San Lucas 3:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Allempoña patantarr guardianeshaꞌ ñeñth alloꞌtsaꞌyenpaꞌ aꞌphthoꞌtoset ñamet, ñetpaꞌ ateth otet: —Yokoppaꞌxhoꞌña ¿esoꞌtña poktetsa ñeñthchaꞌ atthoch yorrtatyes yamha ñeñth kowentetsa Yomporekop? Ñaña anapanetpaꞌ ateth otanet: —Sapaꞌ amach es seprratamphsatsche acheñeneshaꞌ eꞌñe seꞌmoeñokma ñamha saꞌmethampeñoth eꞌñe seshkëñothpaꞌxhoꞌña amach es seprratamphsatsto eꞌñe atthotha. Ñamha ñeñth allpon tsaꞌtenset gobierneshothpaꞌ eꞌñepaꞌchña ñeñtha kowen sokshena.

San Lucas 3:14 Iomraidhean Croise

San Mateo 8:5

Allempoña xherr Jesús Capernaumopaꞌ allñapaꞌ wapoña poesheñarr solltar poꞌkaphtaner, ñeñthñapaꞌ romoꞌmarneshaꞌ ama judioneshayaye. Ñañapaꞌ atarr otareꞌtosan Jesús,

San Lucas 19:8

Zaqueoñapaꞌ allentha thomwerrpaꞌ ateth otapan Partseshaꞌ: —Theꞌpaꞌ oꞌch peꞌmhñotosen, Ayochreshathe. Ñeñth ora allpon nechyen, theꞌñapaꞌ oꞌch napaꞌyer poeshmet wokchañneshaxhno. Poꞌñoxh allempo es neprratampesyeseꞌth poesheñaꞌtetspaꞌ theꞌñapaꞌ paꞌtatsocheꞌtatschaꞌ napoerranet.

San Lucas 3:10

Allempoña acheñeneshaꞌpaꞌ aꞌphthoꞌtyeset Juan, ochet: —Ñewa, ¿esoꞌtña poktetsaña yokop atthoch eꞌñe yorrtatyes ñeñth kowentetsa Yomporekop?

San Lucas 3:13

Ñañapaꞌ anapanetpaꞌ ateth otanet: —Ñeñth allpon kelle ñeñth eꞌñe allpona enamoen gobiernopaꞌ eꞌñech allpona secobreñña acheñeneshaꞌ, amachña alloꞌna atarr aton secobraꞌneñe acheñeneshaꞌ kelle ñeñth eꞌñech sokpaꞌna.

Los Hechos 10:7

Ñeñtha otwapaꞌ oꞌ awerr. Awerrpaꞌ Cornelioñapaꞌ xhoreꞌtan epsheña ñeñth tarwasets eꞌñe alla pokollo, xhoreꞌtan ñamha poesheñarr poꞌsolltarer ñeñthpaꞌ aña poꞌtarwas penet atthoch kowampeñet poꞌcapitánret. Añpaꞌ ñeñth kowen kothapeꞌchets Partsokop ñamha.

Filipenses 2:15

Allochñapaꞌ ñerraꞌm ama ateth yepenopaꞌ eꞌñech kowen entyeney allowen acheñeneshaꞌ, amach eñalle atthoch eseshaꞌpaꞌ oꞌch eñosyenet yokop añoꞌ pokteyeꞌ es yephaꞌyeno, tharroꞌmar eꞌñech kowen es yokthapeꞌchyen atthoch yorrtaten ateth penaña ñeñth poꞌñoxh oꞌ poechemer per Yompor. Amach eñalle ñeñthchaꞌ aꞌsosyateneꞌ attho yokrrena eꞌñe kowen Yomporekop añe patsro. Eꞌñech kowen yorrtena acheñeneshakop amaꞌt ñeñth ama ameꞌñetso ñeñth atarr nanak sosey kothapeꞌchenet. Kowenchaꞌ yorretyena ateth ñerraꞌmrratheꞌ rantoxhno ñeñth aꞌpoetareneꞌ chekmeteꞌ tsapo.

Filipenses 4:11

Ama xho es nemnapreteñotheyeꞌ notenso ateth, tharroꞌmar na theꞌpaꞌ oꞌ xhapona neyoxhro ñeñth ateth kowentetsa, ñeñthoꞌmarña theꞌpaꞌ oꞌ atthamha neyxha amaꞌt errothenoꞌtsenanapaꞌ tharraña atthachña xhokma nokshena neyoxhro.

Tito 2:3

Atthekmach peyxhach ñamha poꞌnmeneshaxhno koyaneshaꞌ ñetpaꞌ añepaꞌch orrtatyenet ñeñth eꞌñe pokteꞌ enten Parets ñamha amaꞌt allowen acheñeneshaꞌ. Amachña xhaña atomañethteneto, ñamha ñetpaꞌxhoꞌña amach orrareꞌtatsteto. Añña pokteꞌ oꞌch yexhachet pakmaneshaꞌ ñeñth kowen enten Yompor.

El Apocalipsis 12:10

Allempoña napaꞌ oꞌ alla neꞌmoerrerr poꞌpoñ ñoñets ñeñth atarr eꞌmorrtetsa womenk all Yompor poeꞌntaño. Ñeñth ñoñetspaꞌ ateth oten: —Theꞌñapaꞌ poꞌñoxh oꞌ xhap allempoch keshphaꞌwerra allowen acheñeneshaꞌ ñeñth poeyochreshaꞌ pen Yompor, tharroꞌmar oꞌch alla oꞌpaterrana poꞌwamenk eꞌñe poktakma oꞌch alla amhchaꞌtarethterra ñapoeth epoet Poechemer ñeñth Cristo ñeñth nen ña ñeñthchaꞌ amhchaꞌtarethtapretenaya. Añ oneñeth ñeñth xhokma attha tomaꞌtampesyeneꞌ masheñneshaxhno all Yomporesho yetho amaꞌt ñamha tsapomeꞌtets ñeñthñapaꞌ oꞌ awaporeꞌtarethta.