San Lucas 23:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Atarr es aꞌphthoꞌtareꞌtapaneñña Jesús tharraña ñapaꞌ ama anapanoña Herodes amaꞌt eꞌñe parrocha.

San Lucas 23:9 Iomraidhean Croise

San Mateo 27:12

Ñeñth paꞌmhchaꞌtaretherneshaꞌ pen judioneshaꞌ poꞌkornaneshar ñamha ñeñth pomporneshaꞌ pen allowen judioneshaꞌ ñetña allpaꞌ atarr otteñeꞌchyesoset Jesús. Ñañapaꞌ amaꞌt mameshapaꞌ ama eñoreno, amaꞌt parrocha ama anapoenaneto ñeñth attho aꞌmethareꞌteñet.

San Mateo 27:14

Ñañapaꞌ ama anapoenaneto amaꞌt eꞌñe parrocha. Ñeñthoꞌmarña amhchaꞌtarethpaꞌ nanak kowanaꞌteñ. Ama eñoteñeto esoꞌmartheꞌ ama eñoreno ñokop.

San Mateo 7:6

Jesúspaꞌ ateth oterraneterr poꞌpoñ: —Ñeñth ama kexhpoenaye pachmhareñ ñamha pathpareñ amach alla seserrpareꞌtaterraneteꞌthe Parets poꞌkowenña. Tharroꞌmar ñetpaꞌ attha penet ñerraꞌmrratheꞌ ochek. Ñewa, ochek ñerraꞌm esempo amaꞌtchaꞌ atarr kowen yaphpaꞌ yaꞌnach rremaꞌpes xhach axhotaꞌteypaꞌ oꞌch shetsay. Ñamha amaꞌt ateth ñerraꞌm chañcho ñerraꞌm esempo es yenaꞌ ñesho amaꞌtchaꞌ atarr kowen yenten ya, yeser, chañchoñapaꞌ atthach athmamaꞌtamphsey tharroꞌmar chañchopaꞌ ama esoyeꞌ entenano amaꞌt ñeñth atarr kowen.

San Marcos 15:5

Jesúsñapaꞌ amaꞌt eꞌñe parrocha ama anapoenaneto. Ñeñthoꞌmarña Pilatopaꞌ xha atarr kowanaꞌtapan Jesús.

San Lucas 13:32

Jesúsñapaꞌ ateth otapanet: —Oꞌch awerrespaꞌ atethchaꞌ sotwer Herodes ñeñth atarr eñoteneꞌ shekëñets: “Theꞌpaꞌ oꞌch peñoch, napaꞌ attherach nekaxhpatateññañ acheñeneshaꞌ poꞌneñether ñamha attherach shonteꞌ naꞌkrratyes ñeñth atsnaꞌtyets. Ateth nepena theꞌ, tsapathonethpaꞌxhoꞌña atthekmach nepena, oꞌchña tsapathontherrerrpaꞌ oꞌch eꞌñe netsotatwe allowen.”

San Lucas 23:10

All thomxhaꞌtoset ñamha allowen amhchaꞌtarethneshaꞌ ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha alloꞌtsen ñeñth atarr etsotayenayeñ ñoñets, ñetña allpaꞌ otteñeꞌchwereterr Jesús all Herodesesho, paꞌnamen otyeswerreterr.

San Juan 19:9

Alla beꞌtherrerr pokollo ateth otwerranerr Jesús: —Phapaꞌ ¿erroꞌmarneshapeꞌtña pha? Jesúsñapaꞌ ama anape.

Los Hechos 8:32

Oꞌ aꞌtap Felipepaꞌ oꞌ kowos all lleyen. Añ lleyen Yompor poꞌñoño ñeñthpaꞌ añ ñoñets ñeñth kellkëꞌth Isaías: Atethchaꞌ pha ña ateth ñerraꞌm carnero. Ñewa, carneropaꞌ oꞌch yanemh allchaꞌ yemtsepaꞌ amach amaꞌtoxhto. Amapaꞌ ñerraꞌm yetsorroñ poeꞌchpaꞌ amach amaꞌtoxhto. Atethchaꞌ pha ña, amach es oto.

1 San Pedro 2:23

Amaꞌt allempo sasareꞌcheteꞌthpaꞌ ñapaꞌ amach ellopaꞌ sasareꞌterraneto ñamha. Amaꞌt allempo moeroxhtacheteꞌthpaꞌ ñapaꞌ amach ellopaꞌ oterraneto oꞌch nemoeroxhtaterres samha. Ñapaꞌ aña eꞌñe yemteꞌth Pompor, tharroꞌmar eñoteñ Pomporpaꞌ aꞌpoktaterrñañchaꞌ, tharroꞌmar ñapaꞌ ña eꞌñe pokteꞌ es pets.