San Lucas 23:46 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁶ Allempoña Jesúspaꞌ rrana. Poerranarothpaꞌ ateth ot: —Nomporchaꞌ theꞌpaꞌ oꞌ nepomoerra eꞌñe phokop eꞌñe nekamkëñowen. Eꞌñe ñeñtha otwapaꞌ oꞌ rroma.

San Lucas 23:46 Iomraidhean Croise

San Juan 19:30

Allempoña Jesúspaꞌ agapan chaseꞌ ñañapaꞌ ateth oterrerr: —Theꞌñapaꞌ oꞌ eꞌñe etsotwerra allowen ñeñth ateth anareth nokop. Allempoña oꞌ epapaꞌ xha rromats.

Los Hechos 7:59

Allempoñapaꞌ rrolleꞌchet. Rrolleꞌchetpaꞌ Estebanñapaꞌ oꞌ maꞌyochapaꞌ, ateth ot: —Nepartseshare Jesúso, phagaponchaꞌ nekamkëñ.

Hebreos 5:7

Allempo alloꞌtsenmeñ Cristo arr patsropaꞌ maꞌyochamphsa ñañeña. Maꞌyochamphsa eꞌñe womenk poellkëñeshaꞌ. Poeyaꞌchpeñeshaꞌ enaman Pompor ñeñth atarr awamenkatheshaꞌ atthoch aꞌkeshphach poerromoeñoth. Eꞌñe pomhchaꞌnaꞌteñothan Pomporpaꞌ ateth och: “Amach añeyeꞌ ateth pephatstono ñeñth nemnen na; añchaꞌña ateth pephon ñeñth pemnen pha.” Ñeñthoꞌmarña Pomporpaꞌ eꞌñe eꞌmhñoch.

1 San Pedro 2:23

Amaꞌt allempo sasareꞌcheteꞌthpaꞌ ñapaꞌ amach ellopaꞌ sasareꞌterraneto ñamha. Amaꞌt allempo moeroxhtacheteꞌthpaꞌ ñapaꞌ amach ellopaꞌ oterraneto oꞌch nemoeroxhtaterres samha. Ñapaꞌ aña eꞌñe yemteꞌth Pompor, tharroꞌmar eñoteñ Pomporpaꞌ aꞌpoktaterrñañchaꞌ, tharroꞌmar ñapaꞌ ña eꞌñe pokteꞌ es pets.