San Lucas 23:35 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁵ Acheñeneshaꞌñapaꞌ attha kowanrrorteñet all thomxhenet aꞌyeneth. Paꞌmhchaꞌtaretherneshet ñetñapaꞌ atarr es otnareꞌteñet, ateth otatseꞌtyeñet. —Theꞌña phapaꞌ oꞌ phaꞌkeshphatyes poꞌpotantañ, theꞌñapaꞌ phaꞌkeshphaterra eꞌñe phañeña ñerraꞌm poꞌñoxhtheꞌ ñeñtheph akren Yompor ñeñthchaꞌ Cristotosets.

San Lucas 23:35 Iomraidhean Croise

San Mateo 12:18

Añmapaꞌ ñeñthchaꞌ atarr thorrerrtsa nokop, ñapaꞌ ñeñth nenen ñeñthchaꞌ atarr sherberrets. Ñapaꞌ ñeñth atarr nemorrentena ñeñth eꞌñe nokshateneꞌ. Ñapaꞌ ñach awamenkath neperr nekamkëñoth, ñach eñotaterreꞌ allowen paꞌnamen acheñeneshaꞌ amaꞌt ñeñth ama judioneshayaye. Añchaꞌ eñotaterranet ñeñth eꞌñe kowen ñoñets atthochña eꞌñe pokteꞌ nentwerranet.

San Mateo 3:17

Allempoñapaꞌ xha eꞌmorrtatsa ñamha ñoñets entoth ateth eñorena Yompor. Ñeñthña ñoñetspaꞌ ateth oten: —Añmapaꞌ ñeñthña Nechemer ñeñth atarr nemorrentena. Ña atarr nanak nokshateneꞌ.

San Lucas 16:14

Añña fariseoneshaꞌ ñeñth eꞌmoeneꞌ Jesús ñeñth ateth serrpareꞌtatenan acheñeneshaꞌ, ñetñapaꞌ aña atarr yeꞌchapretenet kelle. Ñeñthoꞌmarña ñet allempopaꞌ poesasareꞌteñothet Jesúspaꞌ xha atarr cheꞌtatseteñet.

San Lucas 23:13

Allempoña Pilatopaꞌ alla apxhaterran ora allowen judioneshaꞌ paꞌmhchaꞌtaretherneshaꞌ ñeñth poꞌkornaneshar paꞌmhchaꞌtaretherneshaꞌ ñamha poꞌpotantañ judioneshaꞌ paꞌmhchaꞌtaretherneshaꞌ amaꞌt ñamha allowen acheñeneshaꞌ.

San Lucas 23:39

Poesheñarrña amtsañ ñeñth parro korsoꞌtampeñet, ñapaꞌxhoꞌña achmhareꞌch. Potnareꞌteñothpaꞌ ateth oteñ: —Ñerraꞌm poꞌñoxhtheꞌ Cristophpaꞌ phaꞌkeshphaterra pañeña, yapaꞌxhoꞌña oꞌch phaꞌkeshphaterrey.

1 San Pedro 2:4

Añ poktetsa oꞌch separrokmaterr epas Cristo. Cristo ñeñth atarr sherbets ateth ñerraꞌm mapoeꞌ ñeñth nenet kellpach paꞌrrphoth allo orratenet pokoll ñeñth nanak echarr. Tharraña mapoeꞌ amaꞌt nanak sherbenpaꞌ ama añeyaye alloch eꞌñe yokrra. Añña Cristo attho sherbenpaꞌ allochña eꞌñe yokrra poꞌñoxh. Amaꞌt acheñeneshaꞌ amaꞌt ama kowenayeꞌ enteñeto Cristopaꞌ Pomporñapaꞌ eꞌñe pokteꞌ enteñ. Pomporñapaꞌ ña akreꞌ ñeñthchaꞌ nanak sherbhats ñokop ateth ñerraꞌm mapoeꞌ ñeñth nanak kowen allochña thomatenan paꞌpakëll.