San Lucas 24:30 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁰ Allempoña anorrxhaꞌtoset allchaꞌ rrallmeꞌchoset. Jesúsñapaꞌ chetosan pan, parasyosoꞌtamphsosan pan, shotaꞌtospaꞌ apaꞌyesosanet.

San Lucas 24:30 Iomraidhean Croise

San Mateo 14:19

Allempoñapaꞌ otan acheñeneshaꞌ: —Theꞌpaꞌ oꞌch sanorrxhaꞌtyes eꞌñe all kowen emmoꞌratyen pasetmaꞌ. Allempoña agapan ñeñth amnar pan ñamha epatholl kak, oꞌ kowaꞌ enoneth, parasyosoꞌtamphsan pan allothñapaꞌ shotaꞌtan pan, apanatyesan poeyochreshaꞌ. Ñetñapaꞌ oꞌ epatyeset allowen acheñeneshaꞌ.

San Mateo 15:36

Allñapaꞌ agapan ñeñth kanxherr pan ñamha kakatholleshaꞌ. Agapwepaꞌ oꞌ parasyosoꞌtenanerr Pompor allothñapaꞌ oꞌ shotaꞌtan pan, shetseꞌtan ñamha kak, apanatyesan poeyochreshaꞌ. Ñetñapaꞌ oꞌ epatyeset ñamet allowen acheñeneshaꞌ eꞌñe epaꞌwet.

San Mateo 26:26

All rrallmeꞌchenet, Jesúsñapaꞌ chetan pan parasyosoꞌtan Pompor. Parasyosoꞌtwepaꞌ shotaꞌtan panpaꞌ apaꞌyesan poeyochreshaꞌ. Ñeñthpaꞌ ateth otanet: —Sagapyes oꞌch serreꞌ añmapaꞌ ñeñthchaꞌña nechets sepen.

San Marcos 14:22

All rrallmeꞌchenet, Jesúsñapaꞌ chetan pan parasyosoꞌtan Yompor. Parasyosoꞌtwepaꞌ shotaꞌtan panpaꞌ apaꞌyesan poeyochreshaꞌ. Ñeñthpaꞌ ateth otanet: —Sagapyes, añmapaꞌ ñeñthchaꞌña nechets sepen.

San Marcos 6:41

Allempoña Jesúspaꞌ agapan ñeñth amnar pan ñamha epatholl kak, kowaꞌ enoneth parasyosoꞌtamphsan pan. Allempoñapaꞌ shotaꞌtan panpaꞌ apanatyesan poeyochreshaꞌ, ñetñapaꞌ epatyeset allowen acheñeneshaꞌ ñeñth anorrxhaꞌtyets all, eꞌñe epaꞌwet. Ñamha shetseꞌtan kak atthoch epatyesanet allowenet.

San Marcos 8:6

Allempoñapaꞌ otan acheñeneshaꞌ: —Theꞌpaꞌ sanorrxhaꞌtyes patso. Allñapaꞌ agapan ñeñth kanxherr pan. Agapwepaꞌ oꞌ parasyosoꞌtenanerr Pompor allothñapaꞌ oꞌ shotaꞌtan pan, apanatyesan poeyochreshaꞌ. Ñetñapaꞌ oꞌ epatyeset ñamet allowen acheñeneshaꞌ eꞌñe epaꞌwet.

San Lucas 22:19

Allempoñapaꞌ cheterranerr ñamha pan, parasyosoꞌterranerr pompor. Chetan panpaꞌ shotaꞌch. Shotatwepaꞌ apaꞌyesan poeyochreshaꞌ ñeñthpaꞌ ateth otanet: —Añpaꞌ ñeñthchaꞌ nechets sepen ñeñthchaꞌ eꞌñe nepom atthoch eꞌñe nerroma sokop. Ñerraꞌm esempoch serren añ pan eꞌñech seyerpoeñothen na oꞌch serreñ.

San Lucas 24:29

Ñetña alla poepateñothetpaꞌ ateth ochet: —Allachkaꞌye yexhap arr parro oꞌkaꞌye tsapoenmoch. Allempoña Jesúspaꞌ beꞌthosos allchaꞌ xhapoet.

San Lucas 24:35

Allempoña ñetpaꞌ serrpareꞌtweret ñeñth ateth enteret thoño ñamha all shotaꞌtosan pan, atthoña ñetpaꞌ allña eꞌñe chemeꞌtosetña Jesús.

San Lucas 9:16

Allempoña Jesúspaꞌ agapan ñeñth amnar pan ñamha epatholl kak, kowaꞌ enoneth parasyosoꞌtamphsan pan. Allempoñapaꞌ shotaꞌtan pan, shetseꞌtan ñamha kak. Apanatyesan poeyochreshaꞌ, ñetñapaꞌ epatyeset allowen acheñeneshaꞌ ñeñth anorrxhaꞌtyets all.

San Juan 6:11

Jesúsñapaꞌ chetan panpaꞌ parasyosoꞌtampes, allempoñapaꞌ apan poeyochreshaꞌ. Poeyochreshaꞌñapaꞌ epatyeset allowen acheñeneshaꞌ ñeñth anorrxhets all. Atthekma pha allempo apaꞌyesanet ñamha kak. Allowenetpaꞌ eꞌñe agapwawet ñeñth allpon moenaꞌyeset.

Los Hechos 2:42

Allempotheñ ñeñth ameꞌñatsapaꞌ eꞌñe maꞌyoxhrenet ateth yexhataneteꞌth Jesús poellsensar. Nanak kowen entannaꞌteteꞌth allekma apxheteꞌth parro. Poeyerpoeñothet Jesús oꞌ tomaꞌntatet pan ateth ñerraꞌm Jesús poꞌchets. Nanak maꞌyocheteꞌth eꞌñe parro.

Los Hechos 2:46

Patheꞌtets yethpaꞌ oꞌch awanenet eꞌñe parro Parets paꞌpakllo. Errothenopaꞌ poeyerpoeñothet Jesús oꞌch tomaꞌntacheteꞌth pan ateth ñerraꞌm Jesús poꞌchets. Ñamha xhokmach rrallmeꞌchapretannaꞌteteꞌth paꞌpaklleto. Eꞌñe poksheñeshet poeyoxhretopaꞌ xhokmach rrallmeꞌcheteꞌth. Allempopaꞌ nanak amoerañterret.

Los Hechos 27:35

Ñeñtha otwanet oꞌ chetan panpaꞌ oꞌ maꞌyocha eꞌñe alla all shontena acheñeneshaꞌ. Allothpaꞌ shotan panpaꞌ oꞌ rreꞌ.