San Lucas 24:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Amaꞌt señoteñeña ñeñthchaꞌ Cristotatspaꞌ atethkaꞌye anarethña ñokop ñapaꞌ atarrchaꞌkaꞌye amoeroxhtatarethetwanena xhoch rromats. Elloñapaꞌ oꞌch alla xherr esempo allempochña eꞌñe kowen aꞌkowentatarethterra.

San Lucas 24:26 Iomraidhean Croise

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Lucas 24:46

Jesúsñapaꞌ alla oterraneterr: —Poꞌñoxhpaꞌ allowen ñoñets ñeñth akellkaꞌyesareth atethkaꞌye oten ñeñthchaꞌ Cristotosetspaꞌ xhokmach poꞌñoxh rromos, tharraña pomaꞌpamtañoñapaꞌ oꞌch alla tanterra.

San Lucas 24:7

Ñeñthpaꞌ atethkaꞌye otaseꞌth ñapaꞌ ña Ñeñth Acheñetosets xhokmach pomoeret atthoch errothwanen per poꞌpoñ acheñ ñeñth atarr ochñatheneshaꞌ atthoch korsoꞌtamperet, tharraña pomaꞌpamtañoñapaꞌ xhokmach tanterra.

San Juan 2:22

Ñewa, xhap allempo moetseret Jesús allempoña tanterrapaꞌ poeyochreshaxhnoñapaꞌ allentha yerpoerret ñeñth ateth oteꞌth Jesús allempo. Ñeñthoꞌmarña allempo Jesús poeyochreshaxhnopaꞌ atarr yemterrñañet Yompor poꞌñoñ ñeñth anwareth awathotheñ, amaꞌt ñamha Jesús poꞌñoñ atarr ameꞌñeret.

San Juan 20:9

Tharroꞌmar ñet allempopaꞌ ama xhenanetoña ñeñth ateth anwareth awathotheñ Jesúsokop all oten Jesúspaꞌ xhokmach tanterra poꞌrromñoth.

Los Hechos 17:3

Allpaꞌ añ yexhatanet ateth anarethta ñeñthchaꞌ Cristotats ñerraꞌm esempoch wapa añ patsropaꞌ nanakchaꞌ moeroxhtachet. Tharraña oꞌch moeroxhtatwetpaꞌ elloch alla tanterra amaꞌtchaꞌ rroma. Ateth otanet: —Theꞌñapaꞌ oꞌch notas, añ Jesús ñeñthara ñeñth oꞌ neserrpareꞌtatwaspaꞌ ñeñthña Cristotets.

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.

1 San Pedro 1:11

Ñetpaꞌxhoꞌña eꞌñe Cristo Poekamkëñña chorraweteꞌth ñeñthña eñotataweteꞌth oꞌch orrterra ñeñthchaꞌ Cristoterrets arr patsro. Oꞌch xhap añe patsropaꞌ elloñapaꞌ oꞌch moeroxhtateret. Oꞌch amoeroxhtatarethetwapaꞌ allempochña orrtaterranña poꞌkowenña. Tharraña ñeñth aꞌmhtaꞌyesayeꞌth Yompor poꞌñoñ awathpaꞌ oꞌ alla aꞌphthoꞌtannaꞌtyerreterr, taꞌ, ¿eseshaꞌchña Cristoterrets? ¿Esempoꞌtchaꞌña orrterra?

1 San Pedro 1:3

Theꞌñapaꞌ ayeꞌchoxhtaterrapoꞌch Yompor Parets ñeñth Yepartseshar Jesucristo Pompor ñeñthara ñeñth Poꞌyomporer pen, tharroꞌmar oꞌ yeꞌñalleterra etserra eꞌñe ña nanak poemoereñothey. Allempotheñña ya eꞌñe yeyemteñoth ña xhokmach yekwameꞌteñ esempowañen tharrempowa allempoch ama yaꞌrromñathterro. Attho Jesucristopaꞌ oꞌ tanterra, ñeñthoꞌmarña yapaꞌxhoꞌña yekwen yamha atthoch amach yaꞌrromñathterro.