San Lucas 4:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ —¿Esoꞌmareꞌtchaꞌña erroth pephosey Jesúso, pha ñeñtheph nazaretoꞌmarneshaph? Añekoptheꞌ pewapa oꞌch phaꞌchenkaterrey. Napaꞌ oꞌ neñotapaph. Phapaꞌ atarr Partsoph añ pellsenseneꞌ Phompor ñeñth atarr nanak Parets.

San Lucas 4:34 Iomraidhean Croise

San Mateo 8:29

Allempoñapaꞌ rranareꞌtapet Jesús, ateth ochet: —Esoꞌmarwachkaꞌye, Parets Poechemerechaꞌ phaꞌtsrreꞌmoxhtanaꞌtosey. Phapaꞌ añekoptheꞌ pewena oꞌch pekoñchaterrey amaꞌt ama xhenaꞌ allempoch yaꞌkoñchatarethterra.

San Marcos 1:24

—Esoꞌmareꞌtchaꞌña erroth pephosey Jesúso, pha ñeñtheph nazaretoꞌmarneshaph. ¿Añekoptheꞌ pewena oꞌch phaꞌchenkaterrey? Napaꞌ oꞌ neñotapaph. Phapaꞌ atarr Partsoph añ pellsenseneꞌ Phompor ñeñth atarr nanak Parets.

San Marcos 1:34

Jesúsña allempopaꞌ eꞌñe aꞌkrratyeswapanet, amaꞌt shonteꞌ paꞌnamen atsnañtsoxhno ñeñth osyenawet. Amaꞌt ñamha shonteꞌ acheñeneshaꞌ ñeñth chorraꞌyena oneñeth ñeñthpaꞌxhoꞌña eꞌñe kexhpatyeswapanet oneñeth ñeñth chorraꞌyenawet. Jesúsñapaꞌ ama moenatano oneñeth atthoch eñoranaꞌtnomet, tharroꞌmar ñetpaꞌ eꞌñe eñoteñet ñapaꞌ ñeñthkaꞌye Cristotets.

San Marcos 5:7

Allempoña Jesúspaꞌ ateth otosan oneñeth ñeñth chorrenaya ñeñth yakmar, ateth otos: —Oꞌch oneñethe notoseph theꞌñapaꞌ ¡pekexhpaꞌner añ acheñer! Ñeñthoꞌmarña ñeñth chorrena oneñethpaꞌ rranosa womenkpaꞌ ateth otapan Jesús: —Esoꞌmarwachkaꞌye Jesúsochaꞌ phatsrreꞌmoxhtanaꞌtosna, phapaꞌ ñeñtheph Ñeñth nanak Parets Poechemereph. Theꞌpaꞌ oꞌch notapaph eꞌñe Parets paꞌsoꞌchño, amach xha pekoñchatatstosno.

San Lucas 1:35

Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Lucas 4:33

Poesheñarrña yakma ñeñth alloꞌtsen poerawo, ñeñthñapaꞌ añ chorrenaya oneñeth. Ñaña rranareꞌtapaꞌ ateth otapan Jesús:

San Lucas 4:41

Ñamha shonteꞌ acheñeneshaꞌ kaxhpatatyesapanet oneñeth ñeñth poerranaroth otnomoeꞌ Jesús: —Phapaꞌ ñeñtheph eꞌñe poꞌñoxh Parets Poechemereph. Tharraña Jesúspaꞌ aꞌmtsoñeñtanet, ama moenataneto oꞌch eñoranaꞌtnomet, tharroꞌmar ñetpaꞌ eꞌñe eñotnomet ñapaꞌ ñeñth Cristotets.

San Lucas 8:37

Allempoña allowen acheñeneshaꞌ ñeñth yexhaꞌyetsa all ñeñth gadaroꞌmarneshaꞌ ñetñapaꞌ poeyorñothet ateth otoset Jesús: —Theꞌpaꞌ oꞌch awerreph arroth. Allempoña Jesúspaꞌ aꞌterr noñtho oꞌch awerr.

Los Hechos 16:39

Allempoña waxhaꞌtetpaꞌ enamarethterret peretneñets. Allempoña xhaꞌnmatenanetpaꞌ ateth otanet: —Theꞌpaꞌ orrerres, sawanerra bhaxhayo.

Los Hechos 2:27

Napaꞌ neñoteñ amach aꞌypoꞌñono nekamkëñ alla oꞌpono. Nomporpaꞌ amach moeno oꞌch poetsowa alla nechets tharroꞌmar ñapaꞌ entenen eꞌñe kowenareꞌ es nepen ñokop.

Los Hechos 3:14

Amaꞌt ñeñth nanak Parets, ñamha amaꞌt ñeñth eꞌñe pokteꞌ es pets, sañapaꞌ xha saꞌnasotampesya. Allempo Pilatopaꞌ amaꞌt moeneñ oꞌch aꞌrroyer, sañapaꞌ aña sanamh ñeñth amtsañ ñeñthchaꞌ aꞌrroyonaset.

Los Hechos 4:27

Alla maꞌyochereterr Yompor, ateth oterreterr: —Ñeñthoꞌmarña theꞌpaꞌ poꞌñoxh oꞌ etsota attho arr Jerusaléño oꞌ apxhet atthoch oꞌpatonapet Pechemer Jesús amaꞌt ñeñth eꞌñe kowen Parets penten pha, ñeñthña Jesús ñeñth eꞌñe kowen pesherbhayeꞌth ñeñth eꞌñe pho pellsensar. Ateth awathotheñ eꞌñe peñotwaneteꞌth ñetpaꞌ oꞌch etsotaterrnapet peñoñ ateth ñerraꞌm Herodes, ñamha Poncio Pilato, ñamha poꞌpoñexhno acheñ ñeñth ama ameꞌñetso, amaꞌt ñamha israelneshaꞌ. Tharraña ñeñth ateth oꞌpachetpaꞌ theꞌpaꞌ oꞌ etsotwerra peñoñ.

Hebreos 2:14

Ñewa, allowen ñeñth eꞌñe paꞌmoꞌnasheñekmoet phannetsa, ñetpaꞌ eꞌñe ñeñthenaꞌtarekmoet. Ñeñthoꞌmarña Jesúspaꞌ eꞌñe acheñetos atthoch paꞌmoꞌnasheñ phosey. Eꞌñe arromñathenaꞌtartosa eꞌñe ateth ñerraꞌmrratheꞌ ya. Ñapaꞌ tharroꞌmarña ateth phosa allochñapaꞌ atthoch rromos. Tharroꞌmar allempo rromapaꞌ atthoña poerratampeswan oneñeth poꞌwamenk attho atarr amhchaꞌnoxhtanaꞌteney allempo yerromoen.

Santiago 2:19

Ñamha phapaꞌ peyemteñothpaꞌ peñoteñ Yomporpaꞌ eꞌñe pathrra. Ñewa, ñeñthpaꞌ eꞌñe pokteꞌ ateth, tharraña oneñethpaꞌxhoꞌña eñotenan ñamha ateth. Tharraña ñapaꞌ amaꞌt eñotenaneñña Yomporpaꞌ amaꞌt eꞌñe pathrra, tharraña poꞌyorñothach eñoteñ, tharroꞌmar ñapaꞌ eñotena amach keshperro.

1 San Juan 3:8

Tharraña ñeñth xhokma orrtatyeneꞌ ñeñth ama pokteyeꞌ enteno Yompor, ñeñthña acheñerpaꞌ poꞌñoxh oneñethenaꞌtar, tharroꞌmar oneñethpaꞌ eꞌñe awathotheñ ñapaꞌ aña orrtatyes ñeñth amaꞌt mameshapaꞌ ama pokteyeꞌ enteno Yompor. Ñeñthoꞌmarña Yompor Poechemerpaꞌ wapa, allochñapaꞌ ñach eꞌnwerreꞌ ateth phatseꞌtyena oneñeth.

El Apocalipsis 20:2

Ñeñthña mellañotheñpaꞌ rremosan añyañ. Añyañpaꞌ ñeñthara shecheph ñeñth awathotheñ ñeñthara yoten oneñeth ñamha ñeñth otenet Satanás. Attho rremoeꞌpaꞌ allempoñapaꞌ wankëꞌ. Ñeñth attho ewankarethtapaꞌ eꞌñech errponañowen char ñeñth otenet mil char, attherach ewankarethtena.

El Apocalipsis 3:7

Ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta añekop ñeñth kowampeneꞌ ñeñth ameꞌñetsa all anetso Filadelfia, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth eꞌñe Parets ñeñth eꞌñe poꞌñoxh allowen es oten. Ñeñthara Cristo ñeñth allsensareth ñach amhchaꞌtarethterrtsa eꞌñe ateth amhchaꞌtarethteꞌth David. Ñatoꞌ oꞌch netmaꞌntacha oꞌch not ñapaꞌ echenan David poꞌllave. Amaꞌt erraꞌtsenchaꞌ oꞌch torampenanet atthoch xhapanet Yompor poꞌkowenña amaꞌt eseshapaꞌ amach errothenoth alla epatareꞌterraneto. Ñamha ñerraꞌm ñach yottamperreꞌ amaꞌt eseshapaꞌ amach errothenoth torampereto.