San Lucas 24:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Allempoñapaꞌ gatwenanet pot ñamha paꞌtak.

San Lucas 24:40 Iomraidhean Croise

San Lucas 24:39

Theꞌpaꞌ oꞌch sekwapoennan not amaꞌt ñamha netak atthoch eꞌñe señotapoerren nakaꞌye. Saꞌphllapoennan nechets, sekwaꞌyesapoennan nechets allochñapaꞌ oꞌch eꞌñe señotapoenen. Napaꞌ ñeñthen echtsothen, choyesheꞌmatspaꞌ amakaꞌyeña echtsotheyayeto ñamha amakaꞌye anpatheyaye ateth oꞌ sentapoenen napaꞌ echtsothenkaꞌye ñamha anpathenkaꞌye.

San Lucas 24:41

Ñetñapaꞌ attha kowanrrortapoeñet. Amaꞌt atarr koshapoeñetañpaꞌ amaña eꞌñeyeꞌ ameꞌñapoeñeto ñatoꞌ poꞌñoxhtheꞌ Jesús. Attha echarrtatenet poeyoxher tharraña Jesúsñapaꞌ ateth oterraneterr: —¿Arrpaꞌ amaꞌt secheno amaꞌt koñeꞌtha rreñets?

San Juan 20:20

Allempoña ateth otwenanetpaꞌ gatyeswenanet pot ñamha all enareth poephoto. Poeyochreshaꞌña atarr nanak koshapoeñet allempo entapoeñet Poꞌpartsesharet.

San Juan 20:27

Allempoñapaꞌ ateth otwenan Tomás: —Pekwon not all pataꞌnet, phaꞌphlleꞌkaꞌye. Phaꞌphllaꞌn ñamha nephototh all enanet. Amachña xha peꞌcharrtatatsto peyoxher xhoña phameꞌña.