San Lucas 23:31 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³¹ Tharroꞌmar theꞌpaꞌ attho moeroxhtatennet na amaꞌt napaꞌ eꞌñe kowen es norrtatyeneñ, eꞌñe attheneñ ñerraꞌm tsach eꞌñe kowen emmoꞌrateꞌ. Ñeñthoꞌmar theꞌ napaꞌ neñoteñ elloña atarrchaꞌ amoeroxhtatarethterra ñeñth ama kowenayeꞌ es orrtateno; ñeñthñapaꞌ eꞌñe ateth pena ñerraꞌm tsach rromoech. Arrpaꞌ allowa ateth otnomanet Jesús allempo aneñet allchaꞌ korsoꞌtamphsoset.

San Lucas 23:31 Iomraidhean Croise

San Mateo 3:12

Ñapaꞌ atarr awamenkath ñapaꞌ ñach akrerreꞌ allowen acheñeneshaꞌ. Ñapaꞌ añ tomaꞌntena ñeñth orreneꞌ poeshoshnat alloch shoshnan poꞌtrigo oꞌch eꞌñe poeꞌllomhrochayamha. Ñeñthña poeꞌllomerpaꞌ oꞌch aꞌyapaxheꞌ oꞌch aññoꞌch allekma aññoꞌteñ eꞌñe kowen. Poeꞌsheꞌmarñapaꞌ oꞌch waporeꞌch tso allchaꞌ eꞌñe poywa. Ñeñthña tsoꞌpaꞌ ama emayaꞌpawo amaꞌt errponaña. Ñeñthpaꞌ allowa ateth serrpareꞌtatanet Juan.

San Lucas 23:30

Tharroꞌmar allempo poemoeroxhteñothet eꞌñe poellkëñothetpaꞌ atarrchaꞌ yaꞌñameterret. Poeyaꞌñameteñothetpaꞌ eꞌñech pokteꞌ entyerret ñegatamperretepaꞌtoꞌ atthoch pampoerranet eꞌñe poktakma. Allochñapaꞌ oꞌwañchaꞌ alloꞌna atarr nanak moeroxhtenet.

San Lucas 23:32

All aneñet ñamha epsheña ñeñth amtsañ ñeñthchaꞌ epoet korsoꞌtamphsoset.

San Juan 15:6

Eseshaꞌch ama neparrokmaterraye awaporeꞌtarethchaꞌ ateth ñerraꞌmrratheꞌ tsachtakër ñeñth ama meꞌtetso xhochña pechaꞌtamphsetña poetakër oꞌch eꞌñe porrarrkeꞌchwa allempochña aꞌyapaxhetpaꞌ oꞌch chamoet tso allchaꞌ poywa.

Hebreos 6:8

Tharraña ñerraꞌm aña cheparsats paꞌnamen ajaxhno ñeñth ama kowenayaye, ñeñthña patspaꞌ amach es sherbeno. Yomporeshothpaꞌ arrnomarethterrach atthoch aꞌpoyarethterra.

San Judas 1:12

Ñeñthña ashkañneshaꞌpaꞌ sapaꞌ ñeñthña sepenknaꞌntateneꞌ allempo sapxhena oꞌch serratallmeꞌchannena ñeñthes ameꞌñenaya Yompor. Sapaꞌ serratallmeꞌchannena eꞌñe semorrentannaꞌteñoth, tharraña ñetpaꞌ atthach nanak rratseꞌtyenet amach ayetñathteneto amach kowaꞌpeñetoña ñamha poꞌpsheñeñ ñeñth cheporretsa ñeñth moenets oꞌch rraꞌ ñamha. Ñetpaꞌ eꞌñe ateth penetañ ñerraꞌmrratheꞌ ñeñth kowampenayeñ carnero ñeñthchaꞌ rratenayeñ tharraña amachña carneroyeꞌña rrateno, ñeñthapaꞌ ñañeñetach atarr rretset. Ñetpaꞌ ama es sherbeneto eꞌñe attha penet ateth ñerraꞌmrratheꞌ os ñeñth ama watetso atthach matateñ mhorr. Ñamha eꞌñe atthet ñerraꞌmrratheꞌ narmetsoch ñeñth ama ameꞌtño, amaꞌtchaꞌ xhen poemeꞌteñporopaꞌ amach meꞌteno. Ñamha ñeñthña narmetsocherpaꞌ eꞌñech ateth pena ñerraꞌmrratheꞌ rromoech oꞌch yaꞌmare ora poerxhowenpaꞌ oꞌch eꞌñe poetsowa oꞌch wañ. Ñeñthña amaꞌt mameshapaꞌ amach es sherberrye.