San Lucas 4:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Acheñeneshaꞌña allempo eꞌmet ñeñth ateth yerpatanet Jesúspaꞌ ñeñthña atarr atsrreꞌmatawet allowenet ñeñth poerawoꞌtsaꞌyen.

San Lucas 4:28 Iomraidhean Croise

San Mateo 2:16

Ñewa, allempoña Herodespaꞌ oꞌ eñoch xha shekaꞌnemh eñotañneshaꞌpaꞌ ñañapaꞌ ñeñtha atarr atsrreꞌmateꞌ. Attho atsrreꞌma nanakpaꞌ allempoñapaꞌ moeñan ñeñthchaꞌ moetsweꞌ allowen asheñorrotholleshaꞌ ñeñth Beléñoꞌtsaꞌyen ñamha ñeñth allowen allampañoꞌtsaꞌyen Beléño. Allowen asheñorrotholleshaꞌ ñeñth echeneꞌ epa poꞌcharña amaꞌt ñamha allowen ñeñth eñalletyetsa chentaꞌ eꞌñe poktakma moetsanatwet. Ñewa, ñeñth ateth eñotatos eñotañneshaꞌpaꞌ ñañapaꞌ ateth kothapeꞌch awoꞌtheꞌ epa char eñalletwaña ñeñth cheshatholler.

San Lucas 4:27

Elloña oꞌch alla neyerpaterrserr poꞌpoñ ñeñth ateth peꞌth ñamha Eliseo, ñapaꞌxhoꞌña ñeñth aꞌmhtayeꞌth Yompor poꞌñoñ awath. Ñewa, allempopaꞌ shonteꞌ israelenaꞌtarneshaꞌ ñeñth osyen poetsarñats ñeñth otenet lepra all anetso Israel all yexheꞌth Eliseo. Tharraña amaꞌt attheñ amaꞌt poesheñarrothapaꞌ ama aꞌkrratereña Eliseo eꞌñe all Israelo. Ñapaꞌ aña aꞌkrraterr ñeñth poꞌpoñenaꞌtar acheñ ñeñthpaꞌ añ paꞌsoꞌcheñ Naamán ñeñthpaꞌ poꞌpoñ anetsoꞌmarneshaꞌ; ñeñth paꞌnetser penpaꞌ añ paꞌsoꞌcheñ Siria.

San Lucas 4:29

Ñetña tantrraꞌtetpaꞌ oꞌ moeñoꞌteret alloth paꞌnetsretoth. Chetaꞌneret, allothpaꞌ arr anmet allowa wañen pokoll alloth eꞌñe atserethtena allchaꞌ waporeꞌchet atthoch moetsatachet.

San Lucas 6:11

Fariseoneshaꞌñapaꞌ ñeñthña atarr atsrreꞌmatawet. Allempoñapaꞌ kothapeꞌchatannaꞌtet, atarr oꞌpachet Jesús.

Los Hechos 5:33

Allempoña ñeñtha eꞌmwet ñeñth ateth ot Pedropaꞌ añña amhchaꞌtarethneshaꞌ nanak atsrreꞌmatanet, atarr moeneñetañ awoꞌch moetswet ñeñth allsensarethneshaꞌ.

Los Hechos 7:54

Allempoña ñeñtha eꞌmwet ateth ot Estebanpaꞌ nanak atsrreꞌmatanet. Paꞌtsrreꞌmoeñothetpaꞌ xha rrasoꞌtyeset paꞌs.