San Lucas 23:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Allñapaꞌ kothaꞌwanemh shonteꞌ acheñeneshaꞌ, shonteꞌ koyaneshaxhno ñeñth atarr yaꞌnaꞌtneneꞌ Jesús chentaꞌ, atarr gogaretyesnenet poellkëñothet.

San Lucas 23:27 Iomraidhean Croise

San Mateo 27:55

Alloꞌtsaꞌyen ñamha shonteꞌ koyaneshaxhno, ñetñapaꞌ aꞌyotha kowanrrorteñet. Ñetpaꞌ ñetkaꞌyeña kothaꞌwanmoeꞌña Jesús Galileotheñ ñeñth sherbhaꞌyesayeꞌth.

San Marcos 15:40

Alloꞌtsaꞌyen ñamha shonteꞌ koyaneshaxhno, ñetñapaꞌ aꞌyotha kowanrrortenet. Ñetpaꞌ ñetkaꞌyeña kothaꞌwanmoeꞌña Jesús Galileotheñ ñeñth sherbhaꞌyesayeꞌth. Ñeñthpaꞌ María Magdalena ñamha poꞌpsheñeñ María ñeñth Jacobo pachor ñamha José. Ñewa, ñeñth Jacobopaꞌ poechoyomer peñ José. Alloꞌtsaꞌyen ñamha shonteꞌ poꞌpotantañ koyaneshaxhno ñeñth kothaꞌyesayeꞌth Jesús Jerusaléño.

San Lucas 23:28

Tharraña Jesúspaꞌ allentha kowaꞌnmanet, ateth otnomanet: —Noxhanesha ñeñthes jerusaléñoꞌmarneshas, amach atarr seyaꞌnaꞌtatsteno na. Eꞌñe sokpa atarr seyawena sakñetharetholleshowen.

San Lucas 23:55

Ñeñthña koyaneshaxhno ñeñth atarr yemtenaya Jesús ñeñth kothaꞌwanmoeꞌ awañotheñ Galileoth, ñetñapaꞌ kothaꞌwanmet all pampoeñetaꞌ atthoch eñchet allchaꞌ neret Jesús.

San Lucas 8:2

Allñapaꞌ kothaꞌwanemh ñamha patantarr koyaneshaxhno ñeñth aꞌkrratyeswa Jesús awañmoꞌcha, poesheñaꞌtetspaꞌ ñeñth kaxhpatatyerr oneñeth ñeñth chorraweteꞌth, poꞌpsheññexhnopaꞌ ñeñth aꞌkrratyes ñeñth paꞌnamen atsnañtsor moeroxhtatyesaweteꞌth. Poesheñarr koyaneshaꞌ ñeñthpaꞌ añ paꞌsoꞌcheñ María Magdalena. Ñeñth Maríarpaꞌ Jesúsñapaꞌ poekaxhpatataroñ kanxherr oneñeth.

San Juan 16:20

Poꞌñoxhkaꞌye oꞌch notas: Sapaꞌ sellkëñothpaꞌ seyawerrach. Acheñeneshaꞌña arr patsro ñeñth ama ameꞌñetso ñetñapaꞌ xhach atarr koshet. Sapaꞌ sellkërrach tharraña sellkëña sapaꞌ poenaserrnasach soksheña.