San Lucas 23:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Tharraña Jesúspaꞌ allentha kowaꞌnmanet, ateth otnomanet: —Noxhanesha ñeñthes jerusaléñoꞌmarneshas, amach atarr seyaꞌnaꞌtatsteno na. Eꞌñe sokpa atarr seyawena sakñetharetholleshowen.

San Lucas 23:28 Iomraidhean Croise

San Lucas 23:27

Allñapaꞌ kothaꞌwanemh shonteꞌ acheñeneshaꞌ, shonteꞌ koyaneshaxhno ñeñth atarr yaꞌnaꞌtneneꞌ Jesús chentaꞌ, atarr gogaretyesnenet poellkëñothet.

San Lucas 23:29

Tharroꞌmar esempopaꞌ xhokmach waponasa ñeñthchaꞌ atarr sellkaterreꞌ. Allempoña koyaneshaꞌ ñeñth ama achoyoreꞌtñepaꞌ ñokpoetñapaꞌ eꞌñech kowen entarethterret allempo tharroꞌmar ñetpaꞌ ama eñalleto poechoyoreshet ñeñthchaꞌ atarr moeroxhterrtsa. Ñeñthoꞌmarña allempopaꞌ otyerrchaꞌ allowen acheñeneshaꞌ: “Oꞌ atarr kosheñtsoꞌtsenterra moexhophnaneshaꞌ, amaꞌt allowen ñeñth ama achoyoreꞌtñe, amaꞌt allowen ñeñth ama es momaꞌyeneto.”

El Apocalipsis 1:7

Oꞌch sekweñ werrach Cristo, oschaꞌ aꞌswatamperreꞌ. Amaꞌt allowen acheñeneshaꞌpaꞌ entwapoeretchaꞌ eꞌñe paꞌklloyothet. Amaꞌt ñeñth pataꞌteꞌpaꞌ entwapoeretchaꞌ ñamet. Allempoña ñeñth shonteꞌ paꞌnamen acheñeneshaꞌ ñeñth yexhaꞌyetsa arr patsropaꞌ yaꞌnaꞌtapoeretchaꞌ eꞌñe poellkëñothet. Ñeñthpaꞌ eꞌñech ateth perra.