San Lucas 3:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Ñewa, Jesúspaꞌ allempo orrta oꞌ thorraꞌmochana ñeñth poꞌtarwas pen Pomporekop, allempoña poꞌcharñapaꞌ ñatoꞌ oꞌtheꞌ xhap maꞌpoch xharraꞌ char. Acheñeneshaꞌñapaꞌ aña pompor phateñet ñeñth José. Ñewa, Josépaꞌ Elí poechemer,

San Lucas 3:23 Iomraidhean Croise

San Mateo 1:1

Arrpaꞌ all akellkareth Jesucristo paꞌtañneshañ eꞌñe paꞌsoꞌchñexhnowenet. Jesucristopaꞌ David poꞌmhreneñ, eꞌñe Abrahamotheñ. Allowen añ soꞌchñetspaꞌ ñeñthara mereñtsorekmoet.

San Mateo 1:16

Jacobñapaꞌ chemereꞌtana José ñeñthepaꞌtchaꞌ poerrollar phaꞌ María. Maríañapaꞌ cheyoreꞌtana Jesús, ñeñthara ñeñth Cristotats.

San Mateo 1:6

Isaíñapaꞌ chemereꞌtana David ñeñth amhchaꞌtarethtatseꞌth. Davidñapaꞌ chemereꞌtana Salomón. Ñeñthpaꞌ arroth Urías poethaporoth.

San Mateo 13:55

Ñapaꞌ aña poechemer ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Pachorpaꞌ aña María. Paꞌmoꞌnasheñpaꞌxhoꞌña aña Jacobo, José, Simón, Judas.

San Mateo 4:17

Allempo xherr Jesús Galileo allempoña eꞌñe ñenmath serrpareꞌtatwerranet all. Ñeñthpaꞌ ateth otwerranet: —Theꞌpaꞌ oꞌch sokthapeꞌcherr ello kowen Yomporekop tharroꞌmar theꞌpaꞌ oꞌ xherrmoch allempoch ayochreshathterra Yompor ñeñth poeꞌntañoꞌtsen.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 2:48

Allempo enter pompor ñamha pachorpaꞌ attha kowanaꞌtoset. Pachorñapaꞌ ateth otos: —¿Esoꞌmartheꞌña neꞌmare oꞌ atarr pellkatya? ¿Amaꞌt peñoteñe atarr yellkëñeshaꞌ yeꞌnameneph?

San Lucas 3:31

Eliaquimpaꞌ Melea poechemer, Meleapaꞌ Mainán poechemer, Mainánpaꞌ Matata poechemer, Matatapaꞌ Natán poechemer,

San Lucas 4:22

Allowenña acheñeneshaꞌpaꞌ eꞌñe kowen eñoraꞌyenet Jesúsokop. Atarr koxhneshaꞌ enteññañet poꞌñoñ ñeñth ateth serrpareꞌtatyenanet. Ñetñapaꞌ ateth otannaꞌtyenet: —Errothenothwañakaꞌyeña atarr koxhneshareꞌ serrpareꞌtatyeney. Ñapaꞌ añakaꞌye José poechemer.

San Juan 1:45

Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

Los Hechos 1:1

Theꞌpaꞌ, masheñe Teófilo, nekellkothpaꞌ oꞌch neserrpareꞌtaterrperr poꞌpocheño. Awaña ñeñth nekellkonaph all neñotataph ora allpon ateth peꞌth Jesús allempo añe patsroꞌtsenmeñ. Ñamha ora allpon yexhateꞌth Jesús, ñeñthpaꞌxhoꞌ oꞌ notwaph nekellkoth.