San Lucas 24:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Lucas 24:44 Iomraidhean Croise

San Mateo 1:22

Ñeñthpaꞌ tharroꞌmar ateth pha atthoch etsota ñeñth ateth eñoranaꞌtaneꞌth Isaías ñeñth aꞌmhtaweteꞌth Yompor poꞌñoñ, ñeñthpaꞌ ateth oteꞌth:

San Mateo 16:21

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñapaꞌ moeroxhtateretchaꞌ; oꞌch awoꞌ Jerusaléño allñapaꞌ allchaꞌ moeroxhtateret. Añchaꞌ errotwanen perreꞌ ñeñth pomporneshaꞌ pen allowen judioneshaꞌ ñamha ñeñth paꞌmhchaꞌtaretherneshaꞌ pen allowen poꞌkornaneshar ñamha ñeñth atarr etsotayenayeñ ñoñets ñeñth ateth anareth judioneshakop. Allñapaꞌ allchaꞌ moetsatateret tharraña poemaꞌpamtañoña Pomporpaꞌ oꞌch alla tantater.

San Mateo 26:54

tharraña ñerraꞌm ateth nephapaꞌ amatheꞌ errothenoth etsotoña ñeñth ateth anwareth Yompor poꞌñoño nokop. Allña oten ñeñthpaꞌ atethchaꞌkaꞌye perra.

San Mateo 26:56

Amaꞌtpaꞌ atthepaꞌkaꞌye perra allochñapaꞌ atthoch eꞌñe etsotwerra ñeñth allpon kellkaꞌyeseꞌth nokop ñeñth aꞌmhtaꞌyesayeꞌth Yompor poꞌñoñ. Allempoña allowen poeyochreshaꞌpaꞌ allorokma aꞌypoꞌñaꞌwanmet, ñetñapaꞌ yetrraꞌtwet.

San Marcos 9:31

tharroꞌmar ñapaꞌ moeneñ oꞌch yexhatnoman poeyochreshaꞌ. Ñeñthpaꞌ ateth otnomanet: —Na Ñeñthen Acheñetosetspaꞌ pomataterrnetchaꞌ atthochña errothwanenchaꞌ perrnet. Attheñapaꞌ oꞌch moetsataterrnet tharraña pomaꞌpamtañoñapaꞌ oꞌch alla netanterra.

San Lucas 21:22

Tharroꞌmar allempopaꞌ Yomporchaꞌña tsaꞌtaterrayaña allowen israelenaꞌtarneshaꞌ, tharroꞌmar allempopaꞌ oꞌch eꞌñe etsoterra ora allpon ñeñth ateth anwarethtatseꞌth atethchaꞌ perra allempo.

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Lucas 24:46

Jesúsñapaꞌ alla oterraneterr: —Poꞌñoxhpaꞌ allowen ñoñets ñeñth akellkaꞌyesareth atethkaꞌye oten ñeñthchaꞌ Cristotosetspaꞌ xhokmach poꞌñoxh rromos, tharraña pomaꞌpamtañoñapaꞌ oꞌch alla tanterra.

San Lucas 9:22

Elloñapaꞌ alla oterraneterr: —Napaꞌ Ñeñthen Acheñetosets, ateth anareth nokop, nanakchaꞌ naꞌmoeroxhtatarethterra. Amach eseshaꞌ pokteyeꞌ nenterraye —amaꞌt ñeñth pomporneshaꞌ pen allowen judioneshaꞌ, amaꞌt ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, amaꞌt ñamha ñeñth etsotayenayeñ ñoñets ñeñth ateth anareth judioneshakop. Amaꞌt ñetpaꞌ amach eseshayeꞌ neyemterraye. Atthachña napaꞌ moetsataterrnetchaꞌ. Tharraña pomaꞌpamtañopaꞌ oꞌch alla tantaterren Nompor.

San Lucas 9:44

—Theꞌpaꞌ seꞌmhñoten eꞌñe kowen, amach sepsatsterrnano neñoñ ñeñth ateth notenes theꞌ. Na Ñeñthen Acheñetosetspaꞌ pomataterrnetchaꞌ atthochña errothwanenchaꞌ perrnet.

San Juan 3:14

Ñewa, awath Moiséspaꞌ yexhkatan ñeñth atmaꞌntatareth shecheph all amayo, ñeñthñapaꞌ wankëꞌ tsachopaꞌ oꞌ echantampes enoneth. Attho Moisés echantamphsan shecheph all amayopaꞌ, napaꞌxhoꞌña ñeñth poktetsa nokop atethchaꞌ perrnet namha, korsochothchaꞌ echantamphsarethen.

San Juan 5:39

Sapaꞌ añchaꞌ sethorraꞌyesa Yompor poꞌñoñ ñeñth ateth anwareth awathotheñ tharroꞌmar sapaꞌ xhatheꞌ sotenapañ eꞌñe ñoñtsochayothapaꞌ sapaꞌ korretsasatheꞌ errponowañen. Tharraña Yompor poꞌñoñ ñeñth anwareth awathotheñ ñeñthpaꞌ nakaꞌyeña aꞌpotheꞌth.

San Juan 5:46

Ñerraꞌm poꞌñoxh sameꞌñeñañ Moiséspaꞌ napaꞌxhoꞌña sameꞌñennañchaꞌ tharroꞌmar ñapaꞌ nokopkaꞌye kellkonas.

Los Hechos 13:33

theꞌñapaꞌ oꞌxhoꞌ etsota yokop ñeñthey yatañneshañ poꞌmhrenñey. Oꞌ etsota poꞌñoñ allempo tantaterran Poechemer Jesús, tharroꞌmar ateth oteney ñeñth Salmos 2, ateth Yompor otan Poechemer: “Phapaꞌ Nechemereph, theꞌñapaꞌ oꞌch neñotach acheñeneshaꞌ poꞌñoxh phapaꞌ Nechemer nepeneph.”

Los Hechos 13:40

Alla oterrerr Pablo: —Theꞌpaꞌ sekwach, oꞌch sokthapeꞌch kowen theꞌt waponasa ñeñth ateth oteꞌth ñeñth aꞌmhtayeꞌth awath Yompor poꞌñoñ. Ateth oteteꞌth awath:

Los Hechos 2:27

Napaꞌ neñoteñ amach aꞌypoꞌñono nekamkëñ alla oꞌpono. Nomporpaꞌ amach moeno oꞌch poetsowa alla nechets tharroꞌmar ñapaꞌ entenen eꞌñe kowenareꞌ es nepen ñokop.

Los Hechos 3:18

Tharraña ñeñth ateth sephowa theꞌpaꞌ oꞌ etsoterra Yompor poꞌñoñ. Tharroꞌmar allowen ñeñth aꞌmhtayeꞌth Yompor poꞌñoñpaꞌ atthekma oteteꞌth, ñeñthchaꞌ Cristotats Partsokoppaꞌ moeroxhtachetchaꞌ esempo. Ñeñthoꞌmarña theꞌpaꞌ oꞌ etsota Yompor poꞌñoñ ñeñth akellkareth.

Los Hechos 7:37

Añ ñeñthara Moisés awathpaꞌ oꞌ otan israelneshaꞌ ateth: “Yomporpaꞌ orrtaterrnaschaꞌ poesheñarr ñeñthchaꞌ aꞌmhterreꞌ Parets poꞌñoñ, ñeñthara ñeñth eꞌñe samoꞌts sepen eꞌñech atthekma orrtaterr eꞌñe ateth orrtatenen namha. Ñeñthchaꞌña xhokma seꞌmhñoterrña sa.”

Hebreos 10:1

Ñeñthoꞌmarña yeñoteñ Moisés poꞌñoñ ñeñth ateth anareth awath judioneshakop, ñeñthpaꞌ ama eꞌñeyeꞌ kowenteno ñeñth ateth kowentena theꞌ ñeñth orrtatosnay Cristo. Añ ñoñets ñeñth ateth anareth awath ñeñthpaꞌ aña tomaꞌntena ñeñthchaꞌ eꞌñe poꞌñoxh kowenetwerrtsa ñeñthchaꞌ orrterrtsa tsapathoneth. Ñeñthoꞌmarña añ ñoñets ñeñth ateth anareth awath ñeñthpaꞌ amach errothenoth aꞌkowentatanoña acheñeneshaꞌ amaꞌt poesheñarra ñeñth moenenayeñ oꞌch yemtenanañ Yompor. Amaꞌt xhokma moetsaꞌyesetañeꞌth eyarraxhno poꞌchñarekop eꞌñe ateth oteneñ añ ñoñets ñeñth ateth anareth, ñeñthpaꞌ amach errothenoth eꞌñe aꞌkowentatanoña acheñeneshaꞌ. Amaꞌt patheꞌtets char xhokma moetsaꞌyesetañeꞌth ñeñth Yomporekop, ñeñthpaꞌ ama eꞌñeyeꞌ aꞌkowentataneꞌtheña acheñeneshaꞌ Yomporekop amaꞌt poesheñarra ñeñth moenenayeñ oꞌch yemtenanañ Yompor.

Hebreos 3:5

Añña Moiséspaꞌ eꞌñe kowen etsotan ñeñth ateth yechya Yompor; ñeñthpaꞌ oꞌch es eñotatyesan acheñeneshaꞌ tharraña ñeñthpaꞌ tomaꞌnteñtsa. Tsapathonethña Yomporpaꞌ oꞌch eñotaterranet ñeñth eꞌñe eñotoxhen. Amaꞌt eꞌñe kowen etsotenaneñ Moisés allowenakop ñeñth paꞌpakëll pen Yompor allempo, tharraña ñeñth attho sherbenan Yompor paꞌpakllopaꞌ ñapaꞌ attha poeñañra peñ Yompor. Amaña Poechemereyeꞌña peñe.

Hebreos 7:1

Ñewa, theꞌpaꞌ oꞌch alla neyerpaterrsa ñeñth ateth peꞌth ñeñth korneshatatseꞌth awath ñeñthpaꞌ añ paꞌsoꞌcheñ Melquisedec. Ñapaꞌ ñeñth korneshatatseꞌth Partsokop ñeñth atarr partsotets. Ñamha ñapaꞌ ñeñth amhchaꞌtarethtatseꞌth all anetso ñeñth paꞌsoꞌcheñ Salem. Allempopaꞌ korrena ñamha yatañ Abraham. Parrochña Abrahampaꞌ awoꞌ allchaꞌ kellarenanaꞌ poꞌpotantañexhno ñeñth amhchaꞌtarethetyetsa alloꞌmar. Eꞌñe aꞌmchechwawenanetaꞌpaꞌ werra. Allempo err, thoñopaꞌ all poktapoeñ korneshaꞌ Melquisedec. Allña pokteñpaꞌ allentha bensareꞌtamphsapoenan Abraham.

Hebreos 9:8

Amaꞌt ñeñth ñewapotheꞌtsen poerawaꞌ allekma sherbhaꞌyen kornaneshaxhno ñeñth ateth anareth Partsokop, tharraña eꞌñe allowanen Parets poꞌponro añach beꞌthets ñeñth nanak korneshatets eꞌñe ñapoeth. Ñeñthoꞌmarña theꞌpaꞌ Parets Poekamkëñña yeñotateneꞌ attho ama atoramphsaretheyayye allowenakpay atthoch yexhapampeña Yompor all partsoten.

1 San Pedro 1:11

Ñetpaꞌxhoꞌña eꞌñe Cristo Poekamkëñña chorraweteꞌth ñeñthña eñotataweteꞌth oꞌch orrterra ñeñthchaꞌ Cristoterrets arr patsro. Oꞌch xhap añe patsropaꞌ elloñapaꞌ oꞌch moeroxhtateret. Oꞌch amoeroxhtatarethetwapaꞌ allempochña orrtaterranña poꞌkowenña. Tharraña ñeñth aꞌmhtaꞌyesayeꞌth Yompor poꞌñoñ awathpaꞌ oꞌ alla aꞌphthoꞌtannaꞌtyerreterr, taꞌ, ¿eseshaꞌchña Cristoterrets? ¿Esempoꞌtchaꞌña orrterra?

El Apocalipsis 19:10

Nañapaꞌ nekonkorposa mellañotheñ paꞌrrpho ñeñth neserrpareꞌtateneꞌ oꞌch nemaꞌyochyañ, tharraña ñapaꞌ ateth oten: —Napaꞌ amach pemaꞌyochatsetno, napaꞌ añana ñeñthen pethorrapretenaya Yomporekop ñamha allowen pemoꞌnasheñneshaxhno ñeñth serrpareꞌteneꞌ attho ameꞌñeñet Jesús. Phapaꞌ añchaꞌña pemaꞌyocha Yompor ñapoeth. Tharroꞌmar allowen ñeñth aꞌmhteneꞌ Yompor poꞌñoñ, eꞌñe ña Poekamkëñothpaꞌ añ serrpareꞌtenet ñeñth attho yameꞌñeña Jesús.