San Lucas 23:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Allempoña amhchaꞌtareth Pilatopaꞌ aꞌphthoꞌtapan Jesús: —Phapaꞌ ¿phaꞌtña judioneshaꞌ paꞌmhchaꞌtarethereph? Jesúsñapaꞌ ateth och: —Atethkaꞌye ateth photenen.

San Lucas 23:3 Iomraidhean Croise

San Mateo 27:11

Allempo xhapachet Jesús amhchaꞌtareth Pilatesho, allñapaꞌ all amhchaꞌtarethñapaꞌ allentha aꞌphthoꞌtaph: —Phapaꞌ ¿phaꞌtña amhchaꞌtarethtetsaña judioneshakop? Jesúsñapaꞌ ateth och: —Napaꞌ ñeñthenkaꞌye ateth photen.

San Marcos 15:18

Pachmhareꞌteñothetpaꞌ ateth oteñet: —¡Poetareꞌ amhchaꞌtarethechaꞌ atarrwakaꞌ kowenephtheꞌ! pha ñeñtheph judioneshaꞌ paꞌmhchaꞌtarethereph.

San Marcos 15:2

Pilatoña aꞌphthoꞌtapan Jesúspaꞌ ateth och: —Phapaꞌ ¿phaꞌtña amhchaꞌtarethtetsaña judioneshakop? Jesúsñapaꞌ ateth och: —Napaꞌ ñeñthenkaꞌye ateth photen.

San Marcos 15:32

Eꞌñe pachmhareꞌteñothetpaꞌ ateth otyereterr: —Phapaꞌ ñeñthephoꞌkaꞌye Cristotostsañ, ñeñthephoꞌkaꞌye israelneshaꞌ paꞌmhchaꞌtaretherpeñ, peswerrañakaꞌye korsochoth allochñapaꞌ atthoch yameꞌñapha yamha. Eꞌñe atthekma peꞌ ñamha eñeth ñeñth epoet korsoꞌtampeñet, ñetpaꞌxhoꞌña atarr es otnareꞌchet alloth poꞌkorsochoth.

San Lucas 22:70

Allempoña allowenet ateth oteñet: —Ñeñthepñapaꞌ ¿phaꞌtrraña Poechemer penña Yompor? Jesúsñapaꞌ ateth oterraneterr: —Eꞌñekaꞌye poꞌñoxh ñeñth ateth sotenen sa.

San Lucas 23:38

Ñewa, poñoth all korsocho all noñet tsachtall akellkareth ñeñthña kellekpaꞌ ateth oten: “Añpaꞌ ñeñthkaꞌye judioneshaꞌ Paꞌmhchaꞌtarether.” Ñeñthña kellekpaꞌ ñeñth anareth maꞌpoꞌmar ñoñets —griegaxh, latinaxh ñamha hebreyaxh, eꞌñe atthekma oten.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 18:29

Ñeñthoꞌmarña Pilatopaꞌ xhaꞌnmanet aꞌyoth alloꞌtsaꞌyenet, ateth otapanet: —¿Errothenotheꞌtña sotteñeꞌcheñña añ acheñer?

San Juan 19:3

Paꞌllokchameꞌteñothetpaꞌ eꞌñe ateth phachet ñerraꞌmrratheꞌ ñeñth poꞌñoxh amhchaꞌtarethtetsa. Allña ponemhyetpaꞌ pachmhareꞌteñothetpaꞌ ateth oteñet: —Poetareꞌ amhchaꞌtarethechaꞌ, atarrwakaꞌ kowenephtheꞌ pha ñeñtheph judioneshaꞌ paꞌmhchaꞌtarethereph. Allñapaꞌ takllapecheñet.

1 Timoteo 6:13

Theꞌpaꞌ oꞌch, masheñe, noterrperr poꞌpoñ ñeñthchaꞌ ateth pepha. Xhokmach petsotwa ora ñeñth ateth oteneph Yompor. Amach phokthapeꞌchatsto poꞌpoñoneth atthoch amach eñalle atthoch thanmareꞌtapha acheñeneshaꞌ. Añpaꞌ atethchaꞌ pepha tharrempowa esempowañenchaꞌ werra Yepartseshar Jesucristo. Tharroꞌmar amaꞌt theꞌ Yomporpaꞌ enteneph, ñeñthara Yompor ñeñth yapoeneꞌ yokrreña themeꞌttsen, ñamha allowen ñeñth yentyen. Ñamha Poechemer Jesucristopaꞌxhoꞌña enteneph, añ ñeñthara Cristo ñeñth eñosets eꞌñe kowen allempo aꞌphthoꞌtareꞌteñ Poncio Pilato.