San Lucas 24:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Ñetñapaꞌ attha kowanrrortapoeñet. Amaꞌt atarr koshapoeñetañpaꞌ amaña eꞌñeyeꞌ ameꞌñapoeñeto ñatoꞌ poꞌñoxhtheꞌ Jesús. Attha echarrtatenet poeyoxher tharraña Jesúsñapaꞌ ateth oterraneterr: —¿Arrpaꞌ amaꞌt secheno amaꞌt koñeꞌtha rreñets?

San Lucas 24:41 Iomraidhean Croise

San Marcos 16:11

Ñetña allempo eꞌmareꞌchet oꞌ tanterra Jesús, Maríapaꞌ oꞌkaꞌye enter, ñetñapaꞌ arepaꞌtchaꞌ ameꞌñyeto.

San Marcos 16:13

Ñetñapaꞌ allentha poerrerret oꞌch otweret poꞌpotantañ, arepaꞌtchaꞌña ameꞌñarethtapoerreto ñeñth ateth enteret ñamet Jesús.

San Marcos 16:14

Poꞌpocheño Jesúspaꞌ alla orrterranerr poeyochreshaꞌ xharrasheña ñeñth poechetsa patherr all rrallmeꞌchenet. Ñañapaꞌ ateth kothapeꞌchatwenanetpaꞌ ateth otwenanet: —Sapaꞌ esoꞌmareꞌtña ama sameꞌñeñoña poꞌpotantañ ñeñth soteneꞌ napaꞌ oꞌkaꞌye netanterra tharroꞌmar ñetpaꞌ xhokaꞌye enterrnet. Tharraña sapaꞌ amakaꞌye es sexhenoyo seyoxhro.

San Marcos 8:7

Apwanet panpaꞌ eñall ñamha patheꞌtets kakatholleshaꞌ. Jesúsñapaꞌ alla parasyosoꞌtamperranerr ñamha kakatholleshaꞌ allempoñapaꞌ oterranerr poeyochreshaꞌ: —Sepatyerraneterr ñamha kakatholleshaꞌ.

San Lucas 24:11

Tharraña Jesús poellsensarneshaꞌ allempo serrpareꞌtatosanet koyaneshaxhno ñeñth ateth entwaꞌmoenet, ñetñapaꞌ amaꞌt mameshapaꞌ ama ameꞌñyetoña koyaneshaxhno, xha otenapoetañ atthatheꞌ otatseꞌtyen koyaneshaxhno.

San Lucas 24:40

Allempoñapaꞌ gatwenanet pot ñamha paꞌtak.

San Lucas 24:42

Ñetñapaꞌ aña apapoeñet pashepharr kak achmareth ñamha pets pokoyemh all nenan poꞌmoñ.

San Juan 16:22

Jesúsña alla oterranerr poeyochreshaꞌ: —Theꞌña sapaꞌ nanak llekëñtsoꞌtsenes, tharraña elloñapaꞌ oꞌch alla yentannerra. Allempoña sapaꞌ oꞌch alla atarr soksherra seyoxhro. Ñeñthña soksheñapaꞌ amaꞌt eꞌñe poesheñarra amach errothenoth poerratamperrseto.

San Juan 21:5

Jesúsñapaꞌ ateth otosanet: —Neyochreneshachaꞌ ¿amaꞌt eñalleña sekakar ñeñthchaꞌ serraꞌmoen? —Ñetñapaꞌ ateth ochet: —Amakaꞌye eñalle.

Los Hechos 12:14

Wapapaꞌ oꞌ chemeꞌtan Pedro poꞌñoñ. Poksheñeshaꞌ materra oꞌpono oꞌch oterranaꞌ acheñeneshaꞌ ñeñth oꞌponoꞌtsaꞌyen. Tharraña ama toramphsano Pedro. Xherr oꞌponopaꞌ ateth otanet: —Pedrepaꞌt oꞌ wena, alloꞌtsena aꞌyoth.