San Lucas 4:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Ñeñth ateth yexhatenanet, acheñeneshaꞌñapaꞌ attha kowanrrorteñet. Tharroꞌmar ñapaꞌ ateth yexhatenanet ñerraꞌmrratheꞌ ñeñth allsensarethtetsa Partseshoth.

San Lucas 4:32 Iomraidhean Croise

San Marcos 1:22

Allempo serrpareꞌtatwanet Jesús, acheñeneshaꞌñapaꞌ epayeꞌ kowanrrorteñet ñeñth ateth yexhatenanet ña. Tharroꞌmar ñapaꞌ atarr kowen yexhatenanet ateth ñerraꞌmrratheꞌ ñeñth allsensarethtetsa Partseshoth. Judioneshaꞌ paꞌmhchaꞌtaretherneshaꞌ ñeñth atarr etsotayeneꞌ ñoñets ñeñth ateth anareth, ñetñapaꞌ ama eꞌñeyeꞌ attheyeꞌ yexhateneto.

San Lucas 2:47

Ñeñthoꞌmarña allowen ñeñth eꞌmoeneꞌpaꞌ xha atarr kowanrrorteñet, otyenet: —Errothenothwañakaꞌyeña atarr es eñoten ñeñthoꞌmar atarr kowen es anapyen.

San Lucas 4:33

Poesheñarrña yakma ñeñth alloꞌtsen poerawo, ñeñthñapaꞌ añ chorrenaya oneñeth. Ñaña rranareꞌtapaꞌ ateth otapan Jesús:

San Lucas 4:36

Acheñeneshaꞌñapaꞌ xha atarr thoratsphanet poeyoxhret. Ñetñapaꞌ ateth otannaꞌtyeset: —Taꞌmkaꞌye, errothentheꞌkaꞌyeña Jesús poꞌñoñ, atarrepaꞌt womenk poꞌñoñ pen. Eꞌñe ateth ñerraꞌmrratheꞌ ñeñth allsensarethtetsa ñeñth atarr awamenkatheshaꞌ. Amaꞌt oneñeth erroth otenpaꞌ atethxhoꞌ phateñ. Poꞌñoxhkaꞌye theꞌpaꞌ oꞌ xhaꞌnerr oneñeth.

San Juan 6:63

Yekamkëñ alloña eꞌñe poꞌñoxh yokrrena. Yechetspaꞌ amaꞌt koñeꞌthapaꞌ ama sherbeno. Neñoñ ñeñth neserrpareꞌtatenespaꞌ eꞌñe poꞌñoxh sekamkëñekop ñeñthña poꞌñoxh alloch eꞌñe sokrra.

San Juan 7:46

Guardianeshaꞌñapaꞌ ateth otwerret: —Amaꞌt eseshapaꞌ ama poeñosaroña atarr kowen ateth eñen ña.

2 Corintios 4:2

Ñeñth aꞌnawa es phaꞌyenet ñeñth apenkoxhen yenten yokop ya ñeñthey thorretsa Yomporekoppaꞌ ñeñthña napaꞌ oꞌ naꞌypoꞌñamper. Ñamha napaꞌ ama es neshkëñoth nephaꞌyeno masheñneshakop. Ñamha napaꞌ allempo neserrpareꞌtateñ acheñeneshaꞌ ama xhoyeꞌ naꞌpoꞌpoñeteññañe Yompor poꞌñoñ. Añchaꞌña eꞌñe naꞌpotheññañ Yompor poꞌñoñ eꞌñe poꞌñoxh ñeñth ateth oten poꞌñoñ. Yomporpaꞌ entenen ñeñth ateth notenes ñeñthpaꞌ eꞌñe poꞌñoxh ateth. Ñamha amaꞌt erraꞌtsena acheñer ñeñth eñoteneꞌ ñeñth eꞌñe pokteꞌ entenet ñet poeyoxhretopaꞌ ñetpaꞌxhoꞌña eꞌñech kowen entapretennet.

1 Tesalonicenses 1:5

Tharroꞌmar añ kowen ñoñets ñeñth yeserrpareꞌtatoses awaña, ñeñthpaꞌ ama ñoñtsenochayayo, yapaꞌ añña awamenkath yepeneꞌ Parets Poekamkëñ allochñapaꞌ attho sapaꞌ oꞌ xhaponasa seyoxhro ñeñth ñoñetspaꞌ eꞌñepaꞌt poꞌñoxh ñeñthpaꞌ ama shekëñtsoyaye. Sapaꞌ eꞌñe señoteney ñeñth ateth eꞌñe kowen yorrtatyesonas allempo alloꞌtseney sesho.

Tito 2:15

Allowen ñeñth ateth oꞌ notwaph phapaꞌ ñeñthchaꞌña peyxhatyesanet. Ñamha oꞌch phokthapeꞌchatyesanet eꞌñe kowen, ñamha ñerraꞌm phaꞌyenet ñeñth ama pokteyayepaꞌ oꞌch photanet, amach phatsteto ateth, tharroꞌmar phapaꞌ ñeñthekop anaretheph. Ñamha ñeñth ama pokteyayepaꞌ amach ateth pephatsto, theꞌt acheñeneshaꞌpaꞌ amatheꞌ akwaꞌphsenayeꞌ entenpeto.