San Lucas 23:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha acheñeneshaxhno, ñetñapaꞌ ateth otanet Pilato: —Ñewa, napaꞌ amakaꞌyeña nentoñeña ñeñth attho ama pokteyeꞌ es penoña añ acheñer.

San Lucas 23:4 Iomraidhean Croise

San Mateo 27:19

Ñamha tharroꞌmar allempo anorros poꞌkonaño allchaꞌ aꞌpoktatan ñoñets, poethaporñapaꞌ oñmach poꞌñoñ all oteñ: “Amach erroth pephatsche Jesús ñeñth eꞌñe kowen acheñer tharroꞌmar amaꞌt añ tsapro napaꞌ oꞌ nexhopoꞌteñ; napaꞌ ñeñthña atarr neyoreꞌteꞌ.”

San Marcos 15:14

Pilatoñapaꞌ ateth oterraneterr: —Ñapaꞌ ¿esoꞌtña pen ñeñth amaꞌt mameshapaꞌ ama pokteyeꞌ sentapreteñe? Ñetñapaꞌ alla rrannarterreterr womenkpaꞌ ateth oterreterr: —Ñapaꞌ ¡xhophañakaꞌyeña korsoꞌtamphsateꞌ!

San Lucas 23:22

Pomaꞌpocheño Pilatopaꞌ alla oterraneterr: —¿Esoꞌmareꞌtña semneñña oꞌch nekorsoꞌtamphsach? Napaꞌ amakaꞌye nenteññañeña ñeñth attho ama pokteyeꞌ es peno atthoch yemtsatach. Ñeñthoꞌmarña napaꞌ atthachkaꞌye, nekoñchach mameꞌ allempopaꞌ oꞌch alla naꞌrroyer.

San Juan 18:38

Pilatoñapaꞌ alla oterrerr: —¿Erraꞌtsenaꞌtña ñoñets ñeñth eꞌñe poꞌñoxh? Ñeñtha otwapaꞌ oꞌ alla xhaꞌnerrerr alloꞌtsaꞌyen judioneshaꞌ. Allñapaꞌ ateth otwerranerr judioneshaꞌ: —Napaꞌ amakaꞌye nenteññañeña ñeñth attho ama pokteyeꞌ es peno atthoch yemtsatach.

Los Hechos 25:25

Tharraña allempoña napaꞌ naꞌphthoꞌtareꞌchpaꞌ ama nentoñeña ñeñth attho pokteꞌ oꞌch nemtsach. Ñamha eꞌñe ña moenats oꞌch entateñetaꞌ amhchaꞌtareth Augusto all Romo ñeñthoꞌmarña napaꞌ pokteꞌ nenteñ oꞌch nemñe all.

Los Hechos 3:13

Añchaꞌña oꞌch notas: Añmapaꞌ Yompor orrtateneꞌ ñeñth oꞌ sentwa. Añña Yomporpaꞌ ñeñthara Poꞌyomporer peꞌth amaꞌt Abraham ñamha Isaac ñamha Jacob, ñamha allowen yatañneshañ. Yomporpaꞌ eꞌñe pokteꞌ eñch oꞌch kowentatan Poechemer Jesús. Ñeñthoꞌmarña oꞌ orrtatonas ñeñth oꞌ sentwa. Tharraña sa ñeñthara Jesúspaꞌ oꞌ sepomwe. Amaꞌt allempo Pilatopaꞌ pokteꞌ enteñeñ oꞌch aꞌrroyereñ, tharraña sañapaꞌ xha saꞌnasotampesya allowenes.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.

1 San Pedro 1:19

Añña attho tsaꞌtonaya poꞌrraso Poechemer ñeñth Cristo. Poꞌrraspaꞌ ñeñth nanak sherbets ateth ñerraꞌm carnerothollpaꞌ eꞌñech koxhneshaꞌ moetseteꞌth Partsokop.

1 San Pedro 2:22

Ñapaꞌ ama eñalletataneꞌthe poꞌchñar amaꞌt koñeꞌtha. Ñapaꞌ ama shekaꞌyeꞌthe amaꞌt parrocha.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.