San Lucas 4:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Atthoña allpaꞌ oꞌ wapoña oneñeth, moeneñ oꞌch ateth phatyes ñeñth ama pokteyeꞌ enteno Pompor. Allñapaꞌ ama rreno eꞌñe aña thorrena atthoch etsotwan ora allowen ñeñth kowentetsa Pomporekop. Ñeñthoꞌmarña amaꞌt oꞌ paꞌtatsoch xharramatpaꞌ amaꞌt koñeꞌthapaꞌ ama es rreno. Oꞌña paꞌtatsoch xharramatwapaꞌ xho cheporratsa.

San Lucas 4:2 Iomraidhean Croise

San Mateo 21:18

Tsapath poetaren alla awaꞌmoenerr Jesús anetso Jerusaléño. Thoñoñapaꞌ xha cheporraꞌnma.

San Mateo 4:2

Allñapaꞌ ama rreno eꞌñe aña thorrena atthoch etsotwan ora allowen ñeñth kowentetsa Pomporekop. Ñeñthoꞌmarña amaꞌt oꞌ paꞌtatsoch xharramatpaꞌ amaꞌt koñeꞌthapaꞌ ama es rreno yetho amaꞌt ñamha tsapo. Oꞌña paꞌtatsoch xharramatwapaꞌ xho cheporratsa.

San Lucas 4:3

Allempoña oneñeth attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Juan 4:6

Allñapaꞌ all poten oñ ñeñth poꞌñeñ peꞌth Jacob. Jesúsñapaꞌ nanak tsanom poechopeꞌcheñoth ñeñthoꞌmarña anorros eꞌñe allameꞌtets apkoꞌsatho. Allempopaꞌ eꞌñe poktoꞌtsen atsneꞌ.

Hebreos 2:18

Ñapaꞌ atarr moeroxhtosa allempo wapoñeꞌth topateñets; ñeñthpaꞌ atthoch aꞌypoꞌñereñ Pompor. Ñeñthoꞌmarña theꞌpaꞌ eꞌñe poellkapreteñothey ya ñapaꞌ eꞌñe eñoteñ oꞌch yenpaꞌy atthoch awamenkath phonay yeyoxher allochñapaꞌ amach alla aꞌpoerrataterrye topateñets ñeñthchaꞌ allpon yewapoya yamha.

Hebreos 4:15

Tharroꞌmar Jesús ñeñth Yekorneshar yepen ñapaꞌ eꞌñe eñoteñ atthoch eꞌñe kowen llekapretenya allempo ama eꞌñeyeꞌ womenkayeꞌ yenteno yeyoxhro. Tharroꞌmar ñapaꞌxhoꞌña atthekma wapoñeꞌth allowen paꞌnamen topateñets, eꞌñe ateth yepena ya theꞌ xhokma wennaya paꞌnamen topateñets. Tharraña ñapaꞌ amaꞌt paꞌnamen wapoyeꞌth topateñets, ñapaꞌ amaꞌt parrocha ama phano ñeñth ama pokteyeꞌ enteno Pompor.