na Nompor, ñeñthchaꞌña eꞌñe aꞌmchechatoseꞌ. Atthoña eꞌñe poerratamphsosñañ ñeñth allpon moñenaya ñeñth atarr yemoetyena ña. Allochñapaꞌ oꞌch beꞌthosos all ñeñth paꞌpakëll phaꞌyen oꞌch eꞌñe poerratampeswos ñeñth allpon oꞌpatyena ña.

San Lucas 4:23

Jesúsñapaꞌ ateth oterraneterr: —Sapaꞌ ñeñth ateth oꞌ seꞌmareꞌton ñeñth ateth norrtatyenaꞌ awaña Capernaumo theꞌña sapaꞌ xha semneñ oꞌch soten añ ñoñets ñeñthekma moeneꞌ yotannena amaꞌt awathotheñ: “Pha ñeñtheph aꞌkrratañtetsa theꞌpaꞌ oꞌch phaꞌkrrata eꞌñe phañeña”, tharroꞌmar sapaꞌ añtheꞌ semnen oꞌch ateth norrtat ñamha arr kowen eꞌñe ya yaꞌnetsro ateth norrtatenaꞌ awaña Capernaumo.

San Lucas 4:39

Allempoña Jesúspaꞌ oꞌ ponmosana atsnañethpaꞌ xha aꞌwañamphsoseꞌña poꞌwrateña. Allempoña oꞌ metwa poꞌwrateñapaꞌ allentha tanta oꞌ agapapanet eꞌñe kowen oꞌ yemaꞌtapanet.

San Lucas 4:41

Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

San Lucas 8:24

Attheña poeyochreshaꞌñapaꞌ ponemhyet Jesús all moenpaꞌ opoeret, ateth ochet: —Maestro, poꞌñoxhwachkaꞌye yokllaꞌwerratheꞌ. Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ amaꞌt ñamha emoꞌyareꞌpaꞌ oꞌ eꞌñe aꞌmtsoññetwer. Atthoña ñetpaꞌ oꞌ alla eꞌñe kowen moechethtamperret.

San Lucas 9:39

Ñapaꞌ ñerraꞌm esempo rromoeñ oneñethpaꞌ xhach rranareꞌta oꞌch othachpaꞌ oꞌch ataꞌtach patso xhach amtan paꞌpoꞌ. Atthoña atarr atserrphatseꞌtateñ. Ama moeno oꞌch aꞌrroyer.

San Lucas 9:42

Allempo anemh Jesúseshopaꞌ oneñethñapaꞌ alla rromoerranerr cheshachor oꞌ alla othatererr alla ataꞌtatererr patso. Jesúsñapaꞌ ateth otapan oneñeth: —Theꞌpaꞌ poꞌñoxh oꞌch notaph, pekaxhpaꞌnerñakaꞌyeña añ cheshachor. Allempo aꞌkrrater Jesús oꞌ alla apoerrñañ pompor.

El Apocalipsis 12:12

Atarr kosheñets Yompor poeꞌntaño allowenakop ñeñth alloꞌtsaꞌyen. Tharraña atarr llekëñets allowenakop ñeñth yexhaꞌyetsa añe patsro amaꞌt ñamha ñeñth oñoꞌtsaꞌyen. Tharroꞌmar oneñethpaꞌ oꞌ sowamperranet eꞌñe paꞌtsrreꞌmoeñeshaꞌ. Ñapaꞌ eñoteñ eꞌñech mameshapaꞌ oꞌch alla awaporeꞌtarethterrerr.