San Lucas 3:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Ñeñthoꞌmarña napaꞌ oꞌch notas ñerraꞌm amach sokthapeꞌcherro kowen Yomporekop oꞌ mameshamha oꞌch xhaponasa atthoch koñchaterres Yompor. Oꞌch netmaꞌntatasa ateth ñerraꞌmrratheꞌ allempo oꞌch aꞌmatamochet tsach. Oꞌ eꞌñe onañchachet gach allchaꞌ tet eꞌñe allowa wañen poepallaktar. Ñeñth allowen tsachexhno ñeñth ama kowenayeꞌ meꞌtetsopaꞌ aꞌmataꞌtweretchaꞌ saprrochetchaꞌ all worten tsoꞌ allchaꞌ eꞌñe aꞌpoyatatweret.

San Lucas 3:9 Iomraidhean Croise

San Mateo 3:10

Ñeñthoꞌmarña napaꞌ oꞌch notas ñerraꞌm amach sokthapeꞌcherro kowen Yomporekop oꞌ mameshamerra oꞌch xhaponasa atthoch koñchaterres Yompor. Oꞌch netmaꞌntatasa ateth ñerraꞌmrratheꞌ allempo oꞌch aꞌmataꞌtmochet tsach. Oꞌ eꞌñe onañchachet gach allchaꞌ tet eꞌñe allowa wañen poepallaktar. Ñeñth allowen tsachexhno ñeñth ama kowenayeꞌ meꞌtetsopaꞌ aꞌmataꞌtweretchaꞌ saprrochetchaꞌ all worten tsoꞌ allchaꞌ eꞌñe aꞌpoyatatweret.

San Lucas 13:6

Allempoña Jesúspaꞌ alla tomaꞌntaterraneterr poꞌpocheño, ñeñthpaꞌ ateth oterraneterr: —Poesheñarr acheñ all poenaremhmopaꞌ allñapaꞌ awañmoꞌchotheñ nareꞌtatenan ñamha poecharr partech. Attheñapaꞌ xhap allempo wapa eꞌnosñañ poeꞌmer. Tharraña amaꞌt poemharrapaꞌ ama entosñañe poeꞌmer. Partayechpaꞌ ama meꞌteno.

San Lucas 13:7

Allempoñapaꞌ ateth otan ñeñth kowampeneꞌ poenaremhmaꞌ: “Theꞌpaꞌ oꞌ met maꞌpa char xhokma nowena eꞌneneꞌ partech poeꞌmer. Themeꞌttsen amaꞌt poemharra poeꞌmerpaꞌ ama nenteññañe. Theꞌpaꞌ oꞌch phaꞌmater tharroꞌmar eꞌñe orrena kexhkareꞌtennay yepatseñ attho ama yenareꞌteno poꞌpoñ narmets all.”

San Lucas 13:9

Ñatoꞌrraña ateth nepeꞌpaꞌ oꞌch kowen meꞌt tsapath charo. Tharraña ñerraꞌm ama meꞌtopaꞌ pokteꞌñaxhoꞌ allempopaꞌ oꞌch phaꞌmatater.”

San Juan 15:6

Eseshaꞌch ama neparrokmaterraye awaporeꞌtarethchaꞌ ateth ñerraꞌmrratheꞌ tsachtakër ñeñth ama meꞌtetso xhochña pechaꞌtamphsetña poetakër oꞌch eꞌñe porrarrkeꞌchwa allempochña aꞌyapaxhetpaꞌ oꞌch chamoet tso allchaꞌ poywa.

Hebreos 10:28

Ñewa, awath ñerraꞌm eñall amaꞌt poesheñarra ñeñth athpareꞌtayeꞌth Moisés poꞌñoñ, ñerraꞌm eñall epsheña amapaꞌ maꞌpsheña ñeñthchaꞌ aꞌmethampeneꞌ ñeñthña athparñathpaꞌ awoꞌch moetse allowen acheñeneshaꞌ. Amaꞌt poesheñarrapaꞌ amach eñalleña ñeñthchaꞌ morrentaya.

Hebreos 12:29

Tharroꞌmar yeñoteñ ñeñth Yeyomporer yepen ñapaꞌ atarr Parets eꞌñe ateth ñerraꞌm tsoꞌ ñeñth eꞌnweneꞌ amaꞌt erraꞌtsena ñeñth ama erroth apen yenteno.