San Lucas 23:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Eꞌñe allempo korsoꞌtamphsosetpaꞌ Jesúsñapaꞌ ateth maꞌyochamphsosana ñeñth eꞌmoñeꞌteneꞌ, ñeñthpaꞌ ateth ot: —Nomporchaꞌ theꞌpaꞌ pephretnanetepaꞌch tharroꞌmar ñetpaꞌ poꞌñoxhpaꞌ ama eñoteneto ñeñth atet yexhkatenet, ñeñth ama pokteyaye. Allempoña solltarneshaꞌpaꞌ yellsheñeꞌchatoñet paꞌshtam poꞌswertoth atthoch orrta poesheñaꞌtets ñeñthchaꞌ yorayeseꞌ poemaꞌtets.

San Lucas 23:34 Iomraidhean Croise

San Mateo 11:25

Allempoña Jesúspaꞌ maꞌyochenana Pompor, ñeñthpaꞌ ateth oten: —Na Apachaꞌ oꞌch naꞌyeꞌchoxhtatonaph, phapaꞌ pha ñeñtheph atarr ayochreshathtetsa peꞌntaño amaꞌt ñamha arr patsro. Naꞌyeꞌchoxhtatonaph tharroꞌmar ora añexhno ñeñth pekowenña pepen, ñeñthpaꞌ ama arreyeꞌ pexhapateñe poeyoxhro ñeñth atarr eñotañ entyetsa. Phapaꞌ aña pexhapaten poeyoxhreto ñeñth ama eñotañeyeꞌ entyetso.

San Mateo 11:26

Tharroꞌmar Apa eꞌñe pemoereñoth ñeñthpaꞌ atethña eꞌñe pokteꞌ penten pha. Arrpaꞌ allowa ñeñth ateth maꞌyochenana Pompor.

San Mateo 5:44

Tharraña naña theꞌpaꞌ elloña oꞌch noterres: Semoeryach amaꞌt ñeñth seꞌmoñeꞌteneꞌ. Ñamha ñeñth sarrnomareꞌtenaya sañapaꞌ oꞌch senamaterrñañ Yompor paꞌnateña. Ñamha ñeñth erroth sepeneꞌpaꞌ sañapaꞌ añchaꞌ ateth sepoñ ñeñth atarr kowen enten ña. Ñamha ñeñth saꞌmoeroxhtateneꞌ sañapaꞌ oꞌch semaꞌyochampesya.

San Marcos 15:24

Allempoña oꞌ korsoꞌtampeswetpaꞌ solltarneshaꞌñapaꞌ allentha yellsheñeꞌchatoñet paꞌshtam poꞌswertoth atthoch orrtet eꞌñe poesheñaꞌttsetpaꞌ oꞌch yorayesñañet paꞌshtam poemaꞌtets.

San Lucas 22:42

Poemaꞌyocheñoth ateth otwen: —Apa, ñerraꞌm phach pokteꞌ enteꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añchaꞌña ateth pephaton ñeñth pemnen pha, amachña añeyaye ñeñth nemnen na.

San Juan 17:9

‘Theꞌña napaꞌ oꞌch nemaꞌyochampesnomanet ñet. Ama allowenakpayeꞌ acheñeneshaꞌ arr patsro nemaꞌyochenpho, eꞌñe añekpa nemaꞌyochenpha ñeñth neyochreshaꞌ pephatenen tharroꞌmar ñetpaꞌ ñeñthareta peyochreshaꞌ pepen phamha.

San Juan 19:11

Jesúsñapaꞌ ateth otererr: —Amach errothenoth pephaꞌnoñeña ñerraꞌm ama Yompor phapayñe llesens ateth. Ñeñthoꞌmarña ñeñth nepomoeꞌ peshopaꞌ ñetpaꞌ ello metanennapet phoꞌchñar.

Los Hechos 16:28

Añña Pablopaꞌ oꞌ xhoreꞌch womenkpaꞌ ateth och: —Amach erroth pephatsto amaꞌt mamesha. Yapaꞌ alloꞌtsaꞌyenya alloweney.

Los Hechos 3:17

‘Theꞌña masheñneshachaꞌ napaꞌ neñotenes awaña sapaꞌ ama es sexhapoyo seyoxhro allempo semtsach Jesús. Amaꞌt ñeñth saꞌmhchaꞌtaretherneshaꞌ ama es xhapaweto poeyoxhreto ñamet.

Los Hechos 7:60

Allempoñapaꞌ konkorpa. Konkorpapaꞌ eñora womenk, ateth ot: —Amach Nepartseshare petsaꞌtatatstaneto. Allempoñapaꞌ ñeñtha otwapaꞌ oꞌ moechecha, oꞌ rroma.

Romanos 12:14

Ñamha añ poktetsa oꞌch senamoñ Yompor atthoch aꞌnatana ñeñth seꞌmoñeꞌteneꞌ. Amachña xha sarrnomareꞌtatscho.

1 Corintios 2:8

Añña amhchaꞌtarethneshaꞌ ñeñth añe patsroꞌtsaꞌyenpaꞌ ama xhapaneto Yompor pokthaphña. Ñerraꞌm xhapanetañchaꞌ awaña poeyoxhretopaꞌ amatheꞌ korsoꞌtamperetañeña Yepartseshar ñeñth atarr nanak kowen.

1 Corintios 4:12

Eꞌñe yethorreñoth nanak yetarwasen eꞌñe ya yototh. Ñamha ñerraꞌm esempo sasareꞌtenyetpaꞌ yañapaꞌ oꞌch yenamatenanet Yompor paꞌnateña ñokpoet. Ñamha ñerraꞌm esempo poeꞌmoñeꞌteñothet kothareꞌtenyetpaꞌ yañapaꞌ atthach yaꞌwantenanet.

1 Timoteo 1:13

amaꞌt na awathpaꞌ nanak nachmhareꞌcheꞌth Cristo, ñamha nanak nokthareꞌcheꞌth ñeñth ameꞌñayeꞌth ña, ñamha nanak naꞌtserrphaꞌyesaneteꞌth. Tharraña amaꞌt ateth nepeꞌthpaꞌ Yomporpaꞌ ama koñeꞌtha morrenterrno tharroꞌmar allempopaꞌ ama es nexhenoyo neyoxhro, ñamha allempopaꞌ ama nameꞌñeꞌthe.

1 San Pedro 3:9

Ñerraꞌm poꞌpsheñeñ erroth phaspaꞌ sapaꞌ amach setsaꞌtatatsche eso. Ñerraꞌm poꞌpsheñeñ sasareꞌtaspaꞌ sapaꞌ amach sesasareꞌtatsterraneto. Añchaꞌña oꞌch senamoñ Yompor aꞌnachepaꞌ, tharroꞌmar ateth moenen Yompor atethchaꞌ yepha. Allochñapaꞌ ñerraꞌm ateth yephapaꞌ ñapaꞌ oꞌch aꞌnatenya yamha.