San Lucas 22:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Xhapaꞌmoen ñeñth yetherpaꞌ Jesúsñapaꞌ ateth otaꞌmoenan poeyochreshaꞌ epsheña Pedro ñamha Juan: —Sa theꞌpaꞌ oꞌch awes allchaꞌ saꞌpotos rreñets ñeñthchaꞌ yerraꞌ pascuapo.

San Lucas 22:8 Iomraidhean Croise

San Mateo 3:15

Jesúsñapaꞌ ateth otererr: —Phapatapnoꞌthach Juanachaꞌ tharroꞌmar atethkaꞌye poktetsa oꞌch yetsota allowen ñeñth poktetsa Partsokop. Allempoña Juanpaꞌ eꞌñe pokteꞌ eñch,

San Lucas 1:6

Ñetña epsheñoꞌmaretpaꞌ Yomporñapaꞌ eꞌñe pokteꞌ entenanet ñeñth ateth penet ñet, eꞌñe kowen etsotweññañet ora poꞌñoñ ñeñth ateth anareth awathotheñ acheñeneshakop ñeñthchaꞌ ateth phowenet. Ñeñthoꞌmarña amaꞌt poesheñarrapaꞌ amach errothenoth otarethteto, “ama pokteyaye ñeñth ateth sepena.”

San Lucas 22:9

Ñetñapaꞌ ateth ochet: —¿Erraꞌtña pokollro pemneñña allchaꞌ yaꞌpotaꞌña rreñets?

Los Hechos 3:1

Pamtharrpaꞌ xhap allempokma maꞌyochenet Parets paꞌpakllo, ateth ñerraꞌm allempopaꞌ ñatoꞌ oꞌ ellerrenmoch. Pedroñapaꞌ awoꞌ Parets paꞌpakllo epoet Juan, oꞌch maꞌyochoset all.

Los Hechos 3:11

Añña ñeñth korrerrtsapaꞌ ama aꞌrroyen enterrano Pedro ñamha Juan. Allempoña all thomxhenet all oteñet Salomón Popellrraro. Acheñeneshaꞌ poꞌyorñothetpaꞌ matrraꞌtet alloꞌtsen Pedro ñamha Juan ñamha ñeñth aꞌkrraterr Pedro.

Los Hechos 3:3

Ñeñthña echarrtetsapaꞌ entapan Pedro epoet Juan. Ñetpaꞌxhoꞌña beꞌthosmochet Parets paꞌpakllo. Ñañapaꞌ enamapanet kelle.

Los Hechos 4:13

Añña Pedro ñamha Juanpaꞌ ama poemhchaꞌnañotheyeꞌ eñoseto. Amaꞌt mameshapaꞌ ama mechaꞌteneto. Allempoña amhchaꞌtarethexhnopaꞌ oꞌ eñochet ama poemhchaꞌnañotheyeꞌ eñenetopaꞌ ñetpaꞌ ateth otet: —Errothenothwakaꞌye eñenetña ateth. Yapaꞌ yeñotenanet ñetpaꞌ ama ayxhatarethteto atthoch eñotet kellek womenk. Ñetpaꞌ attheta ñerraꞌm poꞌpotantañ acheñeneshaꞌ ñeñth ama tama es eñotetso. Errothenothwañakaꞌye eñenetña ateth ñerraꞌm ayxhatarethet. Allempoñapaꞌ oꞌ xhapanet poeyoxhro attho Pedro ñamha Juanpaꞌ awaña xhokma chopeñeꞌcheꞌth epoet Jesús.

Los Hechos 4:19

Allempoña Pedro ñamha Juanpaꞌ ateth otanet: —Ñewa, theꞌpaꞌ oꞌch sokthapeꞌch sa, allothpaꞌ oꞌch sotey, erraꞌtsentheꞌ pokteꞌ enten Yompor, ñatoꞌ oꞌch yameꞌñasa sa amapaꞌ oꞌch yameꞌñya Yompor.

Los Hechos 8:14

Allempoña Jesús poellsensarneshaꞌpaꞌ eꞌmareꞌchet Jerusaléñoth shonteꞌ samarioꞌmarneshaꞌ ameꞌñeññañet Yompor poꞌñoñpaꞌ oꞌ moeñet Pedro ñamha Juan all Samario.

Gálatas 2:9

Ñeñthoꞌmarña ñeñth amhchaꞌtarethetyetsa ateth ñerraꞌm masheñ Jacobo ñamha masheñ Pedro ñamha masheñ Juanpaꞌ ñetpaꞌ eꞌñe eñochet poꞌñoxh napaꞌ Yompor oꞌ yenpoerren. Ñeñthoꞌmar ñetpaꞌ eꞌñe kowen agapyet epan masheñ Bernabé. Pagapoeñothetaypaꞌ orratyet pot poꞌkowenroth atthoch yeñotannaꞌta eꞌñe atthekma yokthapeꞌchen Yomporekop. Allempoña ñetpaꞌ eꞌñe pokteꞌ entyet yeserrpareꞌtachepaꞌtoꞌ ñeñth ama judioneshayaye, ateth ñerraꞌm ñetpaꞌ oꞌch serrpareꞌtachet ñeñth judioneshaꞌ.