San Lucas 24:48 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁸ Jesúsñapaꞌ ateth oterraneterr: —Theꞌña sapaꞌ oꞌch saꞌpotherrnan ora ñeñth allpon ateth sentyesneꞌth amaꞌt themeꞌttsen.

San Lucas 24:48 Iomraidhean Croise

San Juan 15:27

Sapaꞌxhoꞌña saꞌpothanchaꞌ tharroꞌmar eꞌñe allempotheñ nethorrosa, sapaꞌ eꞌñe allempotheñ parroꞌtseney.

Los Hechos 1:8

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Los Hechos 10:39

Alla oterraneterr Pedro: —Yapaꞌ oꞌ yentwoñ ora allpon ateth phaꞌyeseꞌth all yexhena judioneshaꞌ ñamha all Jerusaléño. Yapaꞌ oꞌ yentwe ñeñthoꞌmarña theꞌpaꞌ oꞌ yaꞌpothoñ ñeñth ateth phaꞌyeseꞌth. Allothñapaꞌ oꞌ korsoꞌtamphset tsacho, attho moetset.

Los Hechos 10:41

Tharraña ama allowenakpayeꞌ orrterro, eꞌñe yañeñakpa ñeñthey naꞌ Yompor oꞌch yaꞌpothoñ ñeñth ateth peꞌth Jesús. Allempoña tanterrapaꞌ yapaꞌ yerrallmeꞌchapretwer ñamha yorrwerr koñeꞌthaꞌtets parro.

Los Hechos 13:31

Allempoña tantaterpaꞌ allponmat orrtameꞌtnerrana ñeñth ñanom kothaꞌnmoeꞌ Galileoth allempo on Jerusaléño. Theꞌpaꞌ ñetpaꞌ oꞌ aꞌpothoñet attho tanterra Jesús, oꞌ aꞌpothoñet allowen acheñeneshesho.

Los Hechos 2:32

Theꞌña yapaꞌ oꞌ yeñch Yomporpaꞌ oꞌ tantaterran Poechemer Jesús.

Los Hechos 22:15

Theꞌpaꞌ ñeñthpaꞌ atethchaꞌ pepha, oꞌch phaꞌpothoñ Jesús poꞌñoñ errakmañen ñeñth ateth oꞌ pentwa ñamha ñeñth ateth oꞌ peꞌmwa.

Los Hechos 3:15

Ñañapaꞌ xhaña semtsach ñeñth alloch eꞌñe yokrra. Tharraña amaꞌt moetsetañpaꞌ añña Pomporpaꞌ oꞌ alla tantater. Tharroꞌmar yapaꞌ yeñoteñ yapaꞌ yenter amaꞌt allempo tantwerra.

Los Hechos 4:33

Jesús poellsensarneshaꞌpaꞌ eꞌñe poꞌwamenkokmañen aꞌpothoñeteꞌth attho tanterra Yepartseshar Jesús. Yomporpaꞌ nanak moeraneteꞌth, ñamha nanak awamenkath phaneteꞌth.

Los Hechos 5:32

Ñeñthoꞌmarña theꞌña yapaꞌ yaꞌpotheññañ ateth pena Yompor. Yompor Poekamkëñpaꞌxhoꞌña ñeñth eñotatets. Ñeñthara Poekamkëñ ñeñth nennay yeyoxhro, alloweney ñeñthey ameꞌñenaya ña. Añpaꞌ allowa ateth otanet Pedro.

1 San Pedro 5:1

Theꞌpaꞌ oꞌch notas samha ñeñthes pompor pen ñeñth ameꞌñetsa sesho. Napaꞌxhoꞌña nach pompor pen ñeñth ameꞌñetsa nesho. Napaꞌ neñcheꞌth ateth moeroxhteꞌth Cristo. Tharraña ñerraꞌm esempo werra poꞌkowenñopaꞌ yapaꞌ oꞌch yekowentapretera yamha.