San Lucas 24:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Tharraña yaꞌmhchaꞌtaretherneshaꞌ ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetñapaꞌ oꞌ pomoeret Jesús atthothkaꞌyeña oꞌ moetsatateret, ñeñthoꞌmarña oꞌ korsoꞌtamperet.

San Lucas 24:20 Iomraidhean Croise

San Mateo 23:33

‘Sapaꞌ ama kowenayayso atarr ashkarñathes, xha sottena ñerraꞌmrratheꞌ shechpha sompor sepen. Sapaꞌ errothenowachñakaꞌyeña sekeshperratheꞌ. Sapaꞌ añakaꞌye soꞌpatenaya koñcheñets ñeñth parrareꞌ tsoꞌ all oꞌpono.

San Mateo 27:20

Tharraña ñeñth paꞌmhchaꞌtaretherneshaꞌ pen judioneshaꞌ poꞌkornaneshar ñamha ñeñth pomporneshaꞌ pen allowen judioneshaꞌ ñetñapaꞌ aña atarr kothapeꞌchatenet acheñeneshaꞌ atthoch ñetpaꞌ allowenetpaꞌ oꞌch ochet Pilato: —Añchaꞌ phaꞌrroyerrnay Barrabás, Jesúsñapaꞌ pemtsatachepaꞌch.

San Marcos 15:1

Tsapath oꞌ thaya poetarenpaꞌ ñeñthña paꞌmhchaꞌtaretherneshaꞌ pen allowen judioneshaꞌ poꞌkornaneshar ñetñapaꞌ apxhaꞌmoeneterr parro epoet ñeñth pomporneshaꞌ pen allowen judioneshaꞌ ñamha añ ñeñth atarr etsotayenayeñ ñoñets ñeñth ateth anareth epoet ñamha poꞌpotantañ ñeñth poꞌtarwas peneꞌ oꞌch aꞌpoktatan ñoñets judioneshakop. Ñetñapaꞌ kothapeꞌchatannetset, atthoña oꞌ eꞌñe aꞌpoktataꞌmoeñet atethchaꞌ phaꞌmoeñet Jesús. Jesúsñapaꞌ oꞌ wankotaꞌtwet allempoñapaꞌ anmaꞌmoeñet alloꞌtsen amhchaꞌtareth Pilato (ñeñth nen gobiernoꞌ Romoth ñeñth amhchaꞌtarethtetsa alloꞌmarneshakop).

San Lucas 22:66

Tsapathña allempo poetarenpaꞌ apxhaꞌmoena allowen ñeñth pomporneshaꞌ pen judioneshaꞌ epoet ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar epoet ñamha ñeñth atarr etsotayenayeñ ñoñets ñeñth ateth anareth. All apxhaꞌmoena allowen judioneshaꞌ paꞌmhchaꞌtaretherneshaꞌ ñeñth aꞌpoktatyeneꞌ ñoñets, all anmaꞌmoeñetña Jesús. Allñapaꞌ aꞌphthoꞌtareꞌtapet, ateth otapet:

San Lucas 23:13

Allempoña Pilatopaꞌ alla apxhaterran ora allowen judioneshaꞌ paꞌmhchaꞌtaretherneshaꞌ ñeñth poꞌkornaneshar paꞌmhchaꞌtaretherneshaꞌ ñamha poꞌpotantañ judioneshaꞌ paꞌmhchaꞌtaretherneshaꞌ amaꞌt ñamha allowen acheñeneshaꞌ.

Los Hechos 2:23

Añña ñeñthara Jesús sañapaꞌ oꞌ sepomwer atthoch korsoꞌtamphset. Sañapaꞌ oꞌ saph poꞌpoñ acheñeneshaꞌ ñeñth athpareꞌteneꞌ Yompor atthoch ñetpaꞌ oꞌch moetset. Ateth oꞌ sephowa, Yomporpaꞌ awathotheñ eñotwaseꞌth atethchaꞌ sepha, tharroꞌmar ateth moeneꞌth ña.

1 Tesalonicenses 2:15

Ñeñthara judioneshaꞌ ñeñth moetseꞌ Yepartseshar Jesús ñamha ñet moetsanateteꞌth ñeñth aꞌmhtaꞌyesayeꞌth awath Yompor poꞌñoñ. Amaꞌt theꞌ yapaꞌxhoꞌña poeꞌmoñeꞌteñothetay oꞌ kothareꞌterryeterr yamha. Ñeñthoꞌmarña Yomporpaꞌ amaꞌt eꞌñe mameshapaꞌ ama kowenayeꞌ entenaneto tharroꞌmar ñetpaꞌ añeꞌna eꞌmoñeꞌtenet allowen paꞌnamen acheñeneshaꞌ.