San Lucas 23:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² All aneñet ñamha epsheña ñeñth amtsañ ñeñthchaꞌ epoet korsoꞌtamphsoset.

San Lucas 23:32 Iomraidhean Croise

San Mateo 27:38

Allñapaꞌ korsoꞌtamphset epoet ñamha epsheña eñeth, poesheñarrpaꞌ nosñañet poꞌkowenroth, poꞌpsheñeññapaꞌ nosñañet poeꞌchkotheroth.

San Marcos 15:27

Allña korsoꞌtamphset epoet ñamha epsheña eñeth, poesheñarrpaꞌ nosñañet poꞌkowenroth, poꞌpsheñeññapaꞌ nosñañet poeꞌchkotheroth.

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Lucas 23:31

Tharroꞌmar theꞌpaꞌ attho moeroxhtatennet na amaꞌt napaꞌ eꞌñe kowen es norrtatyeneñ, eꞌñe attheneñ ñerraꞌm tsach eꞌñe kowen emmoꞌrateꞌ. Ñeñthoꞌmar theꞌ napaꞌ neñoteñ elloña atarrchaꞌ amoeroxhtatarethterra ñeñth ama kowenayeꞌ es orrtateno; ñeñthñapaꞌ eꞌñe ateth pena ñerraꞌm tsach rromoech. Arrpaꞌ allowa ateth otnomanet Jesús allempo aneñet allchaꞌ korsoꞌtamphsoset.

San Juan 19:18

Allña korsoꞌtamphsoset epoet ñamha epsheña acheñ. All korsoꞌtamphsetpaꞌ rroxhtamphsatoset epsheña.

2 Timoteo 2:9

Ñeñthoꞌmarña napaꞌ atthothña wankaꞌnet attho theꞌpaꞌ nanak nemoeroxhtena ateth ñerraꞌmrratheꞌ amtsañen. Tharraña Yompor poꞌñoñpaꞌ amach errothenoth wankëto.

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.