San Lucas 23:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Jesúsñapaꞌ ateth och: —Napaꞌ poꞌñoxhkaꞌye notaph, eꞌñe thayekma parroꞌtseneychaꞌ kosheñtso.

San Lucas 23:43 Iomraidhean Croise

San Lucas 19:10

Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Lucas 23:42

Allempoña ñapaꞌ ateth otan Jesús: —Napaꞌ peyerpaꞌwerrnoꞌthach allchaꞌ phaꞌmhchaꞌtarethetwerra.

San Juan 14:3

Ñerraꞌm oꞌch awerren napaꞌ naññoꞌtwerrnaschaꞌ allchaꞌ seyxhaꞌwerra. Ellochña nowerrerrpaꞌ allempochña eꞌñe nawerrsaꞌ nesho allochñapaꞌ alloꞌtseneychaꞌ eꞌñe parro.

San Juan 17:24

‘Apachaꞌ, allowen ñeñth peyochreshaꞌtatenna na, napaꞌ añ nemnen erroꞌtsenenchaꞌ ñetpaꞌxhoꞌña alloꞌtsenakmayepaꞌchña eꞌñe parro. Allochñapaꞌ atthoch enterrnanet nekowenña allo oꞌ alla pekowentaterren na, tharroꞌmar phapaꞌ pemorrentenna allempotheñ ama ayexhkatarethtenaꞌ añ patser.

2 Corintios 5:8

Eꞌñe yeyemteñoth Yompor xhokmach yekwen ñeñthchaꞌ ateth perrnay ña. Ñamha yapaꞌ añ atarr kowen yenten oꞌch wañ attho yokrrena arr patsro, oꞌch yesaꞌnom yechets ñeñth yepakëll yepen arr atthoch yexhap allchaꞌ yokrraꞌwerra Yepartsesharesho.

Filipenses 1:23

Ñeñth nanak thorrapoꞌ nenten oꞌch notas ñeñth atarr kowen nenten, ñatoꞌ oꞌch nerroma amapaꞌ korretsanach. Napaꞌ nemneñeñ oꞌwañchaꞌ nokrra añe patsro allochñapaꞌ oꞌch nexhap thekma Cristesho, tharroꞌmar ñeñthpaꞌ elloña nanak kowen nokop.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.

El Apocalipsis 2:7

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth, ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñetñapaꞌ napwerranetchaꞌ ñeñth noꞌpatatenanet ñeñthchaꞌ atarr yomhaꞌwerret eꞌñe poktakma Nomporesho, allpaꞌ eꞌñech kosheñtsoꞌtsenet. Ñeñthña napaꞌ oꞌch not, napaꞌ oꞌch nemnaterranet atthoch oꞌch tsomwerret añ tsach poeꞌmer alloch korraꞌwerret eꞌñe poktakma amach alla rromoerreteꞌthe amaꞌt awatha.’ ” Arrpaꞌ allowa wañ ateth ot efesoꞌmarneshakop.