San Lucas 24:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Eꞌñe poebensareꞌtampeñothanetpaꞌ allñapaꞌ aꞌtenocheꞌ poeꞌntaño oꞌ sowanenanña poeyochreshaxhno.

San Lucas 24:51 Iomraidhean Croise

San Marcos 16:19

Oꞌña ateth otwanerranet Partseshaꞌ Jesúspaꞌ allentha aꞌtapater Pompor poeꞌntaño, allñapaꞌ anorrwen eꞌñe Pompor poꞌkowenroth, all partsotapretwera.

San Lucas 24:50

Allempoña Jesús err Jerusaléñoth, awanerran poeyochreshaxhno aꞌyo anetso Betanio. Allñapaꞌ echantosan potpaꞌ bensareꞌtampesyesosanet.

San Lucas 24:52

Ñetña allempo ateth entapoeret Jesús awerr poeꞌntañopaꞌ paꞌyeꞌchoxhtateñeshaꞌ maꞌyochnerretpaꞌ awanerret Jerusaléño eꞌñe poksheñeshokmañenet.

San Juan 20:17

Jesúspaꞌ ateth otererr: —Amach xha perrmatsetno, napaꞌ ama naꞌtenaꞌ Apoesho. Arrña orraph masheñneshesho oꞌch photenanetaꞌ napaꞌ oꞌch naꞌterr Nomporesho ñeñth Neyomporer nepen ñeñthara ñeñth Seyomporer sepen samha.

Los Hechos 1:9

Ñeñtha otwanenanetpaꞌ allempoñapaꞌ aꞌtenochayoꞌ enoneth. Añña poeyochreshaꞌ pokwanrrorteñothetpaꞌ oꞌ maꞌnatena oso. Oꞌwañ orrta, amaꞌt mamesha.

Hebreos 1:3

Ñeñthara Cristo attho atarr kowentena ña paꞌtsnomoeñoth, ñeñthpaꞌ Pomporña orrtaten poꞌpartsoña. Ñeñth ateth kowen orrtatyen ñapaꞌ, Pomporpaꞌxhoꞌña eꞌñe parro atthekmoet. Ñapaꞌ eꞌñe poꞌñoñotha orrtatwan ora esokmañen ñeñth allpon paꞌnamen eñall tharroꞌmar ña poꞌñoñpaꞌ atarr womenk. Ñeñthara ñeñth rromats atthoch eꞌñe eꞌshampeswerrey yoꞌchñar. Allempoña oꞌ orrtatwan attho eꞌshamperrey yoꞌchñar allempoñapaꞌ oꞌ alla anorrwerr Pompor Parets poꞌkowenroth allña atarr partsotapretwerrana Pompor poꞌkonaño eꞌñe all poeꞌntaño.

Hebreos 4:14

Ñewa, yeñoteñ eñall ñeñth Yekorneshar yepen ñeñth atarr Partseshatets, ñeñthpaꞌ ñeñthara Jesús ñeñth Yompor Poechemer. Ñañapaꞌ oꞌ alla xherr allowanen poeꞌntaño eꞌñe all Pomporesho, allña eꞌñe kowen aꞌpoktatennay yokop. Ñeñthoꞌmarña yapaꞌxhoꞌña alloꞌnepaꞌch yeyemoetneña. Amoepaꞌchña yekexhpatstere.